ప్ర‌భుత్వాన్ని ప్ర‌శ్నించే సినిమాలు తీస్తే ప్ర‌మాద‌మే: క‌మ‌ల్ హాస‌న్

కళాకారులు కూడా దేశ పౌరులని, అధికారులను నిలదీసే హక్కు వారికి ఉందని, ప్రభుత్వాన్ని ప్రశ్నించే సినిమాలు తీయడంలో `ప్రమాదం` ఉందని ప్రముఖ నటుడు కమల్ హాసన్ అన్నారు. తన త‌దుప‌రి చిత్రం హిందుస్తానీ 2: జీరో టోలరెన్స్ (భార‌తీయుడు 2) ప్ర‌చార వేదిక‌పై క‌మ‌ల్ హాస‌న్ మాట్లాడుతూ ఆస‌క్తిక‌ర వ్యాఖ్య‌లు చేసారు.

ఈరోజు ప్రభుత్వాన్ని ప్రశ్నించే సినిమాలు తీయడం కష్టమా? అని ప్ర‌శ్నించ‌గా.. ఈ సమస్య బ్రిటిష్ కాలం నుండి కొనసాగుతోందని క‌మ‌ల్ హాస‌న్ అన్నారు. అప్పటికి జనాలు సినిమాలు తీస్తూనే ఉన్నారు. మేము ఆ తరహా సినిమాలు తీస్తూనే ఉంటాం.. అగ్రస్థానంలో ఎవరున్నా పర్వాలేదు. ఆ ప్రశ్నలను అడిగే హక్కు కేవలం సినిమా మేక‌ర్స్ కే కాదు.. పౌరుల హక్కు ఇది.. అని అన్నారు.

మేము కళాకారులుగా మీలో చాలా మందికి ప్రాతినిధ్యం వహిస్తాము. మేము మీ ప్రతినిధులమని మేము నమ్ముతున్నాము.. అందుకే మేము గిల్ట్ గురించి ఆలోచించకుండా ధైర్యంగా మాట్లాడతాము. అవును మాకు ప్రమాదం ఉంది.. ప్రభుత్వానికి కోపం వస్తుంది.. కానీ మీ చప్పట్లు ఆ మంటలను ఆర్పివేస్తాయి కాబట్టి ఆ ప‌నిని బిగ్గ‌ర‌గా తెలిసేలా చేయండి`` అని కమల్ ఉద్విగ్న‌భ‌రితంగా వ్యాఖ్యానించారు.

69 ఏళ్ల వృద్ధుడు రాజకీయ నాయకులను మాత్రమే కాకుండా పౌరులను కూడా నిందించవలసి ఉంటుంది. దేశాన్ని పట్టి పీడిస్తున్న అవినీతికి మనమంతా బాధ్యులం.. మనమందరం మనసు మార్చుకోవాలి. ఇక మన ఆలోచన మార్చుకోవడానికి ఎన్నికలే సరైన సమయం. మనం ఎంత అవినీతికి పాల్పడ్డామనే దానికి ఇవి కేవలం రిమైండర్లే... అవినీతి వల్ల ఏదీ మారలేదు. సామూహిక మనస్సాక్షికి కృతజ్ఞతలు తెలుపుదాం`` అన్నారు.

తాను మహాత్మా గాంధీ అభిమాని అయినప్పుడు సహనం అనే భావజాలంలో సభ్యత్వాన్ని పొందనని క‌మ‌ల్ హాస‌న్ చెప్పారు. కమల్ 2000లో హే రామ్ చిత్రానికి దర్శకత్వం వహించి నటించారు. ఇది గాంధీజీ హత్యకు వ్యతిరేకంగా రూపొందించిన చిత్రం అన్న సంగ‌తి తెలిసిందే. నేను గాంధీజీకి గొప్ప అభిమానిని. అతడు మీకు సహనం నేర్పారు గనుక‌.. సహనం గురించి మీరు ఏమనుకుంటున్నారు? నేను ఆ టాలరెన్స్ వ్యాపారానికి గొప్ప అభిమానిని కాదని చెప్తున్నాను. గాంధీజీ నా హీరో... కానీ మీరు ఎవరిని సహిస్తారు.. స్నేహితుడిని కాదు`` అని అన్నారు.

మీరు భరించేది తలనొప్పి. సమాజానికి తలనొప్పులు కలిగించే ప్రతిదాన్ని మీరు సహించరు. మందు కనుక్కోండి.. బయట పెట్టండి! అని క‌మ‌ల్ హాస‌న్ అన్నారు. కాజల్ అగర్వాల్, సిద్ధార్థ్, రకుల్ ప్రీత్ సింగ్ కీలక పాత్రల్లో నటించిన `హిందూస్తానీ 2`(భార‌తీయుడు 2) జూలై 12న ప్రేక్షకుల ముందుకు రానుంది.