వైరల్ వీడియో: అవార్డు షోలో మాజీ ప్రియుడిని పట్టించుకోని న‌టి
ఒక‌ప్పుడు ఆ ఇద్ద‌రూ క్లోజ్ ఫ్రెండ్స్.. నిరంత‌రం వార్త‌ల్లో నిలిచిన వీర ప్రేమికులు... కొన్నేళ్ల పాటు స‌హ‌జీవ‌నం కూడా సాగించారు.
ఒక‌ప్పుడు ఆ ఇద్ద‌రూ క్లోజ్ ఫ్రెండ్స్.. నిరంత‌రం వార్త‌ల్లో నిలిచిన వీర ప్రేమికులు... కొన్నేళ్ల పాటు స‌హ‌జీవ‌నం కూడా సాగించారు. వ‌న్ ఫైన్ డే అతడు స‌ద‌రు స్టార్ హీరోయిన్ కి బ్రేక‌ప్ చెప్పేసి వేరొక భామ‌తో ప్రేమాయ‌ణం ప్రారంభించాడు. ఆ త‌ర్వాత ఆ ప్రేమాయ‌ణం కూడా మ‌ధ్య‌లోనే వీగిపోయింది. చివ‌రికి ఇంట్లో చూసిన అమ్మాయిని పెళ్లాడాడు. ఈ బ్రేక‌ప్ త‌ర్వాత స‌ద‌రు స్టార్ హీరోయిన్ త‌న‌కంటే వ‌య‌సులో పెద్ద వాడైన హీరోతో ఎఫైర్ సాగించి చివ‌రికి అత‌డినే పెళ్లాడి లైఫ్ లో సెటిలైపోయింది. అయితే కొన్నేళ్ల త‌ర్వాత ఇప్పుడు ఆ ఇద్ద‌రు మాజీ ప్రేమికులు ఒకే వేదిక‌పై ఒక‌రికొక‌రు ఎదురెదురుగా తార‌స‌ప‌డ్డారు. కానీ ఈ సీన్ లో ఏం జ‌రిగిందో చూసిన ప్రేక్ష‌కులు అవాక్క‌య్యారు. ఆమె అత‌డిని ప‌ట్టించుకోనే లేదు. క‌నీసం క‌ర్టెసీ కోసం అయినా విష్ చేయ‌లేదు. చుట్టూ ఉన్న ద‌ర్శ‌కులు, నిర్మాత‌ల‌ను విష్ చేసి అత‌డిని పట్టించుకోకుండా స్టార్ హీరోయిన్ అక్క‌డి నుంచి వెళ్లిపోవ‌డం వీడియోలో క‌నిపించింది. ఈ మొత్తం ఎపిసోడ్ లో స్టార్ హీరోయిన్ మ‌రెవ‌రో కాదు.. ది గ్రేట్ బెబో కరీనా కపూర్ ఖాన్. ఆమె మాజీ ల‌వ‌ర్ అయిన షాహిద్ కపూర్. ఆ ఇద్ద‌రూ ఇప్పుడు ఎవ‌రి దారిలో వారున్నారు.
ఫిబ్రవరి 20న ముంబైలో జరిగి దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ (DPIFF) 2024 కార్య‌క్ర‌మంలో ఈ ఇద్ద‌రూ ఒక‌రికొక‌రు ఎదురు ప‌డ్డారు. రెడ్ కార్పెట్‌పై కరీనా కపూర్ ఖాన్ - షాహిద్ కపూర్‌ల మధ్య ఒక ఇబ్బందికరమైన ప‌రిస్థితి నెల‌కొంది. ఇది ఇప్పుడు సోషల్ మీడియాలో వైరల్ అవుతోంది. కరీనా చాలా రాయ‌ల్ గా షాహిద్‌ని పట్టించుకోకుండా కెమెరాల‌కు పోజులిచ్చి అక్క‌డి నుంచి వెళ్లిపోయింది.
షాహిద్ కపూర్- కరీనా కపూర్ ఖాన్‌ల గ‌తానుబంధం ఎల్ల‌పుడూ హెడ్ లైన్స్ లో నిలుస్తూనే ఉంటుంది. ఆ ఇద్ద‌రిపైనా అప్ప‌ట్లో ఎండ్ లెస్ గా రూమ‌ర్లు వ‌చ్చాయి. వీరిద్దరూ `జబ్ వియ్ మెట్`.. `ఉడ్తా పంజాబ్` వంటి సూపర్‌హిట్ చిత్రాలలో జంట‌గా న‌టించారు. ఎవ‌రికి వారు జీవితంలో సెటిల‌య్యాక.. ప‌లు ఇంటర్వ్యూలలో వారు తమ పాత జీవితాల గురించి ఓపెన్ గానే మాట్లాడారు. ప్రస్తుతం తాము స్నేహపూర్వక సంబంధాన్ని కొన‌సాగిస్తున్నామ‌ని తెలిపారు. కానీ తాజా వీడియోలో ఎన్ కౌంట‌ర్ మరోలా అర్థాన్నిస్తోంది.
కెరీర్ మ్యాటర్ కి వ‌స్తే... కరీనా కపూర్ ఖాన్ తదుపరి `ది క్రూ` , `సింగం ఎగైన్` చిత్రాలలో కనిపిస్తుంది. ప్రస్తుతం చిత్రీక‌ర‌ణ ద‌శ‌లో ఉన్న షాహిద్ కపూర్ `దేవా` త్వరలో విడుదల కానుంది. ప్రస్తుతం బ్యాక్ టు బ్యాక్ సినిమాల్లో న‌టించేందుకు షాహిద్ క‌థ‌లు వింటున్నాడ‌ని స‌మాచారం.