కిస్సిక్.. కలిసొచ్చిన ట్రోలింగ్!

మోస్ట్ అవైటెడ్ మూవీ ‘పుష్ప 2’ ఐటెం సాంగ్ కోసం ఫ్యాన్స్ చాలా ఆసక్తిగా ఎదురుచూసారు. ‘పుష్ప’ సినిమాలోని సమంత డాన్స్ చేసిన ఊ అంటావా సాంగ్ బిగ్గెస్ట్ హిట్ గా నిలిచింది. మూవీ సక్సెస్ లో కూడా అదొక భాగం అయ్యింది. ‘పుష్ప 2’ సాంగ్స్ విషయంలో ‘పుష్ప’ ఫార్ములానే సుకుమార్ ఫాలో అవుతున్నాడు. అందుకే ఈ సినిమాలోకి శ్రీలీల డాన్స్ పెర్ఫార్మెన్స్ చేసిన కిస్సిక్ ఐటెం సాంగ్ ఎలా ఉంటుందా అనే ఆసక్తి అందరిలో క్రియేట్ అయ్యింది.

చెన్నై వేదికగా ఈ ఐటెం సాంగ్ ని రిలీజ్ చేశారు. భారీ అంచనాల మధ్య సాంగ్ ప్రేక్షకుల ముందుకొచ్చింది. ఊ అంటావా సాంగ్ తో ఈ కిస్సిక్ ని పోల్చి చూడటంతో చాలా మంది వెంటనే కనెక్ట్ అవ్వలేదు. దీనికంటే ఊ అంటావా సాంగ్ చాలా బాగుంటుందని, సమంత డాన్స్ గ్రెస్, వైబ్ ఆడియన్స్ కి విపరీతంగా కనెక్ట్ అయ్యిందని సోషల్ మీడియాలో కామెంట్స్ వినిపించాయి.

సినీ విశ్లేషకులు సైతం ఇదే విషయాన్ని చెప్పారు. సమంత ఫ్యాన్స్ కూడా కిస్సిక్ సాంగ్ తో పాటు శ్రీలీల పెర్ఫార్మెన్స్ ని ట్రోల్ చేశారు. అయితే ఈ ట్రోలింగ్ కిస్సిక్ సాంగ్ కి బాగా కలిసొచ్చిందని చెప్పాలి. ఈ సాంగ్ ఊ అంటావా పాటకి సంబందించిన 24 గంటల వ్యూవ్స్ ని సునాయాసంగా బ్రేక్ చేసింది. ఊ అంటావా 24 గంటల వ్యవధిలో 12.39 మిలియన్ వ్యూవ్స్ సొంతం చేసుకుంటే కిస్సిక్ సాంగ్ ఏకంగా 27.19 మిలియన్ వ్యూవ్స్ అందుకోవడం విశేషం.

ఊ అంటావా సాంగ్ పైన ఉన్న క్రేజ్ కూడా ‘పుష్ప 2’ ఐటెం సాంగ్ కి కలిసొచ్చినట్లు తెలుస్తోంది. ‘పుష్ప’ సినిమాలోని ఊ అంటావా పాట రిలీజ్ తర్వాత హైప్ క్రియేట్ చేసింది. అయితే కిస్సిక్ సాంగ్ పైన రిలీజ్ కి ముందే భారీ ఎక్స్ పెక్టేషన్స్ ఉన్నాయి. శ్రీలీల డాన్స్ చేస్తూ ఉండటంతో ఆడియన్స్ కి క్యూరియాసిటీ పెరిగింది. ఈ ట్రోలింగ్, ఆడియన్స్ అటెన్షన్ శ్రీలీల క్రేజ్, అల్లు అర్జున్ మానియా కలిసి రావడంతో కిస్సిక్ సాంగ్ కి రికార్డ్ స్థాయిలో వ్యూవ్స్ వచ్చాయి. మెల్లగా ఈ సాంగ్ జనాలకి రీచ్ అయ్యింది. ప్రస్తుతం సోషల్ మీడియాలో బాగా ట్రెండ్ అవుతోంది.

శ్రీలీల కూడా ఈ సాంగ్ గురించి ప్రత్యేకంగా ప్రస్తావించింది. సాంగ్ హిట్ కావడం చాలా హ్యాపీగా ఉందని చెప్పింది. ఇది వరకు చాలా సినిమాలలో ఐటెం సాంగ్స్ కోసం అడిగారు. అయితే తాను అంతగా ఇంటరెస్ట్ చూపించలేదు. ఈ కిస్సిక్ సాంగ్ మాత్రం చాలా స్పెషల్. ఒక స్టోరీ నేరేటివ్ ఉంటుంది. అందుకే ఇది చేయడానికి అంగీకరించాను అని చెప్పింది.