విరాట్-అనుష్క చూస్తే ముచ్చ‌ట‌ప‌డిపోరు!
ఇప్ప‌టికే రిలీజ్ అయిన 'సూసేకి అగ్గిర‌వ్వ మాదిరి ఉంటాడే నా సామి' లిరిక‌ల్ వీడియో నెట్టింట దుమారం రేపుతుంది.
'పుష్ప' పాటల కి ప్ర‌త్యేక‌మైన అభిమానులెంతో మంది. అందులోనూ సోష‌ల్ మీడియాలో పుష్ప పాటల సంచ‌ల‌నం గురించి చెప్పాల్సిన ప‌నిలేదు. పాట‌ల‌తోనే పాన్ ఇండియాని దాటి పాన్ వ‌ర‌ల్డ్ కి ఆ సినిమా రీచ్ అయిదంటే? పాట‌లు ఎంత బ‌లంగా వెళ్లాయో చెప్పొచ్చు. ప్రస్తుతం పాన్ ఇండియానే కాదు..పాన్ వ‌ర‌ల్డే పుష్ప-2 పాటల కోసం ఎంతో ఎగ్జైట్ మెంట్ తో ఎదురు చూస్తుంది. ఇప్ప‌టికే రిలీజ్ అయిన 'సూసేకి అగ్గిర‌వ్వ మాదిరి ఉంటాడే నా సామి' లిరిక‌ల్ వీడియో నెట్టింట దుమారం రేపుతుంది.
ఈ పాట‌కి ఎవ‌రి స్టైల్లో వారు స్టెప్స్ క్రియేట్ చేసుకుంటున్నారు. పాట‌ని ఆధారంగా చేసుకుని ఎవ‌రి క్రియేటివిని వారు చాటుతున్నారు. భ‌ర్త‌ను ఊహించుకుంటూ భార్య శ్రీవ‌ల్లి పాడే పాట సినిమాలో. తాజాగా ఈ పాట‌కి విరాట్ కొహ్లీని ఉద్దేశించి ఆయ‌న భార్య అనుష్క శ‌ర్మ ఈ సాంగ్ పాడితే ఎలా ఉంటుందో? ఆమె పాట పాడుతున్న‌ట్లు ఎడిట్ చేసాడు ఓ నెటి జ‌నుడు. అందులో నిజంగా ఆ పాట అనుష్క‌నే పాడుతుందా? అన్నంత అందంగా హైలైట్ చేసాడు. ఆ వీడియోని పుష్ప టీమ్ సైతం షేర్ చేసింది. ప్రస్తుతం ఆ వీడియో నెట్టింట వైర‌ల్ గా మారింది.
లిరిక‌ల్ సాంగ్ కే ఈ రేంజ్ లో ఉందంటే? వీడియో సాంగ్ రిలీజ్ అయితే ర‌చ్చ ఏ రేంజ్ లో ఉంటుందో ఊహ‌కి కూడా అద‌దు. మొత్తానికి రాకింగ్ స్టార్ డీఎస్పీ మ‌రోసారి త‌న మ్యాజిక్ ని సినిమాలో రిపీట్ చేసిన‌ట్లే క‌నిపిస్తుంది. ఇంకా రిలీజ్ అవ్వాల్సిన పాట‌లు కొన్ని ఉన్నాయి. అవి ఎలా ఉంటాయి? ఊ అంటావా ఊఊ అంటావా? లాంటి ఐటం పాట ఎలా కంపోజ్ చేసాడు? ఆ పాట‌లో ఏ భామ న‌టిస్తుంది? అందులో బ‌న్నీ స్టెప్పులు ఎలా ఉండ‌బోతున్నాయి? అంటూ అభిమానుల్లో ఎగ్జైట్ మెంట్ పెరిగిపోతుంది.
ప్రస్తుతం ఈ సినిమా సెట్స్ లో ఉంది. చిత్రీక‌ర‌ణ దాద‌పు తుది ద‌శ‌కు చేరుకుంది. కొన్ని కీల‌క‌మైన స‌న్నివేశాలే పెండింగ్ లో ఉన్నాయి. అన్ని ప‌నులు పూర్తి చేసి ఆగ‌స్ట్ లో ప్రేక్ష‌కుల ముందుకు తీసుకురానున్నారు. ఈ చిత్రాన్ని మైత్రీ మూవీ మేక‌ర్స్ భారీ బ‌డ్జెట్ తో నిర్మిస్తోన్న సంగ‌తి తెలిసిందే.