ఐదుగురు హీరోయిన్ల‌తో హీటెక్కిస్తున్న ఫ్రాంఛైజీ
ఒక‌రు కాదు.. ఇద్ద‌రు కాదు! ఏకంగా ఐదురు హీరోయిన్లు స్క్రీన్ ని హీటెక్కించ‌బోతున్నారు.
ఒక‌రు కాదు.. ఇద్ద‌రు కాదు! ఏకంగా ఐదురు హీరోయిన్లు స్క్రీన్ ని హీటెక్కించ‌బోతున్నారు. పెద్ద తెర నిండుగా త‌మ అందాల‌ను ప‌రిచేసి యువ‌త‌రం గుండెల్ని కొల్ల‌గొట్టేందుకు అందాల క‌థానాయిక‌లు రెడీ అవుతున్నారు. ఇంత‌కీ ఇది ఏ ఫ్రాంఛైజీ అంటారా? క‌చ్ఛితంగా అది `హౌస్ ఫుల్` కాకుండా ఇంకేది అయి ఉంటుంది?
ఖిలాడీ అక్షయ్ కుమార్ -సాజిద్ నదియాడ్‌వాలా కాంబినేష‌న్ లో హౌస్‌ఫుల్ ఫ్రాంచైజీ వారసత్వాన్ని హౌస్‌ఫుల్ 5తో కొనసాగిస్తున్నారు. ఈ హాస్య ప్ర‌ధాన చిత్రం ఇతివృత్తానికి ఒక ప్రత్యేకమైన ట్విస్ట్‌ను జోడిస్తూ .. ర‌స‌ర‌మ్యంగా ఐదుగురు హీరోయిన్ల‌తో గుబులు పుట్టించ‌బోతోంద‌ని టీమ్ వెల్ల‌డించింది. నిర్మాత సాజిద్ నడియాడ్‌వాలా ఈ కామిక్ ఎంటర్‌టైనర్ కోసం భారీ తారాగణాన్ని ఒకచోట చేర్చారు. హౌస్‌ఫుల్ 5లోని మేల్ లీడ్స్ అక్షయ్ కుమార్, రితీష్ దేశ్‌ముఖ్, అభిషేక్ బచ్చన్, సంజయ్ దత్, ఫర్దీన్ ఖాన్, నానా పటేకర్, చుంకీ పాండే, జాకీ ష్రాఫ్, డినో మోరియా త‌దిత‌రులు మ‌ళ్లీ న‌టిస్తుండగా, ఈ చిత్రంలో క‌థానాయిక‌లుగా అగ్ర తార‌ల్ని ఎంపిక చేసామ‌ని వెల్ల‌డించారు.
తాజా సోర్స్ ప్రకారం `హౌస్‌ఫుల్ 5`లో జాక్వెలిన్ ఫెర్నాండెజ్, నర్గీస్ ఫక్రీ, సోనమ్ బజ్వా, చిత్రాంగద సింగ్, సౌందర్య శర్మ నటించనున్నారు. ఇది పాత్రలతో నిండిన క్రూయిజ్ .. ప్రతి పాత్ర ఒక కారణంతో చిత్రంలో భాగం. సాజిద్ నడియాడ్‌వాలా సరైన నటీనటులను ఎంపిక చేసుకున్నారు. హౌస్‌ఫుల్ 5 గ్యాంగ్ లాక్ అయింది. సరదాగా రైడ్‌ను ప్రారంభించేందుకు ఉత్సాహంగా ఉంది అని వెల్ల‌డైంది. హౌస్‌ఫుల్ 5 సెప్టెంబర్ 15న లండన్‌లో 45-రోజుల మారథాన్ షెడ్యూల్ లో భాగంగా సెట్స్‌పైకి వెళ్తుందని సోర్స్ పేర్కొంది. మొదట లండన్‌లో కొన్ని సన్నివేశాలను చిత్రీకరిస్తారు.. ఆపై క్రూయిజ్‌లో ఎక్కుతారు.. అక్కడ మొత్తం ఇల్లు గందరగోళం న‌డుమ నవ్వులతో ర‌క్తి క‌ట్టిస్తుంది. పైన పేర్కొన్న ముఖ్య నటీనటులతో పాటు ఈ చిత్రంలో ఇంకా చాలా మంది సహాయక పాత్రధారులు ఉన్నారు. యువ‌త‌రాన్ని వెర్రెత్తించ‌డ‌మే ధ్యేయంగా ఈ సినిమాలో పాత్ర‌లు ఉంటాయ‌ని చెబుతున్నారు. ఏడాది తర్వాత మరో షెడ్యూల్ కోసం టీమ్ తిరిగి ముంబైకి చేరుకుంటుంది. హౌస్‌ఫుల్ 5 చిత్రాన్ని సంవత్సరం క్రితం ప్రకటించారు. 6 జూన్ 2025న విడుదల కానుంది. బక్రీద్ 2025 వారాంతంలో తన సినిమాను తీసుకురావాలని సాజిద్ భావిస్తున్నారు. హౌస్‌ఫుల్ 5 కామిక్ అవతార్‌లో అక్షయ్ కుమార్‌ను తిరిగి తీసుకువస్తున్నారు. మునుపటి చిత్రాల మాదిరిగానే అక్కీ పాత్ర ప్రత్యేకతను కలిగి ఉంటుంది అని తెలిపారు. హౌస్‌ఫుల్ 5 చిత్రానికి తరుణ్ మన్సుఖాని దర్శకత్వం వహిస్తున్నారు.