కమ్ముల కుబేర.. టీజర్ వచ్చేది ఎప్పుడంటే..

జాతీయ అవార్డు విజేత శేఖర్ కమ్ముల దర్శకత్వంలో సూపర్ స్టార్ ధనుష్, కింగ్ నాగార్జున, రష్మిక మందన్నా ప్రధాన పాత్రల్లో నటిస్తున్న పాన్ ఇండియా మూవీ కుబేర మూవీ పై అంచనాలు ఏ స్థాయిలో ఉన్నఊ ప్రత్యేకంగా చెప్పనక్కర్లేదు. ఇక సినిమాకు సంబంధించిన తాజా పోస్టర్‌ను చిత్ర బృందం విడుదల చేసింది. అలాగే టీజర్ అప్డేట్ కూడా ఇచ్చేశారు. పోస్టర్‌లో మూడు ప్రధాన పాత్రల మధ్యనున్న వైవిధ్యాన్ని ప్రతిబింబిస్తూ ఆకట్టుకునే విజువల్స్‌ను పొందుపరిచారు.

ఈ చిత్రానికి సంబంధించిన టాకీ భాగం పూర్తికాగా, ప్రస్తుతం పాటల చిత్రీకరణ చివరి దశలో ఉంది. దీని తర్వాత పోస్ట్ ప్రొడక్షన్ పనులను వేగవంతం చేస్తూ మూవీని విడుదలకు సిద్ధం చేస్తున్నారు. కుబేర సినిమా కు సంబంధించిన లుక్ పోస్టర్లు, గ్లింప్స్ ఇప్పటికే ప్రేక్షకులను అలరించాయి. దీపావళి కానుకగా విడుదలైన తాజా పోస్టర్‌లో ధనుష్, నాగార్జున, రష్మిక పాత్రల మధ్య భిన్న భిన్న జీవిత సన్నివేశాలను చూపించారు.

పోస్టర్‌లో నాగార్జున ధనవంతుడిగా కూల్ కాన్ఫిడెన్స్‌తో కనిపిస్తుంటే, ధనుష్ పేదరికంలో ఉన్నా తనలోని ఆత్మవిశ్వాసాన్ని ప్రదర్శిస్తున్నాడు. మరోవైపు, రష్మిక ఏదో బాధలో ఉన్నట్లు పోస్టర్ లో హైలెట్ అవుతోంది. కుబేరలో శేఖర్ కమ్ముల ఒక కొత్త కాన్సెప్ట్‌ను ఎంచుకొని, ప్రధాన పాత్రలను గాఢమైన కథాంశాలతో చూపించబోతున్నారని ఈ పోస్టర్ చెబుతోంది. అయితే, సినిమా గురించి మరింత లోతుగా చూపించబోతున్న టీజర్ నవంబర్ 15న విడుదల కానుంది.

ఈ టీజర్‌లో ప్రధాన పాత్రల నేపథ్యాలు, కథాంశానికి సంబంధించిన అంశాలు మరింత వివరంగా అందించనున్నట్లు సమాచారం. కుబేర సినిమా ప్రపంచ స్థాయి నిర్మాణ విలువలతో రూపొందుతోంది. ప్రముఖ నటుడు జిమ్ సార్బ్ కూడా ఇందులో కీలక పాత్రలో కనిపించనున్నాడు. సునీల్ నారంగ్, పుస్కుర్ రామ్ మోహన్ రావు శ్రీ వెంకటేశ్వర సినిమాస్ ఎల్ఎల్‌పి మరియు అమీగోస్ క్రియేషన్స్ ప్రైవేట్ లిమిటెడ్‌ బ్యానర్లపై ఈ చిత్రాన్ని నిర్మిస్తున్నారు.

ఇది ఒక భారీ బడ్జెట్ చిత్రం కావడంతో కుబేర పాన్ ఇండియా స్థాయిలో తమిళ, తెలుగు, హిందీ, కన్నడ, మలయాళ భాషల్లో విడుదలకు సిద్ధమవుతోంది. ఈ సినిమా గురించి ఇప్పటికే అంచనాలు భారీగా పెరిగాయి. టీజర్ విడుదల తేదీ దగ్గర పడుతుండడంతో ప్రేక్షకులు ఎంతో ఆసక్తిగా ఎదురు చూస్తున్నారు. ఈ సినిమా ద్వారా శేఖర్ కమ్ముల కొత్త ప్రయోగాన్ని చేయబోతున్నారని, ప్రతి పాత్రలోని విభిన్నతను ఎంతో ఆహ్లాదకరంగా ప్రేక్షకులకు అందించబోతున్నారని ఇండస్ట్రీ వర్గాలు చెబుతున్నాయి.