'జనాలకి జోక్ కి, సీరియస్ నెస్ కి తేడా తెలియట్లేదు'.. రానా షోలో నాని!

టాలీవుడ్ హ్యాండ్సమ్ హంక్ రానా దగ్గుబాటి ఇప్పుడు 'ది రానా దగ్గుబాటి షో' అనే ఇంట్రెస్టింగ్ సెలబ్రిటీ టాక్ షోతో ప్రేక్షకుల ముందుకు వచ్చారు. ఇది స్క్రిప్ట్ లేని ఒక యునిక్ టాక్ షో. అమెజాన్ ప్రైమ్ వీడియో ఓటీటీ వేదికగా ఈరోజు (నవంబరు 23) నుంచి అట్టహాసంగా ఈ షో స్ట్రీమింగ్‌ ప్రారంభమైంది. ఫస్ట్ ఎపిసోడ్ లో నేచురల్ స్టార్ నాని, 'హను-మాన్' ఫేమ్ తేజ సజ్జ, హీరోయిన్ ప్రియాంక మోహన్ గెస్టులుగా పాల్గొన్నారు.

'ది రానా దగ్గుబాటి షో' ఫస్ట్ ఎపిసోడ్ కి ఆడియన్స్ నుంచి మంచి రెస్పాన్స్ వస్తోంది. చాలా కొత్తగా, రిఫ్రెష్‌గా ఉందని కామెంట్స్ చేస్తున్నారు. నాని, తేజ సజ్జా, ప్రియాంక మోహన్ లతో రానా జరిగిపిన సరదా సంభాషణలకు సంబంధించిన వీడియో క్లిప్స్ ని నెటిజన్లు సోషల్ మీడియాలో షేర్ చేస్తున్నారు. నాని ఈ షోలో తన సతీమణి అంజనాతో వైవాహిక జీవితం విషయాలను పంచుకున్నారు. అంజనాను పెళ్లి చేసుకోడానికి ఆమె కుటుంబాన్ని ఒప్పించడం గురించి మాట్లాడారు.

ఐఫా అవార్డ్స్ లో హీరోలను రోస్టింగ్ చేసినప్పుడు సోషల్ మీడియాలో వచ్చిన ట్రోల్స్ గురించి రానా షోలో ప్రస్తావన వచ్చింది. ''నేనూ తేజ సజ్జా కలిసి ఒక స్కిట్ లాగా యాక్ట్ చేసి, దాన్ని ఈవెంట్ లో చేస్తే.. జనాలంతా అది రియల్ అనుకుని, మేము మేమూ తిట్టుకున్నామనుకొని, వాళ్ళ ఫ్యాన్స్ నన్ను తిట్టడం, నా ఫ్యాన్స్ వాళ్ళని తిట్టడం.. ఏంటో ఇది'' అని రానా అన్నారు. దీనిపై నాని స్పందిస్తూ హ్యూమర్ కి సీరియస్ నెస్ కి తేడా తెలియడం లేదని, ఇకపై ఇలాంటివి మరిన్ని చేస్తే జనాలు అలవాటు పడి ఇలా కూడా హ్యూమర్ ఉంటుందని అర్థమవుతుందని అన్నారు.

''ఇలాంటివి ఇంకా ఎక్కువ చేయాలి. లేదంటే జోక్ కి, సీరియస్ నెస్ కి తేడా తెలియట్లేదు. ఎందుకు అంతమంది అపార్థం చేసుకున్నారు.. ఎక్స్పోజర్ లేకపోవడం వల్లనే కదా?. అందుకే మనం ఇలానే ఎక్కువ చేస్తే, వాళ్ళకి కూడా ఒక అండర్ స్టాండింగ్ వస్తుంది. హ్యూమర్ అనేది మనుషుల్లో ఇలా కూడా ఉండొచ్చు. ఇలా కూడా చేయొచ్చు అని తెలుసుకుంటారు'' అని నాని అన్నారు.

'హనుమాన్' సినిమా కోసం రానాతో కలిసి ముంబైలో ప్రమోషన్స్ చేయడం గురించి తేజ సజ్జా మాట్లాడాడు. ''తెలుగు నుంచి ఎవరైనా హీరోలు రానా లేకుండా బాంబేకి వెళ్తారా?. ఫస్ట్ టైం కదా.. నాకు అక్కడ ఏమీ తెలియదు అని చెప్పి బాంబేకి రానాని లాక్కొని వెళ్ళా. రానా నన్ను మీడియాకి ఇంట్రడ్యూస్ చేసి సైలెంట్ గా ఉండకుండా.. 'నేను ఎందుకు వచ్చానో తెలుసా. మీ దగ్గరకు రావాలంటే మా తెలుగోళ్లు భయపడుతున్నారు' అన్నాడు'' అని తేజ తెలిపారు.

'హనుమాన్' సినిమాకి ప్రమోషన్స్ చేయడం తనకు వర్కౌట్ అయిందని ముంబై హోటల్ లో జరిగిన సంఘటనను రానా గుర్తు చేసుకున్నారు. ''ఒక వెయిటర్ వచ్చి మీరు నటించిన 'బాహుబలి', 'ఘాజీ' సినిమాలు ఫెంటాస్టిక్ గా ఉంటాయి అని చెప్పాడు. 'హనుమాన్' సినిమాలో అద్భుతంగా చేసారు సార్ అన్నాడు'' అని నవ్వుతూ చెప్పారు రానా. ''నిజంగానే హనుమాన్ పాత్ర పోషించింది రానా అని చాలా మంది అనుకున్నారు. నేను కూడా అలానే అనుకున్నాను. హాఫ్ ఫేస్ కవర్ చేసినప్పుడు అచ్చం నీలాగే కనిపించాడు'' అని నాని అన్నారు. అయితే హనుమాన్ రోల్ కి రానాని అనుకోలేదని తేజ ఈ సందర్భంగా క్లారిటీ ఇచ్చారు. ఇమేజ్ రిఫరెన్స్ తీసుకున్నాం కానీ, అది రానా ది కాదని తెలిపారు.

ఓవరాల్ గా ఆకర్షణీయమైన ఫార్మాట్ లో వచ్చిన 'ది రానా దగ్గుబాటి షో' ఫస్ట్ ఎపిసోడ్ అలరిస్తోంది. సీజన్-1లో 8 ఎపిసోడ్స్ ఉండగా.. ప్రతీ శనివారం ఎగ్జైటింగ్ ఎపిసోడ్స్ రాబోతున్నాయని తెలుస్తోంది. సెన్సేషనల్ డైరెక్టర్ రామ్ గోపాల్ వర్మ, దర్శక ధీరుడు ఎస్.ఎస్ రాజమౌళి, హీరో అక్కినేని నాగచైతన్య, దుల్కర్ సల్మాన్, సిద్ధు జొన్నలగడ్డ, రిషబ్‌ శెట్టి, శ్రీలీల, మీనాక్షి చౌదరి, రానా సతీమణి మిహికా బజాజ్ తదితరులు రాబోయే ఎపిసోడ్స్ లో సందడి చేయబోతున్నారు.