రూల్స్ రంజాన్ పై ఎన్ని ఆశలో..

కిరణ్ అబ్బవరం హీరోగా హాట్ బ్యూటీ నేహా శెట్టి హీరోయిన్ గా తెరకెక్కిన ప్రేక్షకుల ముందుకి రాబోతోన్న సినిమా రూల్స్ రంజన్. ఇంటరెస్టింగ్ పాయింట్ తో జ్యోతికృష్ణ ఈ చిత్రాన్ని సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. గోపీచంద్ ఆక్సిజన్ తర్వాత జ్యోతికృష్ణ లాంగ్ గ్యాప్ తీసుకొని చేస్తోన్న మూవీ ఇదే కావడం విశేషం. ఇక కిరణ్ అబ్బవరం కెరియర్ లో కూడా కాస్తా హైబడ్జెట్ లోనే మూవీ తెరకెక్కింది.

ఇప్పుడు కిరణ్ అబ్బవరంకి రూల్స్ రంజన్ మూవీతో బ్లాక్ బస్టర్ పడాల్సిన అవసరం ఎంతైనా ఉంది. రాజావారు రాణిగారు సినిమాతో టాలీవుడ్ లోకి అడుగుపెట్టిన కిరణ్ అబ్బవరంకి ఆ సినిమా మంచి ఇమేజ్ తీసుకొచ్చింది. దీంతో వరుస అవకాశాలు క్యూ కట్టాయి. ఈ ఏడాది వినరో భాగ్యము విష్ణుకథ మూవీ పాజిటివ్ టాక్ సొంతం చేసుకుంది. అయితే కమర్షియల్ ఫార్మాట్ లో వచ్చిన మీటర్ మాత్రం డిజాస్టర్ అయ్యింది.

ఈ రెండు చిత్రాల తర్వాత ఈ ఏడాది రూల్స్ రంజన్ మూవీతో మరల కిరణ్ థియేటర్స్ లో తన అదృష్టం పరీక్షించుకోవడానికి సిద్ధమయ్యాడు. ఈ మూవీ అక్టోబర్ 6న థియేటర్స్ లో రిలీజ్ కాబోతోంది. కనీసం రూల్స్ రంజన్ తో అయిన కెరియర్ లో ఒక బ్లాక్ బస్టర్ హిట్ ని ఖాతాలో వేసుకోవాలని కిరణ్ అబ్బవరం ఎదురుచూస్తున్నారు.

చేతినిండా సినిమా అవకాశాలు అయితే ఉన్నాయి. అయితే చెప్పుకోవడానికి కిరణ్ అబ్బవరంకి ఒక సాలిడ్ హిట్ అయితే లేదు. ఇక జ్యోతికృష్ణ కూడా కచ్చితంగా రూల్స్ రంజన్ తో దర్శకుడిగా టాలీవుడ్ లో తనకంటూ ప్రత్యేకమైన గుర్తింపుని క్రియేట్ చేసుకోవాలని అనుకుంటున్నారు. వీరిద్దరికి కూడా కచ్చితంగా రూల్స్ రంజన్ తో ఒక మంచి హిట్ కావాలి.

ఆడియన్స్ కూడా సాలిడ్ బ్లాక్ బస్టర్ ని కోరుకుంటున్నారు. గతం నెలలో టాలీవుడ్ నుంచి వచ్చిన సినిమాలలో మిస్ శెట్టి మిస్టర్ పోలిశెట్టి, బెదుర్లంక 2012 సినిమాలు ఓ మోస్తరు హిట్ టాక్ తెచ్చుకున్నాయి. అయితే బ్లాక్ బస్టర్ మాత్రం పడలేదు. ఈ నెల ఆరంభంలో రూల్స్ రంజన్ తో అయిన బ్లాక్ బస్టర్ పడుతుందేమో చూడాలి.