త్రిష పెళ్లికి నేను తాళిబొట్టు ఇచ్చి ఆశీర్వ‌దిస్తా! మన్సూర్
ఎట్ట‌కేల‌కు త‌మిళ న‌టుడు మ‌న్సూల్ అలీఖాన్ దిగొచ్చాడు. త్రిషపై ఆయ‌న చేసిన అభ్యంత‌ర‌క‌ర వ్యాఖ్య‌ల‌కు గాను మన్సూర్ క్షమాపణలు కోరారు.
ఎట్ట‌కేల‌కు త‌మిళ న‌టుడు మ‌న్సూల్ అలీఖాన్ దిగొచ్చాడు. త్రిషపై ఆయ‌న చేసిన అభ్యంత‌ర‌క‌ర వ్యాఖ్య‌ల‌కు గాను మన్సూర్ క్షమాపణలు కోరారు. త్రిషపై త‌నకెలాంటి చెడు ఉద్దేశం లేద‌ని.. కేవ‌లం స‌ర‌దాగా మాత్ర‌మే ఆ వ్యాఖ్య‌లు చేసాన‌న్నారు. ఆమె పెళ్లికి తాను మంగ‌ళ‌సూత్రం ఇచ్చి ఆశీర్వ‌దించా ల‌నుకుంటున్నాన‌ని తెలిపారు. ఈ పోస్ట్ నెట్టింట వైర‌ల్ అయింది.
దీంతో త్రిష మన్సూర్ పేరు ప్ర‌స్తావించ‌కుండా స్పందించారు. `త‌ప్పు చేయ‌డం మాన‌వ స‌హ‌జం. క్ష‌మాప‌ణ అత్యున్న‌మైన‌ది` అని ట్వీట్ చేసారు. దీంతో ఈ వివాదం ఇక్క‌డితో పుల్ స్టాప్ ప‌డిన‌ట్లు అయింది. నిన్న‌టివ‌ర‌కూ ఈ వివాదం ఎంత దూరం వెళ్తుందా? అని మీడియాలో పెద్ద ఎత్తున చ‌ర్చ‌సా గింది. ఒక‌రిపై ఒక‌రు కేసులు కూడా పెట్టుకోవ‌డంతో ఇప్ప‌ట్లో చ‌ల్లారే వ్య‌వ‌హ‌రం కాద‌ని ప్రేక్ష‌కులు భావించారు. కానీ ఒక్క క్ష‌మాప‌ణ‌తో అన్ని స‌ద్దు మ‌ణిగాయి.
`లియో` సినిమాలో త్రిష-మన్సూర్ అలీఖాన్ న‌టించిన సంగ‌తి తెలిసిందే. త్రిష‌తో రేప్ సీన్లు లేవ‌ని.. అందుకు తానెంతో నిరుత్సాహ ప‌డిన‌ట్లు వ్యాఖ్యానించ‌డంతో త్రిష మండిప‌డ్డారు. దేశ వ్యాప్తంగా ఈ వ్యాఖ్య‌లు సంచ‌ల‌నం రేపాయి. జాతీయ మహిళా కమిషన్… మన్సూర్ పై చర్యలు తీసుకోవాలని డీజీపీని ఆదేశించింది. దీంతో ఆయనపై పోలీసులు కేసు నమోదు చేసి నోటీసులు పంపారు.
దీంతో మన్సూర్ చెన్నై సెషన్స్ కోర్టును ఆశ్రయించి.. ముందస్తు బెయిల్ పిటిషన్ వేశారు. శుక్రవారం తన మందస్తు బెయిల్ పిటిషన్ ను ఉపసంహరించుకున్న మన్సూర్.. త్రిషకు క్షమాపణలు చెప్పారు. తాను కత్తి లేకుండా వారం రోజులుగా యుద్ధం చేశానని ఈ యుద్ధంలో రక్తపాతం లేకుండానే తాను గెలిచానని అన్నారు. ఈ సమయంలో తనకు అండగా నిలిచిన వారందరికీ ధన్యవాదాలు తెలిపారు.