కియారాకి కెరీర్ కి కిక్ ఇస్తుందా..?

బాలీవుడ్ లో మొన్నటిదాకా సూపర్ ఫాం కొనసాగించిన కియరా అద్వాని ఆఫ్టర్ మ్యారేజ్ కాస్త దూకుడు తగ్గించిందని చెప్పొచ్చు. లాస్ట్ ఇయర్ కూడా అమ్మడు కేవలం ఒకే ఒక్క సినిమా చేసింది. ఈ ఇయర్ అయితే ఒక్క సినిమా కూడా రిలీజ్ కాలేదు. గేమ్ చేంజర్ ఈ ఇయర్ వస్తుందని అనుకోగా అది కూడా 2025 సంక్రాంతికి వాయిదా పడింది. ఐతే నెక్స్ట్ మాత్రం కియరా కెరీర్ కి మాంచి కిక్ ఇచ్చే సినిమాలే ఉన్నాయని చెప్పొచ్చు.

చరణ్ తో గేమ్ ఛేంజర్ సినిమా చేస్తున్న కియరా మొదటి సారి కలిసి చేసిన సినిమాతో డిజాస్టర్ అందుకున్నా ఈసారి అన్నీ పక్కా కాలిక్యులేషన్స్ తో వస్తున్న సినిమా కాబట్టి భారీ అంచనాలు ఉన్నాయి. శంకర్ డైరెక్షన్ లో తెరకెక్కుతున్న గేమ్ ఛేంజర్ సినిమా విషయంలో కియరా చాలా నమ్మకంగా ఉంది. మరోపక్క అమ్మడు ఈ సినిమాతో పాటు క్రేజీ మల్టీస్టారర్ వార్ 2 లో కూడా నటిస్తుంది.

ఎన్టీఆర్ హృతిక్ రోషన్ కలిసి నటిస్తున్న వార్ 2 లో కియరా లక్కీ ఛాన్స్ అందుకుంది. ఈ సినిమాతో బాలీవుడ్ లోనే కాదు సౌత్ లో కూడా అమ్మడు క్రేజ్ తెచ్చుకోనుంది. ఈ రెండు సినిమాలే కాకుండా కె.జి.ఎఫ్ యష్ చేస్తున్న టాక్సిక్ లో కూడా అమ్మడు ఛాన్స్ అందుకుంది. కియరా రాబోతున్న సినిమాలు చూస్తే ఒకదానికి మించి మరోటి అన్నట్టుగా ఉంది.

ఈ సినిమాల్లో ఏది కూడా అసలు తీసి పారేయడానికి లేదు. మూడు సినిమాలు మూడు కూడా భారీ హైప్ తో భారీ టార్గెట్ తో వస్తున్నాయి. అంతేకాదు గేమ్ ఛేంజర్ తో పాటుగా వార్ 2, టాక్సిక్ ఈ రెండు సినిమాలు కూడా నెక్స్ట్ ఇయర్ రిలీజ్ కాబోతున్నాయి. సో నెక్స్ట్ ఇయర్ పాన్ ఇండియా మొత్తం కియరా పేరు మారు మోగిపోతుందని చెప్పొచ్చు. అందం అభినయం రెండితో అదరగొట్టేస్తున్న కియరా రాబోతున్న సినిమాలతో నేషనల్ లెవెల్ లో సత్తా చాటనుందని చెప్పొచ్చు. కచ్చితంగా ఈ సినిమాలు కియరా కెరీర్ కి మాంచి కిక్ ఇచ్చేలా ఉంటాయని ఫిక్స్ అవ్వొచ్చు.

పెళ్లి తర్వాత కాస్త కెరీర్ డల్ మూమెంట్ కొనసాగిస్తున్న కియరాకి ఈ మూడు సినిమాలు మళ్లీ ఆమెను స్టార్ లీగ్ లోకి తెస్తాయని చెప్పడంలో ఎలాంటి సందేహం లేదు. గేమ్ ఛేంజర్, వార్ 2 సినిమాలతో తెలుగులో కూడా మళ్లీ కియరా క్రేజ్ చాటనుంది. మహేష్ భరత్ అనే నేనుతో తెలుగు తెరకు పరిచయమైన కియరా చరణ్ తో చేసిన వినయ విధేయ రామ ఫ్లాప్ అవ్వడంతో తెలుగు సినిమాలకు బ్రేక్ ఇచ్చింది.