మీ పొరుగింటి అమ్మాయిలు సున్నితం కాదు: మాళవిక
ఇందులో డీగ్లామ‌ర‌స్ పాత్ర‌తో మైమ‌రిపించ‌నుంది. అలాగే పాన్ ఇండియా స్టార్ ప్ర‌భాస్ స‌ర‌స‌న రాజా సాబ్ చిత్రంలోను ఆడిపాడుతోంది.
మాళవిక మోహనన్ మలయాళ చిత్రం 'పట్టం పోల్‌'తో వెండితెర‌కు ప‌రిచ‌యం అయింది. ఎక్కువగా మలయాళం, తమిళ చిత్రాలలో న‌టిస్తోంది. హిందీ చిత్రం `బియాండ్ ది క్లౌడ్స్`లో ఈ భామ పాత్రకు ప్ర‌శంస‌లు ద‌క్కాయి. మాస్టర్, పేట్టా చిత్రాల్లోను అద్భుత న‌ట‌న‌తో ఆక‌ట్టుకుంది. ప్ర‌స్తుతం చియాన్ విక్ర‌మ్ తో క‌లిసి `తంగ‌ల‌న్` లాంటి భారీ చిత్రంలో న‌టిస్తోంది. ఇందులో డీగ్లామ‌ర‌స్ పాత్ర‌తో మైమ‌రిపించ‌నుంది. అలాగే పాన్ ఇండియా స్టార్ ప్ర‌భాస్ స‌ర‌స‌న రాజా సాబ్ చిత్రంలోను ఆడిపాడుతోంది.
మ‌రోవైపు మాళవిక సోషల్ మీడియాల్లో వ‌రుస ఫోటోషూట్ల‌తో విరుచుకుప‌డ‌తోంది. కేవ‌లం న‌ట‌న‌తో మాత్ర‌మే కాకుండా తన లుక్స్ బోల్డ్ అప్పీల్ తోను ల‌క్ష‌లాదిగా హృదయాలను శాసిస్తోంది. ఇటీవల తన తాజా ఫోటో షూట్ నుండి కొన్ని ఫోటోలను పోస్ట్ చేసింది. ఈ కొత్త లుక్ వెంటనే వైరల్ అయ్యింది.
తాజాగా మాళవిక క‌ర్ర ఫైట్ కి సంబంధించిన ఫోటోలను షేర్ చేయ‌గా అవి వైరల్ గా మారాయి. దీనికి ఈ భామ ఆస‌క్తిక‌ర క్యాప్ష‌న్ ని ఇచ్చింది. మీ ప‌రిస‌రాల్లో ఇరుగు పొరుగున ఉన్న అమ్మాయిలు అంత సున్నితమైన వారు కాదు అని క్యాప్ష‌న్ ఇచ్చారు. దీన‌ర్థం అమ్మాయిలు ఈ రోజుల్లో దేనిని అయినా ఎదుర్కొనే నైపుణ్యాల‌తో ఉన్నార‌నేది మాళవిక భావ‌న. నిజ‌మే.. త‌న‌కు క‌ర్ర ఫైట్ నేర్పిస్తున్న స్నేహితురాలిని చూస్తుంటేనే అర్థ‌మ‌వుతోంది. ఇప్పుడు మాళ‌విక‌ను కూడా క‌ర్ర సాములో నిష్ణాతురాలిని చేసేస్తోంది. ఆత్మ‌ర‌క్ష‌ణ కోసమా లేక త‌దుప‌రి న‌టించాల్సి ఉన్న సినిమా కోసమా? అన్న‌దానిపై క్లారిటీ లేదు.