మెగా - వంగా కాంబో.. ఛాన్స్ లేదమ్మా!

ఈ మధ్య మెగాస్టార్​ చిరంజీవి యంగ్ డైరెక్టర్స్​కు అవకాశాలు ఇస్తున్న సంగతి తెలిసిందే. ఈ క్రమంలోనే చిరు.. సందీప్ రెడ్డి వంగాతో కలిసి ఓ ప్రాజెక్ట్ చేయబోతున్నట్లు తెగ ప్రచారం సాగుతోంది. పాన్ ఇండియా లెవల్​లో ఇది రానుందంటూ చాలా మంది అంటున్నారు. కానీ ఇది వర్కౌట్​ అయ్యే అవకాశం కనిపించడం లేదు.

వివరాళ్లోకి వెళితే.. తొలి సినిమా అర్జున్ రెడ్డితో సెన్సేషన్​​ బ్లాక్ బస్టర్ హిట్ అందుకున్న సందీప్​ వంగా.. ఆ తర్వాత అదే చిత్రాన్ని హిందీలోనూ కబీర్ సింగ్​గా రీమేక్​ చేసి మరో సక్సెస్​ను ఖాతాలో వేసుకున్నాడు. ఆ తర్వాత చాలా గ్యాప్ తీసుకున్న ఆయన.. రణ్​బీర్​ సింగ్​తో యానిమల్​ అనే భారీ ప్రాజెక్ట్​ను తెరకెక్కించాడు. అది మరో రెండు నెలల తర్వాత రిలీజ్ కానుంది.

అయితే అతడు స్వతహాగా పవన్ కళ్యాణ్​కు అభిమాని. అలాగే చిరంజీవి కూడా. అయితే ఇప్పుడు గత రెండు మూడు రోజులుగా చిరంజీవి-సందీప్ కాంబినేషన్​లో ఓ పాన్ ఇండియా సినిమా రాబోతుందని అంటున్నారు. కానీ వాస్తవిక కోణంలో చూస్తే అది అయ్యేట్లు కనిపించడం లేదు. ఎందుకంటే యానిమల్ డిసెంబర్​లో రిలీజ్ అవుతుంది.

ఆ తర్వాత ఆయన జనవరి నుంచి ప్రభాస్ స్పిరిట్ కోసం పని చేస్తాడు. 2024 జూన్ నుంచి ఈ సినిమా షూటింగ్ ప్రారంభం పెట్టే దిశగా అడుగులు వేయాలి. కాబట్టి ఆలోగా స్క్రిప్ట్ వర్క్​, ప్రీ ప్రొడక్షన్​ వర్క్​ షెడ్యూల్స్ ప్లాన్ చేసుకోవాలి. ఈ చిత్రం పూర్తయ్యే సరికి కనీసం 2025 అవుతుంది. ఆ తర్వాత ఐకాన్ స్టార్ అల్లు అర్జున్​తో ఓ సినిమా చేయాలి. దీనికో మరో రెండేళ్లైనా పడుతుంది. అంటే 2027 వచ్చేస్తుంది.

దీని తర్వాత మహేశ్​ బాబుతో ఓ సినిమా చేయాలనే ప్లాన్ ఉంది. కథ సిద్ధమైతే రాజమౌళి తర్వాత ఈ కాంబో రావొచ్చు. ఇదంతా జరిగే సరికి 2030 వచ్చేస్తుంది. అంటే ఈలోగా చిరు ఓ ఐదు ఆరు సినిమాలు చేసి హీరోగా రిటైర్​ కూడా అయ్యే అవకాశం ఉంటుంది. ఇక పవన్ పొలిటిక్స్ కమిట్స్​మెంట్స్​పై ఆయనతో సినిమా ఆధారపడి ఉంటుంది. కాబట్టి పవన్​ సంగతి పక్కన పెడితే.. మెగాస్టార్- సందీప్ వంగా కాంబోలో సినిమా రావడం కష్టమే అని చెప్పొచ్చు.