నాని, నితిన్ ఇద్దరికి గోల్డెన్ ఛాన్స్..!

వీకెండ్ వచ్చింది అంటే కొత్త సినిమాల సందడి ఆడియన్స్ ని థియేటర్ కి రప్పించేలా చేస్తాయి. స్టార్ హీరోల సినిమాల లెక్క వేరేలా ఉంటుంది. కానీ టైర్ 2 హీరోల సినిమాలకు బజ్ ని బట్టి సినిమాపై ప్రభావం ఉంటుంది. ఈ వీకెండ్ నాని హాయ్ నాన్న, నితిన్ ఎక్స్ ట్రాడినరీ మ్యాన్ రెండు సినిమాలు వస్తున్నాయి. గురువారం నాని సినిమా వస్తుండగా నెక్స్ట్ డే అంటే శుక్రవారం నితిన్ మూవీ వస్తుంది. ఈ రెండు సినిమాలు రెండు డిఫరెంట్ జోనర్స్ గా వస్తున్నాయి.

నాని హాయ్ నాన్న ఫాదర్ అండ్ డాటర్ సెంటిమెంట్ తో పాటుగా మృణాల్ తో లవ్ అండ్ ఎమోషనల్ కథతో వస్తుంది. సినిమాకు హేషం అందించిన మ్యూజిక్ కూడా సినిమాకు ప్లస్ అయ్యింది. దసరా తర్వాత నాని మరోసారి తన మార్క్ సినిమాతో వస్తున్నాడు. దసరాలో ధరణి పాత్రతో తను మాస్ పాత్రల్లో కూడా మెప్పించగలనని ప్రూవ్ చేశాడు. ఇప్పుడు మళ్లీ హాయ్ నాన్నతో తన న్యాచురల్ యాక్టింగ్ తో ప్రేక్షకులను మెప్పించనున్నాడు.

ఇక మరోపక్క నితిన్ తనకు పర్ఫెక్ట్ గా సూటయ్యే ఎంటర్టైనింగ్ సినిమాతో వస్తున్నాడు. వక్కంతం వంశీ డైరెక్షన్ లో ఎక్స్ ట్రాడినరీ మ్యాన్ సినిమాతో వస్తున్న నితిన్ సినిమా మొత్తం ఆడియన్స్ ని కచ్చితంగా నవ్విస్తుందని కాన్ఫిడెంట్ గా చెబుతున్నాడు. నితిన్ మార్క్ ఎంటర్టైనింగ్ సినిమాగా ఇది వస్తుంది. ఈ సినిమాకు శ్రీ లీల గ్లామర్ కూడా ప్లస్ అయ్యేలా ఉంది. ఆల్రెడీ హారిస్ జయరాజ్ మ్యూజిక్ ప్రేక్షకులను ఆకట్టుకుంది.

సో నాని వర్సెస్ నితిన్ సినిమాల ఫైట్ లో ఇద్దరు ప్రేక్షకులను మెప్పించే అవకాశం ఉంది. రెండు సినిమాలకు పాజిటివ్ టాక్ వస్తే రెండు మంచి విజయాన్ని అందుకునే అవకాశం ఉంది. లాస్ట్ వీక్ వచ్చిన యానిమల్ ఎఫెక్ట్ తగ్గినట్టు అనిపిస్తుంది. ఎలాగు నెక్స్ట్ వీక్ పెద్ద సినిమాలు లేవు. సో నాని, నితిన్ సినిమాలు ప్రేక్షకుల అంచనాలను రీచ్ అయితే మాత్రం రెండు వారాల పాటు వారి సినిమాలు రన్ అయ్యే అవకాశం ఉంది. దసరా తర్వాత నాని మరో హిట్ కొట్టాలని చూస్తుండగా మాచర్ల నియోజకవర్గం ఫ్లాప్ తర్వాత నితిన్ ఎక్స్ ట్రాడినరీ మ్యాన్ సినిమాతో హిట్ ట్రాక్ ఎక్కాలని చూస్తున్నాడు. వీరిద్దరిలో విజేత ఎవరన్నది రెండు రోజుల్లో తెలుస్తుంది. ఇద్దరు హీరోలు మాత్రం వారి సినిమాలపై సూపర్ కాన్ఫిడెంట్ గా ఉన్నారు.