కాంతారా 3 కి హింట్ ఇచ్చినట్టే..!

కన్నడలో రిషబ్ శెట్టి తీసిన కాంతార సినిమా సంచలన విజయం అందుకుంది. 16 కోట్లతో తెరకెక్కిన ఈ సినిమా 400 కోట్ల పైన వసూళ్లను రాబట్టింది అంటే ఆ సినిమా ఏ రేంజ్ లో సక్సెస్ అయ్యిందో అర్ధం చేసుకోవచ్చు. కాంతార ప్రీక్వెల్ గా కాంతార 2 వస్తుంది. అయితే విచిత్రంగా కాంతార 2కి ది లెజెండ్ చాప్టర్ 1 అని పెట్టారు. రీసెంట్ గా దీనికి సంబంధించిన ఫస్ట్ లుక్ టీజర్ వచ్చింది. మరోసారి రిషబ్ శెట్టి తన నట ఉగ్రరూపం తో అదరగొట్టేలా ఉన్నాడు.

అయితే కాంతార 2 లెజెండ్ చాప్టర్ 1 టీజర్ చూసిన వారంతా కూడా కాంతార 3 కి హింట్ ఇచ్చినట్టుగా భావిస్తున్నారు. కాంతార ది లెజెండ్ చాప్టర్ 1 అంటే కాంతార చాప్టర్ 2 కూడా తీసే అవకాశం ఉంటుందని చెప్పుకుంటున్నారు. కాంతార 2 అసలైతే ప్రీక్వెల్ గా చేస్తున్నారు. అయితే దీన్ని రెండు భాగాలుగా రిలీజ్ చేసే అవకాశాలు ఉన్నాయని ఇన్నర్ టాక్. అంతేకాదు ఈ సినిమా కాంతార కన్నా 10 రెంట్ల బడ్జెట్ తో వస్తుంది.

కాంతార సినిమా కేవలం 16 కోట్లతో చేయగా ఆ సినిమాకు వచ్చిన వసూళ్లతో సీక్వెల్ మీద భారీ క్రేజ్ ఏర్పడింది. అందుకే సీక్వెల్ సినిమా 200 కోట్ల పైన బడ్జెట్ తో తెరకెక్కిస్తున్నట్టు తెలుస్తుంది. కాంతార ప్రీక్వెల్ కథ కథనాలే కాదు విజువల్ ఎఫెక్ట్స్ కూడా నెక్స్ట్ లెవెల్ లో ఉండబోతున్నాయని తెలుస్తుంది. కాంతార సినిమా చివరి 20 నిమిషాలు గూస్ బంప్స్ తెప్పిస్తే కాంతార 2 సినిమా మొదటి నుంచి అలాంటి థ్రిల్ కలిగిస్తుందని అంటున్నారు.

రిషబ్ శెట్టి ఓ పక్క నటిస్తూనే మరోపక్క ఈ సినిమా మేకింగ్ మీద కూడా పర్ఫెక్ట్ ఫోకస్ తో పనిచేస్తున్నారని తెలుస్తుంది. కన్నడలోనే కాదు తెలుగులో కూడా కాంతారా అద్భుతమైన విజయాన్ని అందుకుంది. ఇప్పుడు ఈ సీక్వెల్ పై కూడా తెలుగు స్ట్రైట్ సినిమా రేంజ్ అంచనాలు ఉన్నాయి. కాంతార 2కి తెలుగులోనే భారీ ఓపెనింగ్స్ వచ్చే అవకాశాలు ఉన్నాయి. కాంతార 1లో కన్నా కాంతార 2లో చాలా సర్ ప్రైజ్ లు ఉన్నాయని తెలుస్తుంది. కచ్చితంగా ఆడియన్స్ అందరికీ గూస్ బంప్స్ తెప్పించేందుకు రిషబ్ శెట్టి అండ్ టీం కష్టపడుతున్నారు. కాంతార లానే పార్ట్ 2 కూడా ఆడియన్స్ కి రీచ్ అయితే మాత్రం ఈసారి 400 కాదు 1000 కోట్లను వసూలు చేసినా ఆశ్చర్యపోవాల్సిన పనిలేదని చెప్పొచ్చు.