పారగాన్ హవాయి చెప్పల్స్ తో ...కొచ్చిలో అడుగుపెట్టిన డిప్యూటీ సీఎం... షెడ్యూల్ ఇదే!

ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ దక్షిణాది రాష్ట్రాల పర్యటనకు బయలుదేరిన సంగతి తెలిసిందే. ఈ సందర్భంగా.. హైదరాబాద్ నుంచి బయలుదేరిన ఆయన.. కొచ్చి విమానాశ్రయానికి చేరుకున్నారు. ఈ సందర్భంగా.. ఈ పర్యటనలో భాగంగా కేరళ, తమిళనాడు రాష్ట్రాల్లోని పలు పుణ్య క్షేత్రాలు దర్శించుకునే యాత్రకు నేడు శ్రీకారం చుట్టారు.

అవును... ఏపీ డిప్యూటీ సీఎం పవన్ కల్యాణ్, తన దక్షిణాది యాత్రలో భాగంగా... కేరళలోని కొచ్చి విమానాశ్రయానికి చేరుకున్నారు. ఈ సందర్భంగా తొలుత కొచ్చి సమీపంలోని శ్రీ అగస్త్య మహర్షి ఆలయాన్ని మొదట దర్శించుకోనున్నారు. నేటి నుంచి దక్షిణాదిలో పలు ఆలయాలను ఏపీ డిప్యూటీ సీఎం పవన్ కల్యాణ్ సందర్శించనున్నారు.

ఈ పర్యటనలో భాగంగా... అనంత పద్మనాభ స్వామి, శ్రీ పరసురామ స్వామి, మధుర మీనాక్షి, కుంభేశ్వర దేవాలయం, స్వామిమలైయ్, తిరుత్తై సుబ్రమణేశ్వర స్వామి ఆలయాలను సందర్శించనున్నారు. ఇప్పటికే సనాతన బోర్డు ఏర్పాటుకు పవన్ కల్యాణ్ సంకల్పించిన నేపథ్యంలో.. ఆ సనాతన ధర్మ పరిరక్షణలో భాగంగానే ఈ పర్యటన అని చెబుతున్నారు.

మరోపక్క.. పవన్ కల్యాణ్ ఈ సందర్భంగా గతంలో మొక్కుకున్న పలు మొక్కులను తీర్చుకోనున్నారని అంటున్నారు.

మరోపక్క ఏపీ రాష్ట్ర సచివాలయంలో మంత్రులు, ఆయా శాఖల కార్యదర్శులతో సీఎం చంద్రబాబు నిర్వహించిన కీలక సమావేశానికి పవన్ కల్యాణ్ గైర్హాజరైన సంగతి తెలిసిందే. ఈ సమయంలో పౌరసరఫరాల శాఖ మంత్రి నాదెండ్ల మనోహర్ స్పందిస్తూ.. పవన్ కల్యాణ్ రెండు వారాలుగా తీవ్రమైన నడుమునొప్పితో బాధపడుతున్నారని, అందుకే సమావేశానికి రాలేదని తెలిపారు!