ఎన్టీఆర్ కి హీరో.. మహేష్ కి విలన్..?

తెలుగు తెర మీద బాలీవుడ్ స్టార్స్ హంగామా చూసేందుకు ఆసక్తిగా ఉన్నారు ప్రేక్షకులు. ఒకప్పుడు టాలీవుడ్ అంటే కేవలం ప్రాంతీయ సినిమా అని లెక్క కట్టి చిన్నచూపు చూసే వారు కానీ ఇప్పుడు తెలుగు సినిమాల లెక్క మారింది. పాన్ ఇండియా కాదు పాన్ వరల్డ్ వైడ్ గా మన సినిమాలకు డిమాండ్ ఏర్పడింది. అందుకే బాలీవుడ్ స్టార్స్ కూడా తెలుగు సినిమాల్లో నటించేందుకు ఆసక్తి చూపిస్తున్నారు. అక్కడ స్టార్స్ ఇక్కడ ఇక్కడ స్టార్స్ అక్కడ సినిమాలు చేస్తూ ఫ్యాన్ బేస్ పెంచుకుంటున్నారు. సినీ పరిశ్రమ అంతా భాషా ప్రాతిపదిక కాకుండా ఒకే గొడుగు కింద తీసుకు రావాలనే ప్రయత్నాలు కూడా జరుగుతున్నాయి.

ఆ విషయం పక్కన పెడితే ప్రస్తుతం తెలుగు స్టార్స్ హిందీలో.. హిందీ స్టార్స్ తెలుగులో సినిమాలు చేస్తున్నారు. మన యంగ్ టైగర్.. మ్యాన్ ఆఫ్ మాసెస్ ఎన్టీఆర్ ఓ పక్క దేవర సినిమా చేస్తూనే మరోపక్క హృతిక్ రోషన్ తో వార్ 2 కోసం రెడీ అవుతున్నాడు. అయాన్ ముఖర్జీ డైరెక్ట్ చేస్తున్న వార్ 2 సినిమాలో హృతిక్ హీరోగా ఎన్టీఆర్ నెగిటివ్ రోల్ లో నటిస్తాడని తెలుస్తుంది. ఈ సినిమాలో ఇద్దరు నువ్వా నేనా అన్నట్టుగా భీకరమైన యాక్షన్ ఫైట్ ఉంటుందని చెబుతున్నారు.

అయితే లేటెస్ట్ గా రాజమౌళి డైరెక్షన్ లో మహేష్ చేస్తున్న సినిమాలో మరో స్టార్ విలన్ గా నటిస్తాడని అంటున్నారు. ఆ ఛాన్స్ బాలీవుడ్ హీరో హృతిక్ రోషన్ ని వరించిందని టాక్. రాజమౌళి డైరెక్షన్ లో సినిమా అంటే ఏ హీరో కూడా నో చెప్పే ఛాన్స్ లేదు. సో హృతిక్ రోషన్ ఈ ఆఫర్ అందుకుంటే మాత్రం మహేష్ ప్రాజెక్ట్ పై మరింత బజ్ పెరుగుతుంది. రాజమౌళి మహేష్ సినిమాలో హృతిక్ రోషన్ విలన్ అయితే.. విచిత్రంగా ఎన్టీఆర్ కి హీరోగా అయిన హృతిక్ ఇప్పుడు మహేష్ కి విలన్ గా మారుతున్నాడని అనుకోవచ్చు.

కథాబలం ఉంటే హీరోలు, విలన్ లు కాదు తమకు ఇచ్చిన పాత్రలకు పూర్తి స్థాయిలో న్యాయం చేసి తమ నటనా ప్రతిభ చూపించాలని చూస్తున్నారు స్టార్స్. అందుకే ఇప్పుడు ఎలాంటి ఛాన్స్ వచ్చినా కూడా ఓకే అనేస్తున్నారు. ఎన్టీఆర్ వార్ 2 లో చేస్తున్నట్టుగా.. రాజమౌళి సినిమాలో హృతిక్ రోషన్ నెగిటివ్ రోల్ చేస్తాడని అంటున్నారు. అదే జరిగితే వెండితెర మీద అద్భుతమైన కాంబినేషన్స్ చూసే అవకాశం ఉంటుంది. ప్రేక్షకులకు ఐ ఫీస్ట్ అందించే క్రమంలో క్రేజీ కాంబినేషన్స్ సెట్ చేసే పనుల్లో ఉన్నారు దర్శక నిర్మాతలు.