ఆమె పేరు చివర 'కొణిదెల' చేరింది

మెగా హీరో వరుణ్‌ తేజ్ ను వివాహం చేసుకున్న అందాల రాక్షసి లావణ్య త్రిపాఠి సోషల్ మీడియా ద్వారా తన అభిమానులతో రెగ్యులర్ గా టచ్ లో ఉంటుందనే విషయం తెల్సిందే. పెళ్లికి ముందు అందమైన ఫోటో షూట్స్ ను షేర్ చేస్తూ అన్ని వర్గాల వారిని అలరించిన లావణ్య త్రిపాఠి ఇప్పుడు కూడా కొత్త ఫోటోలను షేర్‌ చేస్తూనే ఉంది.

అందాల రాక్షసి సినిమా ద్వారా తెలుగు ప్రేక్షకులకు హీరోయిన్‌ గా పరిచయం అయిన లావణ్య త్రిపాఠి ఒక సినిమా షూటింగ్ సందర్భంగా వరుణ్‌ తేజ్ తో పరిచయం ఏర్పడి, ఆయనతో ప్రేమలో పడింది. వరుణ్‌, లావణ్య ల వివాహానికి రెండు వైపుల ఫ్యామిలీ మెంబర్స్ గ్రీన్‌ సిగ్నల్‌ ఇవ్వడంతో ఇటీవలే యూరప్‌ లో వైభవంగా పెళ్లి జరిగింది.

పెళ్లి తర్వాత వరుణ్‌, లావణ్య లు వెకేషన్ కి విదేశాలకు వెళ్లారు. మళ్లీ ఇద్దరు కూడా షూటింగ్స్‌ మరియు సినిమా పనులతో బిజీ అవ్వబోతున్నారు. వరుణ్ ఇటీవలే తన ఆపరేషన్‌ వ్యాలెంటైన్ సినిమా కి సంబంధించిన చివరి దశ పనుల్లో జాయిన్ అయ్యాడు.

తాజాగా లావణ్య త్రిపాఠి సోషల్ మీడియాలో తన పేరు పక్కన కొణిదెల చేర్చింది. లావణ్య త్రిపాఠి అని మాత్రమే గతంలో ఉండేది. కానీ ఇప్పుడు లావణ్య త్రిపాఠి కొణిదెల అంటూ తన ఇన్‌స్టా అకౌంట్‌ లో పేరును మార్చింది. లావణ్య త్రిపాఠి సోషల్‌ మీడియాలో పేరు మార్చడం ద్వారా వైరల్‌ అవుతోంది.

సాధారణంగా అయితే అమ్మాయిలకు ఇంటి పేరు మారుతుంది. కానీ సెలబ్రిటీలు మాత్రం తమ మొదటి ఇంటి పేరు ఉంచుకుని, భర్త ఇంటి పేరును కలుపుకుంటున్నారు. ఐశ్వర్య రాయ్ తన పేరు చివర ఎలా అయితే బచ్చన్ ను చేర్చుకుందో ఇప్పుడు అదే విధంగా లావణ్య త్రిపాఠి కూడా తన పేరు చివర్లో కొణిదెల అంటూ చేర్చింది. ఇక మీదట లావణ్య త్రిపాఠి కొణిదెల అంటూ ఈ అందాల రాక్షసిని సంభోదించాల్సి ఉంటుంది అన్నమాట.