పుష్ప 2 'కిసిక్' - ఎక్కడ తేడా కొట్టింది?
అయితే ఒక విషయంలో మాత్రం అనుకున్నంత రేంజ్ లో అంచనాలు అందుకోలేదని టాక్ వస్తోంది.
ఐకాన్ స్టార్ అల్లు అర్జున్ నటించిన పుష్ప 2: ది రూల్ గ్రాండ్ గా ప్రేక్షకుల ముందుకు వచ్చి హిట్ టాక్‌తో దూసుకుపోతోంది. ప్రత్యేకంగా నార్త్ ఇండియా ప్రాంతాల్లో ఈ సినిమా అంచనాలకు మించి కలెక్షన్స్ సాధిస్తూ సెన్సేషన్ క్రియేట్ చేస్తోంది. అయితే ఒక విషయంలో మాత్రం అనుకున్నంత రేంజ్ లో అంచనాలు అందుకోలేదని టాక్ వస్తోంది. పుష్ప 2 సినిమాలో శ్రీలీలపై తెరకెక్కించిన స్పెషల్ సాంగ్ 'కిసిక్' సినిమా విడుదలకు ముందే హైలైట్‌ అయినా, విడుదల అనంతరం ఈ పాటపై ప్రేక్షకుల నుండి అంత స్పందన రాలేదనే చెప్పాలి.
'కిసిక్' పాటను పార్ట్ 1లో వచ్చిన 'ఊ అంటావా మావా' పాటతో పోల్చుకుంటున్నారు. సమంత అద్భుతమైన హావభావాలు, పాటకు తగ్గట్టు ప్రెజెన్స్, అలాగే దేవిశ్రీ ప్రసాద్ అందించిన టెంపో ఆ పాటను విపరీతమైన విజయానికి దారితీసింది. కానీ ఈసారి 'కిసిక్' పాట ఆ స్థాయిలో ఆకట్టుకోలేదని చాలా మంది భావిస్తున్నారు. పాట టోన్, టెంపో, అలాగే డ్యాన్స్ మూవ్స్ సమంత సాంగ్ రేంజ్‌లో కాకపోవడం ఈ పాట బజ్ తగ్గడానికి కారణంగా చెబుతున్నారు.
శ్రీలీల డ్యాన్స్ కూడా చక్కగానే ఉండగా, ఆమె కష్టపడిన విధానానికి ప్రేక్షకుల నుండి మంచి స్పందనను పొందింది. కానీ ఆ పాట విడుదల తర్వాత ఆమె హావభావాలు పెద్దగా చర్చకు రాలేదు. సమంత 'ఊ అంటావా' పాటలో తన ప్రదర్శనతో ప్రేక్షకులను మంత్రముగ్దులను చేయగా, శ్రీలీల 'కిసిక్' పాట ఆ రేంజ్ మ్యాజిక్ క్రియేట్ చేయలేకపోయిందని కొందరు అభిప్రాయపడుతున్నారు.
ముఖ్యంగా పుష్ప 1లో సమంత పాట సినిమా విడుదల తర్వాత కూడా సోషల్ మీడియాలో ట్రెండ్ అవుతూ, చాలాకాలం ప్రేక్షకుల మనసులో నిలిచిపోయింది. కానీ 'కిసిక్' పాట అయితే అటువంటి ప్రాచుర్యం పొందలేకపోయింది. పాటలో దేవిశ్రీ ప్రసాద్ మ్యూజిక్ బాగానే ఉన్నప్పటికీ, ప్రేక్షకులు 'ఊ అంటావా' పాటతో ఈ పాటను పోల్చడమే ఈ ఫలితానికి ప్రధాన కారణంగా కనిపిస్తోంది.
ఒక స్పెషల్ ఐటమ్ సాంగ్ సినిమాకు ఎంత హైప్ కలిగించాలో 'ఊ అంటావా' సాంగ్ నిరూపించింది. కానీ ఈసారి 'కిసిక్' పాటకు ఆశించినంత బజ్ రావడం లేదని టాక్ ఉంది. దీనికి సాంగ్ లిరిక్స్, సంగీతం, మొత్తం ట్రీట్మెంట్ కూడా కారణమని సినీ విశ్లేషకులు అంటున్నారు. శ్రీలీల పాట విడుదల తర్వాత మిగతా ప్రమోషన్లలో భాగంగా కూడా పెద్దగా కనిపించకపోవడం, ఆమెపై దృష్టి మరింత తగ్గిపోయేలా చేసింది. మొత్తం మీద, 'కిసిక్' పాటలో శ్రీలీల కృషిని నెగ్లెక్ట్ చేయలేం కానీ, సమంత మాదిరిగా బజ్ క్రియేట్ చేయడంలో ఈ పాట కాస్త వెనుకబడినట్లు చెప్పవచ్చు.