మృణాల్ కి హాయ్ నాన్న.. లుక్స్ తోనే కవ్విస్తోందిగా..
ఈరోజు మృణాల్ పుట్టిన రోజు కాగా, ఈ సందర్భంగా మృణాల్ కి హాయ్ నాన్న చిత్ర బృందం పుట్టిన రోజు శుభాకాంక్షలు తెలియజేసింది.
నేచురల్ స్టార్ నాని హీరో గా తెరకెక్కుతున్న తాజా చిత్రం హాయ్ నాన్న. ఈ మూవీ లో నాని సరసన మృణాల్ జంటగా నటిస్తోంది. నాని 30వ సినిమా ఇది. వైరా ఎంట‌ర్ టైన్‌మెంట్స్ బ్యాన‌ర్‌ పై మోహ‌న్ చెరుకూరి, విజ‌యేంద‌ర్‌రెడ్డి తీగ‌ల ఈ చిత్రాన్ని నిర్మిస్తున్నారు. ఈ సినిమా ద్వారా శౌర్యువ్ ద‌ర్శ‌కుడిగా ప‌రిచ‌యం అవుతున్నారు. తండ్రీ కూతుళ్ల ఎమోష‌న‌ల్ జ‌ర్నీ నేప‌థ్యంలో ఈ మూవీ ని తెర‌కెక్కిస్తున్నారు. పాన్ ఇండియా స్థాయి లో ఈ సినిమా రూపొందుతోంది.
కాగా, ఈరోజు మృణాల్ పుట్టిన రోజు కాగా, ఈ సందర్భంగా మృణాల్ కి హాయ్ నాన్న చిత్ర బృందం పుట్టిన రోజు శుభాకాంక్షలు తెలియజేసింది. బర్త్ డే విషెస్ తెలియజేస్తూ, ఓ సూపర్ ఫోటోని కూడా షేర్ చేశారు. ఆ ఫోటోలో వెనక నాని ఫోటో కనపడుతుంది. ముందు మృణాల్ ఫోటో కనపడుతోంది. బ్రౌన్ కలర్ మ్యాక్సీ డ్రెస్ లో ముక్కుకు ముక్కెరతో చాలా మోడ్రన్ గా, అందంగా ఉంది. బ్యాగ్రౌండ్ లో నాని ఉండటం పోస్టర్ కే అందాన్ని తెచ్చింది. ఆమె చుట్టూ అందమైన పూలు కూడా ఉన్నాయి.
కాగా, ఈ సినిమాకి హేషమ్ అబ్దుల్ వహాబ్ సంగీతం అందిస్తున్నారు. సాను జాన్ వరుగీస్ ISC సినిమాటోగ్రఫీ, ప్రవీణ్ ఆంథోని ఎడిటర్‌గా, అవినాష్ కొల్లా ప్రొడక్షన్ డిజైనర్‌గా, సతీష్ ఇవివి ఎగ్జిక్యూటివ్ ప్రొడ్యూసర్‌ గా పనిచేస్తున్నారు. ఇటీవల ఈ మూవీ టైటిల్ గ్లింప్స్ ని విడుదల చేశారు. నాని ని మృణాల్ ని హాయ్ నాన్న అంటూ పలకరించగా , టైటిల్ పడటం విశేషం.
ఈ గ్లింప్స్ విడుదల చేసినప్పటి నుంచి, ఈ మూవీ గురించి ఓ గాసిప్ వినపడుతోంది.ఈ మూవీ లో నాని సైంటిస్ట్ గా కనిపిస్తాడట. ఇక ఆయన కూతురు మృణాల్ ఫ్యూచర్ నుంచి ప్రజెంట్ కి వచ్చేస్తుందట. ఆ సమయం లోనే ఆమె తన తండ్రిని కలుసుకుంటుంది. ఆయనతో పాటు ఎనిమిదేళ్ల వయసు లో ఉన్న చిన్నారి కూడా ఉంటుంది. అయితే, ఈ సమస్యను పరిష్కరించడానికి నాని ఫ్యూచర్ కి వెళతాడని తెలుస్తుంది. అయితే, ఇదే సమయంలో ఆ తర్వాత నాని తన ఎనిమిదేళ్ల కూతురిని లేదంటే, 25ఏళ్ల కూతురిలో ఎవరో ఒకరిని మాత్రమే ఎంచుకోవలసి వస్తుందట
మరి ఎవరిని ఎంచుకుంటాడు? ఆ సమస్య ఎలా పరిష్కరిస్తాడు అనేదే ఈ సినిమా కథ అని తెలుస్తోంది. మరి ఈ కథలో ఎంత వరకు నిజం ఉందో తెలియాలంటే మూవీ విడుదలయ్యే వరకు ఆగాల్సిందే. ఇదిలా ఉండగా, ఈ మూవీని తెలుగు తో పాటు ఈ చిత్రాన్ని త‌మిళ, మ‌ల‌యాళ, క‌న్న‌డ, హిందీ భాష‌ల్లో భారీ స్థాయిలో రిలీజ్ చేయ‌బోతున్నారు. `ఈ సినిమా హిట్ అయితే, మృణాల్ కి తెలుగు లో మరిన్ని అవకాశాలు వచ్చే అవకాశం ఉంది.