వైజాగ్ అల్లుడికి గిఫ్ట్ ఇస్తారా..?

నాగ చైతన్య నటించిన తండేల్ సినిమా ఫిబ్రవరి 7న రిలీజ్ లాక్ చేశారు. చందు మొండేటి డైరెక్షన్ లో తెరకెక్కిన ఈ సినిమాలో చైతన్య సరసన సాయి పల్లవి హీరోయిన్ గా నటించింది. దేవి శ్రీ ప్రసాద్ మ్యూజిక్ అందించిన ఈ సినిమా నుంచి రిలీజైన అన్ని సాంగ్స్ కూడా సూపర్ హిట్ గా నిలిచాయి. ఈ సినిమా ట్రైలర్ రిలీజ్ ఈవెంట్ వైజాగ్ లో నిర్వహించారు. ఈ ట్రైలర్ రిలీజ్ ఈవెంట్ లో నాగ చైతన్య తన స్పీచ్ తో అలరించాడు.

ముఖ్యంగా వైజాగ్ ఆడియన్స్ తో ఇక్కడ సినిమా హిట్ టాక్ వస్తే ప్రపంచంలో ఎక్కడైనా ఆడుతుందని అన్నారు నాగ చైతన్య. అంతేకాదు తనకు వైజాగ్ కు ఉన్న రిలేషన్ ని చెప్పుకొచ్చారు. వైజాగ్ అమ్మాయినే తాను ప్రేమించి పెళ్లి చేసుకున్నా అని అన్నారు నాగ చైతన్య. తన ఇంట్లో రూలింగ్ పార్టీ వైజాగ్ దే అని అన్నారు. ఐతే ఫ్యాన్స్ కి వైజాగ్ లో భారీ కలెక్షన్స్ తెచ్చి తన పరువు కాపాడాలని అన్నారు నాగ చైతన్య.

వైజాగ్ అమ్మాయిని పెళ్లి చేసుకున్నాడు కాబట్టి వైజాగ్ ఆడియన్స్ అల్లుడికి గిఫ్ట్ ఇస్తారా లేదా అన్నది ఫిబ్రవరి 7న తెలుస్తుంది. నాగ చైతన్య, సాయి పల్లవి ఈ కాంబో ఇప్పటికే లవ్ స్టోరీతో సూపర్ హిట్ అందుకుంది. ఐతే ఈసారి మరో ప్రేమ కథ అది కూడా దేశభక్తి నేపథ్యంతో తండేల్ వస్తుంది. సినిమా నుంచి వచ్చిన సాంగ్స్ ఇప్పటికే సూపర్ క్రేజ్ తెచ్చుకోగా తప్పకుండా తండేల్ అక్కినేని హీరో కెరీర్ లో బిగ్గెస్ట్ హిట్ గా నిలిచేలా ఉంది.

కార్తికేయ 2 తర్వాత చందు మొండేటి డైరెక్షన్ లో వస్తున్న సినిమాగా తండేల్ పై భారీ అంచనాలు ఏర్పడ్డాయి. ఐతే ఈ సినిమా విషయంలో మేకర్స్ చాలా కాన్ఫిడెంట్ గా ఉన్నారు. సినిమాలో సాయి పల్లవి కూడా వన్ ఆఫ్ ది హైలెట్ గా నిలిచేలా ఉంది. మరి సినిమా చైతన్య కెరీర్ లో బ్లాక్ బస్టర్ హిట్ గా నిలుస్తుందా లేదా అన్నది చూడాలి.