మ‌హేష్‌ని అంత‌గా క‌ష్ట‌పెడుతున్నాడా?

సూపర్ స్టార్ మహేష్ బాబు - రాజమౌళి కాంబినేష‌న్ మూవీ #SSMB29 కొత్త సంవ‌త్స‌రం ప్రారంభంలో లాంచ్ అవుతుంద‌ని స‌మాచారం. నటీనటులు, సాంకేతిక నిపుణులను ఖరారు చేసార‌ని తెలిసింది. వచ్చే ఏడాది ప్రారంభంలో అన్ని వివ‌రాల‌ను ప్రకటిస్తారు. ఈ సినిమా కోసం ఇప్ప‌టికే మ‌హేష్ శిక్ష‌ణ‌లో పాల్గొంటున్నాడు. రామోజీ ఫిలింసిటీలో అవ‌స‌ర‌మైన శిక్ష‌ణ కొన‌సాగుతోంద‌ని తెలుస్తోంది.

రాజ‌మౌళి గ‌తంలో ప్ర‌భాస్, రానా, రామ్ చ‌ర‌ణ్‌, ఎన్టీఆర్ వంటి స్టార్ల‌కు షూటింగుకి వెళ్లే ముందే అవ‌స‌ర‌మైన శిక్ష‌ణ‌ను ప్లాన్ చేసారు. ఇప్పుడు అదే విధంగా మ‌హేష్ ని కూడా సాన‌బ‌డుతున్నాడు. అత‌డి లుక్స్ ని మార్చారు. మార్ష‌ల్ ఆర్ట్స్ లో అవ‌స‌రం మేర శిక్ష‌ణ‌నిస్తున్నార‌ని స‌మాచారం. ఫిలింసిటీలో మ‌హేష్ బాబు రెగ్యుల‌ర్ ప్రాక్టీస్ కొన‌సాగుతోంద‌ట‌. ఇప్ప‌టికే మ‌హేష్ పై లుక్ టెస్టులు ప‌లుమార్లు జ‌రిగాయి. ఫైన‌ల్ టెస్టులు కూడా జ‌ర‌గాల్సి ఉంద‌ని స‌మాచారం. ఇటీవ‌లే లీక్డ్ ఫోటోలతో మ‌హేష్ స్టైలిష్ లుక్స్ కి ప్ర‌శంస‌లు కురుస్తున్నాయి. అలాగే సెట్స్‌లో స్టంట్స్ కోసం మ‌హేష్ తీవ్రంగా శిక్షణ పొందుతున్నాడు. షూటింగ్ ప్రారంభం కావడానికి ముందే మహేష్ బాబు ఫైనల్ లుక్ టెస్ట్ నిర్వహించనున్నార‌ని తెలిసింది.

అడ‌వి నేప‌థ్యంలో అడ్వంచ‌ర్ థ్రిల్ల‌ర్ క‌థాంశంతో ఈ సినిమా తెర‌కెక్క‌నుంది. ప్రపంచంలోని ద‌ట్ట‌మైన కీకార‌ణ్యాల‌లో, ఎగ్జోటిక్ లొకేష‌న్ల‌లో ఈ సినిమా చిత్రీక‌ర‌ణ జ‌ర‌గ‌నుంది. చాలా కాలం క్రిత‌మే రాజ‌మౌళి బృందం లొకేష‌న్ల‌ను ఫైన‌ల్ చేసారు. జ‌న‌వ‌రిలో చిత్రీక‌ర‌ణ ప్రారంభ‌మైతే, దాదాపు 25 నెల‌ల పాటు చిత్రీక‌ర‌ణ సాగుతుంద‌ని చెబుతున్నారు. నిర్మాణానంత‌ర ప‌నుల కోసం చాలా ఎక్కువ స‌మ‌యం ప‌డుతుంది. రాజ‌మౌళి గ‌త చిత్రాల త‌ర‌హాలోనే వీఎఫ్ ఎక్స్ కి ప్రాధాన్య‌త ఉంటుంద‌ని తెలుస్తోంది. దాదాపు 400-500 కోట్ల బ‌డ్జెట్ ని కేఎల్ నారాయ‌ణ బృందం స‌మ‌కూర్చ‌నున్నార‌ని గుస‌గుస వినిపిస్తోంది.