మంచు లక్ష్మి గ్లామర్ ట్రీట్.. ఇంకాస్త హీటెక్కించేలా..

మంచు మోహన్ బాబు వారసురాలిగా అందరికంటే భిన్నంగా ఇండస్ట్రీలో అడుగుపెట్టిన అమ్మడు మంచు లక్ష్మి. మొదటి చిత్రం అనగనగా ఒక ధీరుడు సినిమాలో ఐరేంద్రి పాత్రతో ప్రేక్షకులని తన అద్భుతమైన పెర్ఫార్మెన్స్ తో మెప్పించింది. ఫిక్షనల్ క్యారెక్టర్ అయిన ఈ రోల్ మంచు లక్ష్మి ఎంత గొప్ప నటి చెప్పడానికి ఒక మంచి ఉదాహరణ. దీనికంటే ముందుగా ఆమె సినిమా మేకింగ్ అలాగే యాక్టింగ్ కోర్సులు కూడా చేసింది.

అలాగే నిర్మాతగా కూడా తన అదృష్టాన్ని పరీక్షించుకుంది. గుండెల్లో గోదారి సినిమాలో మంచు లక్ష్మి ఒక హీరోయిన్ గా చేసింది. ఈ మూవీ పర్వాలేదనే టాక్ తెచ్చుకుంది. ఈ చిత్రంతో మంచు లక్ష్మి నిర్మాతగా కూడా మారింది. నటిగా గుర్తింపు తెచ్చుకున్న మంచు లక్ష్మి టెలివిజన్ టాక్ షోలతో హోస్ట్ గా కూడా సక్సెస్ అయ్యింది.

ఓ వైపు నటిగా చేస్తూనే మరోవైపు కొంతకాలం హోస్ట్ గా షోలు చేసింది. నటిగా రెగ్యులర్ గా ఈ అమ్మడు సినిమాలు చేస్తూనే వస్తోంది. అయితే వాటిలో ఆమెకి గుర్తింపు తీసుకొచ్చినవి కొన్ని మాత్రమే. చందమామ కథలు సినిమా కూడా మంచు లక్ష్మిలో మంచి నటిని పరిచయం చేసింది. తెలుగులో ఈ అమ్మడు చివరిగా పిట్టకథలు ప్రాజెక్టులో కనిపించింది.

మలయాళంలో మోహన్ లాల్ హీరోగా నటించిన మోనిస్టర్ మూవీలో విలన్ గా మెప్పించింది. యాక్షన్ సీక్వెన్స్ లో కూడా రఫ్ఫాడించింది. ప్రస్తుతం ఈ అమ్మడు లీడ్ రోల్ లో రెండు సినిమాలు తెరకెక్కుతున్నాయి. వాటిలో హర్రర్ థ్రిల్లర్ ఒకటి గా యాక్షన్ జోనర్ లో మరో మూవీ సిద్ధం అవుతోంది. ఇదిలా ఉంటే మంచు లక్ష్మి ఈ మధ్యకాలంలో రెగ్యులర్ గా గ్లామర్ ఫోటో షూట్ లతో సందడి చేస్తోంది.

తన అందాన్ని మరింత పెంచుకుంటూ మోడ్రన్ క్యారెక్టర్స్ కి కూడా తాను సిద్ధమే అని తెలియజేయడానికి ఇన్ స్టాగ్రామ్ ని వేదికగా మార్చుకుంది. తాజాగా మరోసారి హాట్ ఫోటోలని ఇన్ స్టాగ్రామ్ షేర్ చేసింది. షార్ట్ స్కట్ తో తన బ్యూటీకి కాస్తా హాట్ టచ్ ఇచ్చింది. ఈ ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ లుక్స్ లో మంచు లక్ష్మి మరింత యంగ్ గా కనిపిస్తోందనే కామెంట్స్ వినిపిస్తున్నాయి. అలాగే హీరోయిన్స్ కి ఏ మాత్రం తీసిపోని అందంతో మెరిసిపోతుందని లవ్ సింబల్స్ తో అభిమానులు పోస్టులు పెడుతున్నారు.