గేమ్ ఛేంజర్ బ్యూటీ గ్లామర్ బ్లాస్ట్

బాలీవుడ్‌లో ఇప్పుడున్న పాన్ ఇండియా రేంజ్ స్టార్ హీరోయిన్లలో కియారా అద్వానీ ఒకరు. అంతలా ఈ అమ్మడు సుదీర్ఘ కాలంగా తనదైన చిత్రాలతో ప్రేక్షకులను ఫిదా చేస్తోంది. అదే సమయంలో అందంతోనూ మెప్పిస్తూ ప్రత్యేకతను చాటుకుంటోంది. ఇలా కియారా అద్వానీ నార్త్‌తో పాటు సౌత్‌లోనూ వరుసగా అవకాశాలను అందుకుంటూ ఏమాత్రం తీరిక లేకుండా గడుపుతోంది.

కియారా అద్వానీ ఇప్పటికే ఎన్నో బాలీవుడ్ సినిమాల్లో మెరిసింది. అలాగే, ‘వినయ విధేయ రామ’ చిత్రంతో తెలుగులోకి సైతం వచ్చింది. ఈ క్రమంలోనే ఇప్పుడు మరోసారి రామ్ చరణ్ సరసన ‘గేమ్ చేంజర్’ సినిమాలో నటిస్తోంది. ఇప్పటికే ఈ చిత్రానికి సంబంధించిన షూటింగ్ కూడా పూర్తైంది. ఈ మూవీ సంక్రాంతి కానుకగా జనవరి 10వ తేదీన ప్రేక్షకుల ముందుకు రాబోతుంది.

ఎంతో ప్రతిష్టాత్మకంగా రాబోతున్న ‘గేమ్ చేంజర్’ సినిమా నుంచి నవంబర్ 9వ తేదీన టీజర్‌ను రిలీజ్ చేయబోతున్నారు. ఈ నేపథ్యంలో తాజాగా దీని నుంచి ఓ పోస్టర్‌ను విడుదల చేశారు. ఇందులో కియారా అద్వానీ గ్లామరస్ లుక్‌తో దర్శనం ఇచ్చింది. ఇందులో ఈ భామ ఎవరూ ఊహించని రీతిలో స్టైలిష్ డ్రెస్ వేసుకుని గ్లామర్ షో ద్వారా కుర్రాళ్లను కవ్విస్తోంది.

ఇక, ఇవే డ్రెస్‌తో దిగిన ఫొటోలను కూడా కియారా అద్వానీ సోషల్ మీడియా ఖాతాల్లో షేర్ చేసింది. వీటిలో సైతం ఈ సుందరాంగి డిఫరెంట్ ఫోజులు ఇస్తూ ఓ రేంజ్‌లో స్టిల్స్ ఇస్తూ కనిపించింది. ఫలితంగా ఈ పిక్స్‌లో కియారా అద్వానీ అందాలు నెటిజన్లను విపరీతంగా ఆకట్టుకుంటున్నాయి. అలా ఈ బాలీవుడ్ స్టార్ హీరోయిన్ షేర్ చేసిన పిక్స్ అన్నీ భారీ రెస్పాన్స్ అందుకుని వైరల్‌గా మారాయి.

ఇక, కియారా అద్వానీ ప్రస్తుతం ‘గేమ్ చేంజర్’ మూవీతో పాటు కన్నడ స్టార్ యశ్‌తో ‘ట్యాక్సిక్’‌లో నటిస్తోంది. ఇవి మాత్రమే కాదు.. హృతిక్ రోషన్, జూనియర్ ఎన్టీఆర్ కాంబినేషన్‌లో తెరకెక్కుతోన్న ‘వార్ 2’ మూవీలో సైతం కియారా అద్వానీ హీరోయిన్‌గా చేస్తోంది. ఇదంతా పక్కన పెడితే తాజాగా వదిలిన పోస్టర్, షేర్ చేసిన ఫొటోలతో ఈ భామ పేరు ట్రెండ్ అవుతోంది.