ఆ దర్శకుడి వల్ల జీవితమే అలా.. ప్రభాస్ బ్యూటీ

అందం, టాలెంట్ ఈ రెండూ ఉన్నా.. బ్యూటీ మాళవిక మోహనన్ కు సరైన బ్రేక్ రావడం లేదు. వరుసగా సినిమాలు చేస్తున్న సరైన హిట్టు దొరకడం లేదు. ఇటీవలే ఓ తెలుగు సినిమాకు ఓకే చేసింది. ఆ చిత్రంతో టాలీవుడ్ లోకి ఎంట్రీ ఇవ్వనుంది. ప్రభాస్- మారుతీ కాంబోలో తెరకెక్కబోతున్న సినిమాలో లీడ్ రోల్ లో కనిపించనుంది. అయితే ఈ అమ్మడు త్వరలోనే తంగలాన్ చిత్రంతో అలరించనుంది.

స్టార్ హీరో విక్రమ్ లీడ్ రోల్ లో పా రంజిత్ తెరకెక్కిస్తున్న తంగలాన్ మూవీ గురించి అందరికీ తెలిసిందే. ఇటీవలే టీజర్ రిలీజ్ చేసి ఒక్కసారిగా అందరినీ భయపెట్టేశారు. బ్రిటిష్ సైన్యానికి, తంగలాన్ తెగకు జరిగే యుద్ధాన్ని రంజిత్ తన స్టైల్ లో తీశారు. ఇందులో విక్రమ్ గెటప్, లుక్స్ అదిరిపోయాయి. డైలాగ్స్ లేకుండానే నటనతో విక్రమ్ తన నటనతోనే ఆకట్టుకున్నారు విక్రమ్. అయితే తంగలాన్ చిత్రంలో పని చేయడం గురించి చెబుతూ తన దర్శకుడు పా రంజిత్ కు స్పెషల్ బర్త్ డే విషెస్ చెప్పింది మాళవిక.

"చెప్పడం ఎక్కడి నుంచి ప్రారంభించాలి. ఓ సినిమా తరువాత ఇంకో మూవీ చేయాలని ఆర్టిస్టులుగా మేం ఎప్పుడూ కోరుకుంటూ ఉంటాం. కొన్ని సినిమాలు ఫన్‌గా, కొన్ని డిఫరెంట్‌గా, కాథట్రిక్‌గా కొన్ని.. కొన్ని ఏదో అలా చేశామంటే చేశామన్నట్టుగా ఉంటాయి. నన్ను పూర్తిగా మార్చిన ఓ మూవీని ఎంచుకోవాల్సి వస్తే అది ఇదే.. నాలోకి నేను వెళ్లేలా.. నన్ను నేను ఆవిష్కరించుకునేలా చేసింది.. నాలో నాకు తెలియని, ఏర్పడని ప్రశ్నలను ఎన్నో వేసుకున్నాను.. నా శక్తిని, నా స్థాయిని, సరిహద్దుల్ని చెరిపేసింది.. కానీ ఒకరోజు మనం కచ్చితంగా రియలైజ్ అవుతాం.. ఇదంతా సినిమా వల్ల కాదు.. ఆ సినిమాను తీర్చిదిద్దిన దర్శకుడి వల్లే జరిగిందని తెలుసుకుంటాం.

ఓ ఏడాది పాటుగా కలిసి పని చేశాక.. ఆయన గురించి మాట్లాడటం నాకు పెద్ద విషయం కాదు..పైగా ఎంతో సంతోషంగా మాట్లాడతాను.. స్టార్టింగ్ లో ఇద్దరం కలిసి పని చేయడం ప్రారంభించాక కాస్త దూరంగానే ఉండేదాన్ని. కానీ ఇప్పుడు నాకు ఆయన ప్రియ మిత్రుడయ్యారు. ఆయన నమ్మిన దాన్ని మాత్రమే తీస్తారు. ఏం అనుకుంటే అదే తీస్తారు. ఎంతో సెన్సిటివ్ వ్యక్తి.. హ్యాపీ బర్త్ డే పా రంజిత్.. నీ చిత్రంలో అవకాశం ఇచ్చినందుకు థాంక్స్" అంటూ మాళవిక ట్వీట్ వేసింది.

పెట్టం పోలె అనే మలయాళీ చిత్రంతో 2013లో హీరోయిన్ గా ఎంట్రీ ఇచ్చారు మాళవిక. ఆ తర్వాత మాళవిక సూపర్ స్టార్ రజనీకాంత్ నటించిన పేట చిత్రంలో కీలక పాత్రలో నటించారు. మాళవిక మోహనన్ వ్యక్తిగత విషయాలతో కూడా వార్తల్లో నిలుస్తున్నారు. ఆ మధ్య మాళవిక హిందీ హీరో విక్కీ కౌశల్‌తో ప్రేమలో ఉన్నట్లు టాక్ వచ్చింది. ఎప్పటికప్పుడు ఫొటోలను పోస్ట్ చేస్తుంటూ నెటిజన్లు అలరిస్తుంటుంది.