హై వోల్టేజ్ ఎంట్రీ.. హరికృష్ణ మనవడి లుక్ చూశారా?
దివంగత జానకిరామ్‌ తనయుడు నందమూరి తారక రామారావు.. హీరోగా ఎంట్రీ ఇస్తున్న విషయం తెలిసిందే.
దివంగత ఎన్టీఆర్‌ మునిమనవడు, హరికృష్ణ మనవడు, దివంగత జానకిరామ్‌ తనయుడు నందమూరి తారక రామారావు.. హీరోగా ఎంట్రీ ఇస్తున్న విషయం తెలిసిందే. డైనమిక్ డైరెక్టర్ వైవీఎస్ చౌదరి దర్శకత్వంలో నందమూరి కొత్త వారసుడు డెబ్యూ మూవీ చేస్తున్నారు. న్యూ టాలెంట్‌ రోర్స్‌ బ్యానర్ పై యలమంచిలి గీత నిర్మిస్తున్నారు. రమేష్ అత్తిలి ఎగ్జిక్యూటివ్ ప్రొడ్యూసర్‌ గా వ్యవహరిస్తున్నారు. కూచిపూడి డ్యాన్సర్, తెలుగమ్మాయి వీణా రావు హీరోయిన్ గా నటిస్తున్నారు.
అయితే నేడు సినిమాకు సంబంధించిన విషయాలు రివీల్ చేసేందుకు వైవీఎస్ చౌదరి ప్రెస్ మీట్ నిర్వహించారు. ఆ సమయంలో కొత్త హీరో తారక రామారావును పరిచయం చేశారు. ఫస్ట్ లుక్ ను రిలీజ్ చేశారు. అందులో తారక రామారావు లాంగ్ హెయిర్ తో పాటు మంచి బాడీతో హ్యాండ్సమ్ గా కనిపిస్తున్నారు. అదిరిపోయే బైక్ పై రైడ్ చేస్తున్న స్టిల్స్ తెగ ఆకట్టుకుంటున్నాయి. తన గంభీరమైన వాయిస్ ఓవర్ తో పాటు డైలాగ్ డెలివరీతో అలరిస్తున్నారు.
మంచి పాత్రలు ఎంచుకుని ప్రేక్షకులను అలరిస్తానని తెలిపారు తారక రామారావు. పరిశ్రమకు విధేయుడిగా ఉంటానని తన తాత ఎన్టీఆర్‌పై ప్రమాణం చేస్తూ ప్రతిజ్ఞ చేశారు. వైవీఎస్ చౌదరి ఆధ్వర్యంలో 18 నెలల పాటు వివిధ విభాగాల్లో శిక్షణ పొందానని చెబుతూ తన అంకితభావాన్ని రివీల్ చేశారు. ప్రస్తుతం తారక రామారావు లుక్స్ సోషల్ మీడియాలో తెగ వైరల్ అవుతున్నాయి. నందమూరి వంశం నుంచి నాలుగో తరం దూకుడు కూడా వేరే లెవెల్ లో ఉందని చెబుతున్నారు నెటిజన్లు.
అయితే సినిమా షూటింగ్ ఎక్కడ చేస్తారన్న విషయంతోపాటు మరిన్ని వివరాలు త్వరలోనే రివీల్ చేస్తామని తెలిపారు డైరెక్టర్ వైవీఎస్ చౌదరి. ఆయన దర్శకత్వం వహిస్తూనే కథ అందిస్తున్నారు. స్క్రీన్ ప్లే బాధ్యతలు కూడా చూసుకుంటున్నారు. తారక రామారావు డెబ్యూ కోసం ప్రముఖ టెక్నీషియన్లను రంగంలోకి దింపారు. ఆస్కార్ విన్నింగ్ మ్యూజిక్ డైరెక్టర్ ఎం ఎం కీరవాణి బాణీలు కడుతున్నారు. బ్యాక్ గ్రౌండ్ స్కోర్ కూడా అందిస్తున్నారు.
మరో ఆస్కార్ విజేత చంద్రబోస్ సాహిత్యం అందిస్తున్నారు. ఎన్నో భారీ ప్రాజెక్టులకు పని చేసి పాపులర్ అయిన సాయి మాధవ్ బుర్రా డైలాగ్స్ అందిస్తున్నారు. అభిమానులను కట్టిపడేసే సినిమాటిక్ అనుభూతిని తారక రామారావు డెబ్యూ కలిగిస్తుందని మేకర్స్ చెబుతున్నారు. సీనియర్ ఎన్టీర్ ఇప్పుడు మళ్లీ తన మునిమనవడు రూపంలో వచ్చారని అంటున్నారు. మరి తారక రామారావు డెబ్యూ సినిమా.. ఎప్పుడు ప్రేక్షకుల ముందుకు వస్తుందో చూడాలి.