ధనుష్ మూవీపై మహేష్ రివ్యూ.. ఏమన్నారంటే..

కోలీవుడ్ స్టార్ ధనుష్ హీరోగా తెరకెక్కి ప్రేక్షకుల ముందుకొచ్చిన రాయన్ మూవీ పాజిటివ్ టాక్ సొంతం చేసుకొని థియేటర్స్ లో సక్సెస్ ఫుల్ గా నడుస్తోంది. తమిళ్ తో పాటు తెలుగు భాషలో కూడా ఈ సినిమాకి మంచి ఆదరణ లభిస్తోంది. ధనుష్ 50వ చిత్రంగా ఆయన స్వీయ దర్శకత్వంలోనే రాయన్ తెరకెక్కింది. మాస్ అండ్ ఫ్యామిలీ ఎమోషన్స్ తో రాయన్ కథని ధనుష్ సిల్వర్ స్క్రీన్ పై అద్భుతంగా ఆవిష్కరించాడనే మాట ప్రేక్షకుల నుంచి వినిపిస్తోంది.

ఇదిలా ఉంటే ఈ సినిమా కలెక్షన్స్ 100 కోట్లకి దగ్గరగా ఉన్నాయి. మూడు రోజుల్లోనే 75 కోట్ల కలెక్షన్స్ ని వరల్డ్ వైడ్ గా వసూళ్లు చేసిందని చిత్ర యూనిట్ ప్రకటించింది. సోమవారం కూడా మంచి కలెక్షన్స్ వచ్చినట్లు తెలుస్తోంది. దీంతో రాయన్ మూవీ మొత్తం కలెక్షన్స్ సెంచరీకి దగ్గరగా వచ్చినట్లు సమాచారం. సార్ మూవీ తర్వాత ధనుష్ కి రాయన్ తో మరో సూపర్ హిట్ పడినట్లే అని చెప్పాలి. ఇదిలా ఉంటే తాజాగా ఈ సినిమాపై సూపర్ స్టార్ మహేష్ బాబు సోషల్ మీడియా ద్వారా ఒక పోస్ట్ చేశారు.

రాయన్ సినిమాలో అద్భుతమైన పెర్ఫార్మెన్స్ తో ధనుష్ ఆకట్టుకున్నాడని, అలాగే అతని డైరెక్షన్ మేకింగ్ కూడా బ్రిలియంట్ గా ఉందని మహేష్ బాబు ట్వీట్ చేశారు. అవుట్ స్టాండింగ్ పెర్ఫార్మెన్స్ తో ఎస్.జె.సూర్య, సందీప్ కిషన్, ప్రకాష్ రాజ్ మెప్పించారని అన్నారు. ఏఆర్ రెహమాన్ కూడా నెక్స్ట్ లెవల్ లో ఎక్స్ ట్రార్డినరీగా మ్యూజిక్ అందించారని సూపర్ స్టార్ మహేష్ బాబు రాయన్ కి పాజిటివ్ రివ్యూ ఇచ్చారు.

నిజానికి మహేష్ బాబుకి ఏ సినిమా అయిన బాగా నచ్చితే కానీ ఇలా సోషల్ మీడియాలో ట్వీట్ చేయరు. కొన్ని సినిమాలకి మాత్రమే ఆయన తన అభిప్రాయాన్ని పంచుకుంటారు. అలాంటిది రాయన్ మూవీకి పాజిటివ్ రివ్యూ ఇచ్చాడంటే సూపర్ స్టార్ కి బాగా నచ్చి ఉంటుందనే మాట వినిపిస్తోంది. మహేష్ బాబు ట్వీట్ తో అతని ఫ్యాన్స్ రాయన్ సినిమాని చూడటానికి ఆసక్తి చూపించే ఛాన్స్ ఉంది.

అలాగే న్యూట్రల్ పబ్లిక్ కూడా సూపర్ స్టార్ మహేష్ బాబు రివ్యూ చూసిన తర్వాత రాయన్ సినిమా చూడటానికి థియేటర్స్ కి వెళ్తారు. కచ్చితంగా కలెక్షన్స్ పరంగా మహేష్ బాబు ట్వీట్ రాయన్ కి ప్లస్ అవుతుందని చెప్పొచ్చు. 46 కోట్ల బ్రేక్ ఈవెన్ టార్గెట్ తో థియేటర్స్ లోకి వచ్చింది. నాలుగు రోజుల కలెక్షన్స్ తో బ్రేక్ ఈవెన్ సాధించి ఉంటుందనే మాట వినిపిస్తోంది. రాయన్ మూవీ సక్సెస్ సందీప్ కిషన్ కెరియర్ కి కూడా కొంత ఊపు తీసుకొచ్చే ఛాన్స్ ఉందనే టాక్ నడుస్తోంది.