ప్రభాస్ - అనుష్క.. సడన్ సర్ ప్రైజ్

ప్రభాస్ అనుష్క కాంబినేషన్ గురించి ఎంత చెప్పినా కూడా తక్కువే అవుతుంది. వీరి కలయికలో వచ్చిన మిర్చి, బాహుబలి సినిమాలు ఏ స్థాయిలో సక్సెస్ అయ్యాయో ప్రత్యేకంగా చెప్పనవసరం లేదు. టాలీవుడ్ లోనే కాకుండా పాన్ ఇండియా మార్కెట్లో బెస్ట్ జోడి ఎవరంటే.. ఈ ఇద్దరి పేరే చెబుతారు. అంతగా ఇండస్ట్రీలో వీరికి మంచి గుర్తింపు అయితే దక్కింది. అనుష్క ప్రభాస్ కలయికలో మరొక సినిమా చూడాలి అనే ఫ్యాన్స్ అయితే ఎప్పటినుంచో ఎదురు చూస్తూ ఉన్నారు.

కానీ ప్రస్తుతం వారి లైనప్ చూస్తుంటే ఇప్పట్లో కలిసి సినిమా చేసే అవకాశం లేదని అనిపిస్తోంది. కుదిరితే కనీసం ఒకరి సినిమాలో మరొకరు గెస్ట్ రోల్స్ అయినా చేయాలి అని ఫాన్స్ అయితే చాలా బలంగా కోరుకుంటూ ఉన్నారు. ఇక ప్రస్తుతం ప్రభాస్ రాజా సబ్ సినిమాతో పాటు పౌజి సినిమాతో బిజీగా ఉన్న విషయం తెలిసిందే. అలాగే మరొకవైపు స్పిరిట్ సినిమా షూటింగ్ లో కూడా త్వరలోనే చేరబోతున్నాడు.

ఇలా గ్యాప్ లేకుండా వరుస షెడ్యూల్స్ తో బిజీబిజీగా ప్రభాస్ కొనసాగుతూ ఉన్నాడు. మరొక వైపు అనుష్క ప్రభాస్ అంత స్పీడ్ గా సినిమాలను లైన్లో పెట్టకపోయినప్పటికీ కాస్త డిఫరెంట్ కంటెంట్ ఉన్న సినిమాలను సెలెక్ట్ చేసుకుంటుంది. ప్రస్తుతం క్రిష్ దర్శకత్వంలో ఘాటీ అనే సినిమా చేస్తున్న విషయం తెలిసిందే. ఈ ప్రాజెక్టు దాదాపు తుదిదశకు చేరుకుంది. ఇక ఈ సినిమాకు సంబంధించిన షూటింగ్ లో ప్రభాస్ ఇటీవల హఠాత్తుగా దర్శనమిచ్చినట్లు చిత్ర యూనిట్ వర్గాల ద్వారా ఒక న్యూస్ అయితే లీక్ అయింది.

ప్రభాస్ ఘాటీ సినిమా షూటింగ్ జరుగుతుండగా హఠాత్తుగా సెట్ లోకి వచ్చి సర్ ప్రైజ్ ఇచ్చాడట. మొన్నటి వరకు కాస్త బిజీగా ఉన్న ప్రభాస్ హఠాత్తుగా అలా కనిపించేసరికి అనుష్క కూడా ఆశ్చర్యపోయినట్లు తెలుస్తోంది. ఇక సెట్ లోనే ఇద్దరు చాలా స్నేహపూర్వకంగా మాట్లాడుకుంటూ కనిపించారట.

ప్రభాస్ అనుష్క ఇద్దరూ మంచి స్నేహితులని ప్రత్యేకంగా చెప్పాల్సిన అవసరం లేదు. వీరి బంధంపై చాలాసార్లు అనేక రకాల గాసిప్స్ పుట్టుకొచ్చినప్పటికీ కూడా వాటిని పెద్దగా పట్టించుకోలేదు. ఇక ఇద్దరూ వయసు పెరుగుతున్నా సోలో లైఫ్ సో బెటర్ అన్నట్లు కొనసాగుతున్నారు. అనుష్క ఘాటి సినిమా వచ్చే ఎడాది ప్రేక్షకుల ముందుకు రాబోతోంది. ఇక ప్రభాస్ నటించిన రాజా సాబ్ సినిమా 2025 ఏప్రిల్ లో విడుదల కాబోతున్న విషయం తెలిసిందే. అలాగే ప్రభాస్ లైనప్ లో కల్కి సీక్వెల్ తో పాటు సలార్ పార్ట్ 2 కూడా ఫినిష్ చేయాల్సి ఉంది.