ఆపరేషన్ వాలెంటైన్.. ప్లాన్ క్లిక్కయినట్లే

మెగా ప్రిన్స్ వరుణ్ తేజ్ ప్రస్తుతం ఆపరేషన్ వాలెంటైన్ చిత్రంలో నటిస్తున్న విషయం తెలిసిందే. ఇండియన్ ఎయిర్ ఫోర్స్ నేపథ్యంలో యాక్షన్ థ్రిల్లర్గా తెరకెక్కుతున్న ఈ మూవీలో వరుణ్కు జోడీగా మిస్ వరల్డ్ మానుషీ చిల్లర్ హీరోయిన్గా నటిస్తోంది. మూడు రోజుల క్రితం.. ఫస్ట్ స్ట్రైక్ పేరుతో మేకర్స్ ఈ సినిమా టీజర్ను విడుదల చేశారు.

అయితే కంప్లీట్ యాక్షన్ కట్తో అదిరిపోయిన ఈ సినిమా టీజర్ సూపర్ వ్యూస్తో దూసుకుపోతోంది. తెలుగు, హిందీ భాషల్లో తెరకెక్కుతున్న ఈ మూవీ నుంచి విడుదలైన టీజర్ ఇప్పటి వరకు 20 మిలియన్లకుపైగా వ్యూస్ పొందింది. నేషనల్ వైడ్గా తెలుగు, హిందీ భాషల్లో ఫుల్ ట్రెండింగ్లో ఉంది. భారతదేశంలోని వైమానిక దళంలో జరిగిన యథార్థ సంఘటనల ఆధారంగా రూపొందుతున్న ఈ సినిమాలో వరుణ్, మానుషి జెట్ ఫైటర్స్గా కనిపించబోతున్నారు.

ఈ సినిమా టీజర్లో యుద్ధ విమానాల విన్యాసాలు ప్రధాన ఆకర్షణగా నిలిచాయి. టీజర్లో ఇండియాపై ఓ భీకర దాడి జరిగినట్లు చూపించారు. ఆ తర్వాత దీనికి బదులుగా భారత్ అతిపెద్ద వైమానిక దాడి చేసినట్టు వీడియో చుస్తే స్పష్టం అవుతోంది. స్ట్రాంగ్ ప్రెజెన్స్తో వరుణ్ పవర్ఫుల్ డైలాగ్స్ చెబుతూ ఐఏఎఫ్ ఆఫీస్ర్గా ఔరా అనిపించారు. మానుషి కూడా తన క్యుట్ లుక్స్తో ఆకట్టుకుంది.

అయితే ఈ టీజర్తో భారీ అంచనాలు క్రియేట్ చేశారు మేకర్స్. తెలుగు, హిందీ భాషల్లో దర్శకుడు శక్తి ప్రతాప్ సింగ్ ఈ మూవీని తెరకెక్కిస్తున్నారు. ఆయన ఈ సినిమాతోనే డైరెక్టర్గా పరిచయమవుతున్నారు. ఈ మూవీని సోనీ పిక్చర్స్‌ ఇంటర్నేషనల్‌ ప్రొడక్షన్స్‌, రినైసన్స్‌ పిక్చర్స్‌ సంస్థలు సంయుక్తంగా నిర్మిస్తున్నాయి. ఫిబ్రవరి 16న విడుదల చేయనున్నాయి. వరుణ్.. ఈ మూవీతో బాలీవుడ్లో అడుగుపెడుతున్నారు.

మరోవైపు పలాస 1978 ఫేమ్ కరుణకుమార్ దర్శకత్వం తెరకెక్కిస్తున్న పాన్ ఇండియా సినిమా మట్కాలో కూడా నటిస్తున్నారు వరుణ్ తేజ్. ఈ చిత్రాన్ని వైరా ఎంటర్‌టైన్‌మెంట్స్‌ బ్యానర్‌పై తెరకెక్కిస్తున్నారు. వరుణ్ తేజ్‌ కెరీర్‌లోనే అత్యంత భారీ బడ్జెట్‌తో పీరియాడిక్ బ్యాక్‌ డ్రాప్ స్టోరీతో ఈ మూవీ రాబోతుంది. ఇటీవలే తన సతీమణి లావణ్య త్రిపాఠితో కలిసి హానీమూన్కు వెళ్లిన వరుణ్.. ప్రస్తుతం తన మూవీ షూటింగ్స్లో బిజీగా మారారు.