ఐటం బ్యూటీ రెడ్ హాట్ లుక్ వైర‌ల్

టీవీ హోస్ట్, ఐట‌మ్ బ్యూటీ సోఫీ చౌద‌రి ప‌రిచ‌యం అవ‌స‌రం లేదు. `లండ‌న్ బాబులు లండ‌న్ బాబులు` అంటూ టాలీవుడ్ కి ప‌రిచ‌య‌మైంది. ఐట‌మ్ నంబ‌ర్ తో మ‌న బాబులంద‌రినీ వెర్రెత్తించింది సోఫీ `1-నెనొక్క‌డినే`లో హాట్ ఐటం నంబ‌ర్ త‌ర్వాత సోఫీ ఇక్క‌డ అంత‌గా క‌నిపించ‌లేదు. . ప్ర‌స్తుతం బాలీవుడ్ లోను ఆఫ‌ర్లు అయితే లేవ్. ఇటీవ‌ల బుల్లితెర‌పైనా అవ‌కాశాలు స‌న్న‌గిల్లాయి.

అయితే సోష‌ల్ మీడియాల్లో మాత్రం సోఫీని ఎవ‌రూ నిలువ‌రించ‌లేరు. నిరంత‌రం హాటెస్ట్ ఫోటోషూట్ల‌తో హీటెక్కిస్తుంది. తాజాగా సోఫీ రెడ్ హాట్ లుక్ లో గుబులు రేపుతున్న ఫోటోలు అంత‌ర్జాలంలో వైర‌ల్ అవుతున్నాయి. సోఫీ అంద‌చందాలు కుర్రాకారుకు ఒణుకుపుట్టిస్తున్నాయి. అయితే ఏజ్ మీద ప‌డ‌టంతో అది క్రిస్ట‌ల్ క్లియ‌ర్ గా బ‌య‌ట‌ప‌డిపోయింది.

ఇటీవ‌లే వ‌య‌సు సంబంధ‌మైన విష‌యాల‌పై నెటిజ‌నులతో వేగ‌లేక‌పోతున్నాన‌ని ఆవేద‌న చెందింది. త‌న వ‌య‌సు గురించి అంత‌ర్జాలంలో డిబేట్లు పెడుతుండ‌డం న‌చ్చ‌డం లేద‌ని కూడా అంది. అయినా ఇంకా త‌న ఉనికిని చాటుకునేందుకు ఇలా నిరంత‌రం ఏవో ఫోటోషూట్ల‌తో విరుచుకుప‌డుతూనే ఉంది. సోఫీ శ్ర‌మ‌ను చూసి అయినా ఇటు ద‌క్షిణాదిన అవ‌కాశాలిస్తారేమో చూడాలి.

నిజానికి సోఫీ బాలీవుడ్ లో ద‌శాబ్ధంన్న‌ర క్రిత‌మే ప్ర‌వేశించింది. `షాది నెంబ‌ర్ 1` అనే హిందీ సినిమాతో ఎంట్రీ ఇచ్చింది. ఆ త‌ర్వాత `ప్యార్ కి సైడ్ ఎఫెక్స్ట్`.. `ఐ సీయూ`స‌హా చాలా చిత్రాల్లో న‌టించింది. ఎక్కువ‌గా ఆమె ఫోక‌స్ అయింది ఐటం నంబ‌ర్ల‌పైనే.. కానీ అలాంటి ఆఫ‌ర్లు కూడా ఇప్పుడు లేవ్. అందుకే ఇంకాస్త్ డోస్ పెంచి అందాల‌ను ఎలివేట్ చేస్తూ సోష‌ల్ మీడియాల్లో మాత్రం ట‌చ్ లో ఉంటోంది.