బిగ్ బాస్ 8 : చివరి మెగా చీఫ్ టాస్క్.. రేసులో ఉంది ఎవరు..?

బిగ్ బాస్ సీజన్ 8 లో చివరి మెగా చీఫ్ టాస్క్ ని మొదలు పెట్టాడు బిగ్ బాస్. ఈ వారం ఎవరు మెగా చీఫ్ అవుతారో వారే సెమీ ఫైనల్ వీక్ కి వెళ్తారు. అంటే నెక్స్ట్ వీక్ నామినేషన్స్ నుంచి వారు సేఫ్ అవుతారు. బిగ్ బాస్ సీజన్ 8 లో చివరి మెగా చీఫ్ కోసం కంటెస్టెంట్స్ టీ షర్ట్స్ ఒక్కొక్కటిగా వస్తుంది. దాన్ని వారు కాపాడుకుని గార్డెన్ ఏరియాలో ఏర్పరచిన బొమ్మలకు వేయాల్సి ఉంటుంది.

అలా ఎవరి టీ షర్ట్ అయితే బజర్ ఎండ్ వరకు చినగకుండా ఉంటుందో వారు మెగా చీఫ్ కంటెండర్స్ అవుతారు. బుధవారం జరిగిన ఈ టాస్క్ లో భాగంగా యష్మి, పృధ్వి, విష్ణు ప్రియ, తేజల టీ షర్ట్ లు చినగకుండా ఇచ్చిన బొమ్మలకు వేశారు. ఐతే నిఖిల్, రోహిణి టీ షర్ట్ లు తప్ప మిగతా వారివి రావడం చినగడం కూడా జరిగింది. ఐతే చివరిగా ఉన్న నిఖిల్, రోహిణిలకు టీ షర్ట్ తో కాకుండా హౌస్ మెట్స్ నిర్ణయంతో మెగా చీఫ్ కంటెండర్ గా ఎంపిక అవుతారు.

మెగా చీఫ్ కంటెడర్ రేసులో ఇప్పటివరకు ఉన్న ఐదుగురితో పాటుగా నిఖిల్, రోహిణిలలో ఒకరు వస్తారు. ఐతే వీరిలో ఎవరు మెగా చీఫ్ అవుతారన్నది ఈరోజు ఎపిసోడ్ తో తెలుస్తుంది. ఈ టాస్క్ మొదలైన టైంలో ఎవరికి వారు తాము సపోర్ట్ చేయాలనుకున్న వారి టీ షర్ట్ ని కాపాడుతూ వచ్చారు. ఐతే బిగ్ బాస్ సీజన్ 8 లో చ్వరి నాలుగు వారాలు చాలా కీలకం కానున్నాయి. ఈ 4 వారాల్లో వారు ఆడే ఆటను బట్టే టైటిల్ రేసులో ఉంటారు.

ఇక ఈ వారం నామినేషన్స్ లో ఐదుగురు హౌస్ మెట్స్ ఉన్నారు. ఈసారి స్ట్రాంగ్ కంటెస్టెంట్స్ అంతా కూడా నామినేషన్స్ లో ఉన్నారు. యష్మి, ప్రేరణ, నిఖిల్, పృధ్వి, నబీల్ ఈ వారం నామినేషన్స్ లో ఉన్నారు. వీరిలో యష్మి, ప్రేరణ, పృహ్వి ముగ్గురు డేంజర్ జోన్ లో ఉన్నట్టు తెలుస్తుంది. బిగ్ బాస్ సీజన్ 8 మొన్నటిదాకా టాప్ 5 కి కన్ఫర్మ్ అనుకున్న ప్రేరణ ఈమధ్య తన ఆట తీరుతో గ్రాఫ్ పడిపోయేలా చేసుకుంది. అందుకే ఆమెను టాప్ 3 కన్ఫర్మ్ అనుకున్న వారు కూడా ఈ వారం ఆమె సేవ్ అవుతుందా లేదా అన్న ఆలోచనలో ఉన్నారు.