గ్లామ‌ర్‌లో జాన్వీని డామినేట్ చేస్తున్న ఖుషీ

ప్ర‌ముఖ నిర్మాత బోనీక‌పూర్ - శ్రీ‌దేవి దంప‌తుల కుమార్తెలు జాన్వీ క‌పూర్, ఖుషీ క‌పూర్ నిరంత‌రం మీడియా హెడ్ లైన్స్ లోకొస్తున్న సంగ‌తి తెలిసిందే. మూడు కార‌ణాల‌తో ఈ భామ‌లు ముఖ్యంగా మీడియా దృష్టిలో ప‌డుతున్నారు. ఒక‌టి క‌పూర్ సిస్ట‌ర్స్ డేటింగ్ లైఫ్.. రెండోది వారు న‌టిస్తున్న సినిమాలు కాగా మూడ‌వ‌ది వారి ఫ్యాష‌న్ ఎంపిక‌లు. ఈ మూడు కార‌ణాల‌లో ఏదో ఒక కార‌ణంతో మీడియా హెడ్ లైన్స్ లో సంద‌డి చేస్తున్నారు.

ఇప్పుడు అలాంటి ఫ్యాష‌న్ సెన్స్ తో జాన్వీ, ఖుషీ మ‌రోసారి మీడియా దృష్టిని విప‌రీతంగా ఆక‌ర్షిస్తున్నారు. తాజా ఈవెంట్ లో ఖుషీ క‌పూర్, జాన్వీ క‌పూర్ స్ట‌న్నింగ్ లుక్ ఒక‌టి బ‌య‌ట‌ప‌డింది. జాన్వీ క‌పూర్ బ్యాక్ లెస్ లుక్ తో కుర్ర‌కారును క‌వ్విస్తుండ‌గా, ఖుషీ క‌పూర్ బాడీ హ‌గ్గింగ్ ఫ్రాకులో అందాల‌ను ఆర‌బోస్తూ క‌నిపించింది. ఓవైపు అభిమానులే మీడియాగా మారి సీరియ‌స్ గా క‌పూర్ సిస్ట‌ర్స్ పై ఫోక‌స్ చేయ‌గా, ఆ ఇద్ద‌రూ ఒక‌రితో ఒక‌రు మాట్లాడుకుంటూ ఇహ‌లోకాన్ని మ‌ర్చిపోయిన‌ట్టే క‌నిపిస్తోంది. ఫ్యాన్స్ క‌పూర్ సిస్ట‌ర్స్ ని త‌మ సెల్ ఫోన్ల‌లో బంధిస్తూ ఉక్కిరి బిక్కిరి చేస్తున్న ఈ ఫోటోగ్రాఫ్ ఇప్పుడు ఇంట‌ర్నెట్ లో వైర‌ల్ గా మారుతోంది. ముఖ్యంగా జాన్వీ బ్యాక్ ఫీట్ లో క‌నిపిస్తున్న ఈ ఫోటోలో ఖుషీ అందాలు సూటిగా కుర్ర‌ హృద‌యాల‌ను ఆక‌ర్షిస్తున్నాయి.

పాపాకి హ్యాపీ బ‌ర్త్ డే...

ప్రముఖ నిర్మాత బోనీ కపూర్ పుట్టినరోజు కావడంతో ఇప్ప‌టికే త‌న కుమార్తెలు పాపాకి శుభాకాంక్ష‌లు తెలిపారు. ముఖ్యంగా చిన్న కుమార్తె ఖుషీ కపూర్ `ఉత్తమ తండ్రి` కోసం ప్రేమతో ఒక లేఖ‌ను రాసింది. చక్కని కపూర్ .. అత్యుత్తమ తండ్రికి పుట్టినరోజు శుభాకాంక్షలు (వైట్ హార్ట్ ఎమోజి). నేను నిన్ను ప్రేమిస్తున్నాను పాపా (తెలుపు హార్ట్ ఎమోజి) అని నోట్ రాసింది. బోనీ కపూర్ త్రోబాక్ ఫోటోని కూడా షేర్ చేసింది.

జాన్వీ కపూర్ ప్రియుడు శిఖర్ పహారియా కూడా బోనీ కపూర్‌కు పుట్టినరోజు శుభాకాంక్షలు తెలియజేశాడు. బోనీ కపూర్, అనిల్ కపూర్ , సంజయ్ కపూర్ సోదరులు అన్న సంగ‌తి తెలిసిందే. వీరిలో బోనీ నలుగురు పిల్లలకు తండ్రి. అర్జున్ కపూర్, అన్షులా కపూర్, జాన్వీ కపూర్, ఖుషీ కపూర్. అర్జున్ అతడి సోదరి అన్షులా కపూర్ మొదటి భార్య వార‌సులు. దివంగత మోనా శౌరీ కపూర్‌- బోనీ కపూర్‌కి పిల్లలు. జాన్వీ - ఖుషీలు బోనీ రెండవ భార్య, దివంగత నటి శ్రీదేవికి జ‌న్మించిన కిడ్స్.