తేజ్‌ యాక్సిడెంట్ తర్వాత అతడు బైక్స్ అన్నీ అమ్మేశాడట!

మెగా హీరో సాయి ధరమ్‌ తేజ్ బైక్ యాక్సిడెంట్ చాలా మంది సెలబ్రెటీలకు గుణపాఠం గా మారింది. చాలా మంది సెలబ్రెటీలు బైక్‌ రైడింగ్ అంటే భయపడుతున్నారు. ఒకప్పుడు తెలుగు యంగ్‌ హీరోలు సరదాగా బైక్ లపై రైడ్ లకు వెళ్లే వారు. కానీ ఇప్పుడు బైక్ రైడింగ్ అంటే భయపడే పరిస్థితి ఉంది.

తాజాగా సాయి ధరమ్‌ తేజ్ కి క్లోజ్ ఫ్రెండ్ అయిన నవీన్‌ విజయ్ కృష్ణ ఆసక్తికర వ్యాఖ్యలు చేశాడు. సీనియర్ నటుడు నరేష్ కుమారుడు అయిన నవీన్ కి సాయి ధరమ్ తేజ్ కి చాలా కాలంగా మంచి స్నేహం ఉంది. హీరోగా నటించిన నవీన్‌ సక్సెస్ లను సొంతం చేసుకోలేక పోయాడు. దాంతో నటనకు గుడ్‌ బై చెప్పి దర్శకుడిగా ఎంట్రీ ఇచ్చేందుకు ప్రయత్నాలు చేస్తున్నాడు.

ఇటీవలే సాయి ధరమ్ తేజ్ ముఖ్య పాత్రలో సోల్‌ ఆఫ్ సత్య అనే షార్ట్‌ ఫిల్మ్‌ ను చేయడం జరిగింది. తాజాగా ఒక ఇంటర్వ్యూలో సాయి ధరమ్‌ తేజ్ యాక్సిడెంట్‌ గురించి నవీన్ కామెంట్స్ చేశాడు. తేజ్ కు బైక్ యాక్సిడెంట్‌ అని నాకు ఫోన్ రాగానే ఒక చిన్న యాక్సిడెంట్‌ అయి ఉంటుందని భావించాను. కానీ ఆసుపత్రికి వెళ్లి చూశాక షాక్ అయ్యాను.

సాయి ని అలా చూసి కొన్ని రోజుల పాటు నేను తేరుకోలేక పోయాను. ఫోన్ స్విచ్చ్ ఆఫ్‌ చేసి ఎవరిని కలవలేదు. ఆ సమయంలోనే నా వద్ద ఉన్న బైక్స్ అన్ని కూడా అమ్మేశాను. బైక్స్ పై జర్నీ చేయడానికే భయంగా ఉంది. బైక్ పై వెళ్లే ప్రతి ఒక్కరు కూడా జాగ్రత్తగా ఉండాలని నవీన్ సూచించాడు.

తన కెరీర్ గురించి మాట్లాడుతూ.. తనకు నటనపై ఆసక్తి లేదని. కానీ విజయ నిర్మలమ్మ హీరోగా నటించమని చెప్పడం వల్లే కొన్నాళ్లు నటనపై శ్రద్ద పెట్టాను. ఆ తర్వాత నాకు నటన సెట్‌ అవ్వదని డిసైడ్ అయ్యాను. ప్రస్తుతం దర్శకుడిగా సినిమాలు చేసేందుకు సిద్ధం అవుతున్నట్లుగా పేర్కొన్నాడు.