మోక్షజ్ఞ డెబ్యూ మూవీ డేట్ ఫిక్స్ అయ్యిందా?
సెప్టెంబర్ 6న మోక్షజ్ఞ లాంచింగ్ మూవీని అఫీషియల్ గా స్టార్ట్ చేయబోతున్నారంట.
నందమూరి బాలకృష్ణ నట వారసుడు మోక్షజ్ఞ హీరోగా ఎంట్రీ ఇవ్వబోతున్న సంగతి అందరికి తెలిసిందే. ఇప్పటికే హీరోయిక్ మెటీరియల్ గా తనని తాను మార్చుకొని మోక్షజ్ఞ డెబ్యూ మూవీ కోసం ఎదురుచూస్తున్నారు. బాలకృష్ణ కూడా చాలా రోజులుగా సరైన కథని ఎంపిక చేసి, సక్సెస్ ఫుల్ దర్శకుడు చేతిలో మోక్షజ్ఞని పెట్టాలని ప్రయత్నం చేశారు. చాలామంది దర్శకుల పేర్లు వినిపించాయి. కమర్షియల్ హీరోగా మోక్షజ్ఞని నిలబెట్టడానికి కావలసిన స్ట్రాంగ్ ఫౌండేషన్ మొదటి సినిమాతోనే పడాలని బాలయ్య అనుకుంటున్నారు.
ఇప్పుడు మోక్షజ్ఞ ఎంట్రీకి కావలసిన కథతో పాటు, మంచి టాలెంటెడ్ దర్శకుడుని కూడా బాలకృష్ణ సెట్ చేశారు. హనుమాన్ సినిమాతో పాన్ ఇండియా డైరెక్టర్ గా ప్రూవ్ చేసుకున్న ప్రశాంత్ వర్మ చేతిలో మోక్షజ్ఞని బాలకృష్ణ పెడుతున్నారు. ప్రశాంత్ వర్మ కూడా చాలా ప్రెస్టీజియస్ గా తీసుకొని మోక్షజ్ఞని స్టార్ హీరోగా నిలబెట్టడానికి రెడీ అవుతున్నారు. దీనికోసం మహాభారతం నుంచి ఒక స్ట్రాంగ్ క్యారెక్టర్ తీసుకొని ఆ పాత్రలో మోక్షజ్ఞని సూపర్ హీరోగా రిప్రజెంట్ చేయబోతున్నట్లు టాక్ వినిపిస్తోంది.
ప్రశాంత్ వర్మ అభిమన్యుడి పాత్రలోనే మోక్షజ్ఞని చూపించబోతున్నారనే ప్రచారం ఇప్పుడు తెరపైకి వచ్చింది. ప్రశాంత్ వర్మ నుంచి మాత్రం దీనిపై ఇప్పటివరకు ఎలాంటి అప్డేట్ రాలేదు. ఇదిలా ఉంటే ఇప్పుడు ఇండస్ట్రీలో మరో ఆసక్తికరమైన చర్చ నడుస్తోంది. సెప్టెంబర్ 6న మోక్షజ్ఞ లాంచింగ్ మూవీని అఫీషియల్ గా స్టార్ట్ చేయబోతున్నారంట. హైదరాబాద్ లో గ్రాండ్ గా ఈవెంట్ ఏర్పాటు చేసి మోక్షజ్ఞ ఎంట్రీ మూవీని ప్రారంభించబోతున్నట్లు టాక్ వినిపిస్తుంది. ఈ ప్రచారం నందమూరి అభిమానులకు కొత్త ఉత్సాహాన్ని ఇస్తోంది.
ప్రశాంత్ వర్మ హనుమాన్ సినిమాతో పాన్ ఇండియా డైరెక్టర్ గా ప్రూవ్ ప్రూవ్ చేసుకున్నారు. ఈ నేపథ్యంలో మోక్షజ్ఞని కూడా మొదటి సినిమాతోనే పాన్ ఇండియా హీరోగా ఎస్టాబ్లిష్ చేయడానికి రెడీ అవుతున్నారని ఫ్యాన్స్ ఆసక్తికరంగా చర్చించుకుంటున్నారు. మోక్షజ్ఞ సూపర్ హీరోగా కనిపిస్తే మాత్రం కచ్చితంగా ఆ సినిమా సెన్సేషనల్ రికార్డులు క్రియేట్ చేయడం గ్యారెంటీ అని నందమూరి అభిమానులు నమ్మకంగా చెబుతున్నారు.
బాలకృష్ణ కూడా కొడుకుని హీరోగా చూసుకోవాలని చాలా కాలం నుంచి అనుకుంటున్నారు. ఇప్పుడు గ్రాండ్ గా లాంచ్ చేయడానికి ఏర్పాట్లు చేస్తున్నారు. బాలకృష్ణ చిన్న కూతురు తేజస్విని ఈ సినిమాతో నిర్మాతగా మారుతుందనే ప్రచారం నడుస్తోంది. ఇప్పటికే ఆమె బాలకృష్ణ అఖండ సీక్వెల్ నిర్మాణంలో భాగస్వామి అయ్యారు. అయితే మోక్షజ్ఞ డెబ్యూ మూవీని తేజస్విని సోలోగా నిర్మిస్తుందా లేదంటే మరొక భాగస్వామితో కలిపి భారీ బడ్జెట్ చిత్రంగా నిర్మిస్తారా అనేది తెలియాల్సి ఉంది.