మహేష్ తో కృష్ణవంశీ.. ఆ ఛాన్స్ లేదని చెప్పేశాడు..!

మహేష్ సూపర్ స్టార్ అవ్వకముందు ఎంతోమంది గొప్ప దర్శకులతో పనిచేశాడు. మహేష్ ని ఫ్యామిలీ ఆడియన్స్ కు దగ్గర చేసిన మురారి సినిమాను క్రియేటివ్ డైరెక్టర్ కృష్ణవంశీ డైరెక్ట్ చేశాడని తెలిసిందే. మహేష్ కెరీర్ లో హీరోకే కాదు ఫ్యాన్స్ కి కూడా ఆల్ టైం ఫేవరెట్ మూవీగా మురారి ప్రత్యేకంగా నిలిచిపోతుంది. కృష్ణవంశీ దర్శకత్వంలో తెరకెక్కిన ఈ సినిమాతో మహేష్ కమర్షియల్ హిట్ అందుకోవడంతో పాటుగా ఫ్యామిలీ ఆడియన్స్ అంతా కూడా తన్వైపుకి వచ్చేలా చేసింది ఈ సినిమా. ఐతే తనకు హిట్ ఇచ్చిన డైరెక్టర్స్ కి మరో ఛాన్స్ ఇచ్చాడు మహేష్.

మహేష్ కి ఒక్కడు హిట్ ఇచ్చిన గుణశేఖర్ కి అర్జున్, సైనికుడు ఛాన్స్ ఇవ్వగా.. పూరీ జగన్నాథ్ కి పోకిరితో పాటుగా బిజినెస్ మెన్ ఆఫర్ ఇచ్చాడు. కానీ మురారి సినిమా చేసిన కృష్ణవంశీకి మాత్రం మరో ఛాన్స్ ఇవ్వలేదు. రీసెంట్ గా రంగమార్తాండ సినిమాతో ప్రేక్షకుల ముందుకు వచ్చిన కృష్ణవంశీ తన సినిమాను ఎవరు పట్టించుకోలేదని కాస్త ఫీల్ అయ్యారు. ఇదిలాఉంటే కృష్ణవంశీ సోషల్ మీడియాలో ఎప్పుడు యాక్టివ్ గా ఉంటారు.

లేటెస్ట్ గా ఆయన్ను ఒక నెటిజెన్ మహేష్ తో మరో సినిమా చేస్తారా అని అడిగాడు. దానికి కృష్ణవంశీ సమాధానం ఇస్తూ మహేష్ ఇప్పుడు ఇంటర్నేషనల్ స్టార్ ఆయనతో చేయడం కుదరదని అన్నాడు. మహేష్ చేసిన 28 సినిమాల్లో కొన్ని బ్లైండ్ గా వెళ్లి చేయడం వల్లే బోల్తా కొట్టాయి. అందుకే ఇక మీదట సక్సెస్ ట్రాక్ లేని డైరెక్టర్ ని పక్కన పెట్టేసి టాలెంటెడ్ అండ్ క్రేజీ డైరెక్టర్స్ తోనే పనిచేస్తున్నాడు. కొన్నాళ్లుగా కెరీర్ లో ఏమాత్రం ఫాం లో లేని కృష్ణవంశీ మహేష్ తో సినిమా కుదిరితే చేస్తానని నెటిజెన్ కి చెప్పకుండా ఆయన ఇప్పుడు ఇంటర్నేషనల్ స్టార్ తాను చేయడం కుదరదని చెప్పడం సర్ ప్రైజింగ్ గా ఉంది.

మహేష్ ని మెప్పించే కథతో వెళ్తే తప్పకుండా కృష్ణవంశీతో అయినా మహేష్ సినిమా చేసే అవకాశం ఉంటుంది. మురారి సినిమాతో బ్లాక్ బస్టర్ అందుకున్న ఈ కాంబో మళ్లీ కలిసి మురారి 2 చేస్తే చూడాలని ఫ్యాన్స్ కోరుతున్నారు. ఐతే మురారి సినిమా సీక్వెల్ కృష్ణవంశీ డైరెక్షన్ లో మహేష్ తనయుడు గౌతం కృష్ణతో చేసే ఛాన్స్ ఉంటుందని గెస్ చేస్తున్నారు సూపర్ స్టార్ ఫ్యాన్స్.