నానితో పూజా చేస్తే తప్పేంటి..?

న్యాచురల్ స్టార్ నాని ప్రస్తుతం హాయ్ నాన్న సినిమా చేస్తున్నాడు. ఆ సినిమా తర్వాత వివేక్ ఆత్రేయతో మరో సినిమా చేస్తున్నాడు. ఆల్రెడీ అంటే సుందరానికీ సినిమా చేయగా అది కమర్షియల్ గా వర్క్ అవుట్ కాలేదు. మరోపక్క నాని శైలేష్ కొలను డైరెక్షన్ లో హిట్ 3 సినిమా కూడా లైన్ లో పెట్టాడు. హిట్ 3 కన్నా ముందు వివేక్ ఆత్రేయ సినిమానే సెట్స్ మీదకు వెళ్తుందని టాక్. నాని వివేక్ ఆత్రేయ సినిమాలో నానికి జోడీగా పూజా హెగ్దే ని సెలెక్ట్ చేసినట్టు తెలుస్తుంది.

ఇన్నాళ్లు స్టార్ హీరోల సరసన నటిస్తూ వచ్చిన పూజా హెగ్దే స్టార్ అవకాశాలు దక్కించుకోవడంలో వెనకబడింది. అందుకే అమ్మడు టైర్ 2 హీరోల సినిమాలకు షిఫ్ట్ అయ్యింది. చివరగా మహేష్ గుంటూరు కారం సినిమా ఛాన్స్ వదులుకున్న పూజా బేబీ ఆ తర్వాత ఒక్క స్టార్ ఛాన్స్ అందుకోలేదు. అయితే నాని వివేక్ ఆత్రేయ డైరెక్షన్ లో సినిమా లో పూజాని హీరోయిన్ గా సెలెక్ట్ చేసినట్టు టాక్. అఫీషియల్ అనౌన్స్ మెంట్ త్వరలో రానుందని తెలుస్తుంది.

నానితో పూజా హెగ్దే రొమాన్స్ అనగానే కొందరు ఆడియన్స్ నాని పక్కన పూజా అంతగా బాగోదని కామెంట్ చేస్తున్నారు. అంతేకాదు పూజా గ్రాఫ్ పడిపోవడం వల్లే నాని లాంటి హీరోతో చేస్తుందని అంటున్నారు. నాని కూడా న్యాచురల్ స్టార్ గా తనకంటూ సెపరేట్ ఫ్యాన్ ఫాలోయింగ్ ఏర్పరచుకున్నాడు. అలాంటి నానితో పూజా నటిస్తే తప్పేమి లేదని నాని ఫ్యాన్స్ అంటున్నారు. నాని కన్నా ముందు అక్కినేని హీరో అఖిల్ తో పూజా కలిసి నటిస్తే తప్పులేదు కానీ 30 సినిమాల అనుభవం ఉన్న నానితో చేస్తే తప్పేంటని అంటున్నారు.

నాని సినిమాల్లో నటించి స్టార్ హీరోయిన్స్ అయిన వారు ఉన్నారు. సాయి పల్లవి, కీర్తి సురేష్ లాంటి స్టార్ హీరోయిన్స్ తో నాని నటించాడు. ఇప్పుడు పూజా తో జత కడుతున్నాడు అంటే వెరైటీ చర్చలు చేస్తున్నారు. పూజా హెగ్దే నానితోనే కాదు రవితేజ సినిమాలో కూడా నటిస్తుందని టాక్. తెలుగులో కొద్దిగా కెరీర్ ఫాం కోల్పోయినట్టు కనిపించిన బుట్ట బొమ్మ మళ్లీ తిరిగి హిట్ ట్రాక్ ఎక్కాలని చూస్తుంది. మరి ఈ సినిమాలు పూజా ఫాం కొనసాగించేలా చేస్తాయా లేదా అన్నది చూడాలి.