భార్య‌తో విడిపోయిన ఐదేళ్ల‌కు ఆ హీరోయిన్‌తో!

మిస్ట‌ర్ ప‌ర్ఫెక్ట్ అమీర్ ఖాన్ మేన‌ల్లుడు బాలీవుడ్ లో సూప‌ర్‌స్టార్ గా అవ‌త‌రిస్తాడ‌ని అంతా భావించారు. కానీ ఇక్క‌డ బ‌ళ్లు ఓడ‌ల‌వుతాయి.. ఓడ‌లు బ‌ళ్ల‌వుతాయి! అనేందుకు అత‌డు ఒక ఉదాహ‌ర‌ణ‌. అత‌డి క‌ళ్ల ముందే రంగుల‌ ప‌రిశ్ర‌మ‌లో అడుగుపెట్టిన కార్తీక్ ఆర్య‌న్, ఆయుష్మాన్ ఖురానా లాంటి ఇండ‌స్ట్రీ ఔట్ సైడ‌ర్స్ పెద్ద స్టార్లుగా ఎదిగారు. కానీ గొప్ప సినీ నేప‌థ్యం ఉండి కూడా ఇమ్రాన్ రేసులో వెన‌క‌బ‌డ్డాడు. వెన‌క‌బ‌డ్డాడు అనే కంటే రేస్ నుంచి నిష్కృమించాడు! అంటే అతిశ‌యోక్తి కాదు.

అత‌డి వ్య‌క్తిగ‌త ఫ్యామిలీ లైఫ్‌లో ఒడిదుడుకులు అత‌డిని ఫుల్ గా డిస్ట్ర‌బ్ చేసాయి. ఇమ్రాన్ ఖాన్ త‌న చిన్న‌నాటి స్నేహితురాలు అవంతిక‌ను ప్రేమించి పెళ్లాడిన సంగ‌తి తెలిసిందే. కానీ ఈ జంట క‌ల‌త‌ల‌తో విడిపోయింది. వారికి పిల్ల‌లు ఉన్నారు. బ్రేక‌ప్ త‌ర్వాత ఇమ్రాన్ ఖాన్ ఐదేళ్లపాటు ఒంటరిగా ఉన్న తరువాత `వేదం` (తెలుగు మూవీ) బ్యూటీ లేఖా వాషింగ్టన్ తో డేటింగ్ ప్రారంభించాడు.

ఇమ్రాన్ న‌టించిన `జానే తు ... యా జానే నా` విడుద‌లై ప‌దిహేనేళ్లు పూర్త‌యిన సంద‌ర్భంగా మ‌రోసారి అత‌డు హెడ్ లైన్స్ లోకొచ్చాడు. ఈ సంద‌ర్భంగా న‌టి లేఖా వాషింగ్టన్‌తో తన సంబంధం గురించి ఓపెన‌య్యాడు. ఇమ్రాన్ గ‌తంలో అవంతికా మాలిక్‌ను వివాహం చేసుకున్నాడు. వారిద్దరూ విడిపోయారు. బ్రేక‌ప్ తరువాత ఇమ్రాన్ పెళ్లి విష‌యంలో కానీ, అమ్మాయిల‌తో సంబంధాలకు కానీ దూరంగా ఉండాలని భావించాడు. కానీ రూల్ బ్రేక్ అయింది. న‌టి కం మోడ‌ల్ లేఖా వాషింగ్ట‌న్ అత‌డి జీవితంలోకి ప్ర‌వేశించింది. పాపుల‌ర్ యూట్యూబ్ ఛానెల్‌లో కనిపించిన ఇమ్రాన్ ప్రస్తుతం ప్రియురాలితో కొత్త అపార్ట్‌మెంట్‌లోకి ప్ర‌వేశిస్తున్నాన‌ని తెలిపాడు. నేను గత ఐదేళ్లుగా సోలో జీవిస్తున్నాను అని కూడా తెలిపాడు. ఇటీవల కరణ్ జోహార్ కి చెందిన‌ ఖార్ అపార్ట్‌మెంట్‌ను అద్దెకు తీసుకున్న ఇమ్రాన్ కూడా తాను - లెఖా త్వరలో కొత్త ఇంట్లోకి మారతున్నామ‌ని, ఇప్పటికే కలిసి జీవిస్తున్నామ‌ని అంగీకరించారు.

ఇమ్రాన్‌- లెఖా కోవిడ్ కాలంలో డేటింగ్ చేయడం ప్రారంభించారు. లేఖాతో కలిసి జీవించాలనుకుంటున్న‌ట్టు ఇమ్రాన్ ఇంట‌ర్వ్యూలో తెలిపాడు. ఆమె ఆనందాన్ని తీసుకువచ్చింది! నేను ఆమెతో నిజ సంబంధంలోకి వెళుతున్నాను. నేను మ‌నిషిని కాబట్టి.. ఎందుకు అలా చేయ‌కూడ‌దు! అని అన్నాడు. ఇమ్రాన్ - అవంతికా 2016 లో విడిపోయారు. తరువాత ఇప్ప‌టికి వేరొకరితో నివసించే ప్రక్రియలో ఉన్నాడు. కెరీర్ ప‌రంగా చూస్తే.. కామెడీ డ్రామా `హ్యాపీ పటేల్‌`తో తిరిగి బాలీవుడ్ లో కంబ్యాక్ అయ్యేందుకు ఇమ్రాన్ ప్ర‌య‌త్నిస్తున్నాడు.