'ఉస్తాద్​'-'OG'.. అయ్యే పనేనా?

పవర్ స్టార్ పవన్ కళ్యాణ్ 'ఉస్తాద్ భగత్ సింగ్' ఎప్పుడైతే యూటర్న్ తీసుకుందో ఇప్పుడు అందరి దృష్టి ఆ సినిమాపైనే పడింది. వచ్చే సంక్రాంతికి రిలీజ్​ చేస్తారని జోరుగా ప్రచారం ఊపందుకున్న నేపథ్యంలో అంత తక్కువ గ్యాప్​లో ఎలా షూటింగ్ పూర్తి చేస్తారు, ఎలా రిలీజ్ చేస్తారని తెగ చర్చించుకుంటున్నారు. అయితే ఇప్పుడు ఉస్తాద్​తో పాటు 'ఓజీ' సినిమా గురించి ఇంట్రెస్టింగ్ అప్డేట్ వచ్చింది. ఈ సినిమా రిలీజ్​ డేట్ కూడా ప్రస్తుతం చర్చనీయాంశంగా మారింది.

అదేంటంటే.. ప్రస్తుతం పవన్ ఏపీ ఎలెక్షన్స్​ ప్రచారంలో బిజీగా ఉన్న సంగతి తెలిసిందే. దీంతో ఆయన తన సినిమాలన్నింటినీ ఎన్నికల తర్వాతే పూర్తి చేసి రిలీజ్​ చేయాలని అనుకున్నట్లు మొన్నటివరకు ప్రచారం సాగింది. కానీ ఇప్పుడవన్నీ యూటర్న్ తీసుకుంటున్నాయి. రీసెంట్​ 'బ్రో' చిత్రం రిలీజ్ అయ్యాక ఈ కొత్త అప్డేట్స్​ అన్నీ తెరపైకి వస్తున్నాయి.

నిన్న ఉస్తాద్​ సింగ్​ రిలీజ్​ డేట్​ గురించి సమాచారం బయటకు రాగా ఇప్పుడు సుజీత్​ ఓజీ విడుదల గురించి కూడా బయటకు వచ్చింది. ఇప్పటికే పవన్​ ఓజీ షూటింగ్​ దాదాపు సగం వరకు పూర్తి చేశారని సమాచారం అందింది. దీన్ని ఉస్తాద్​ కన్నా ముందుకు తీసుకొచ్చే ప్రయత్నం చేస్తున్నారట. ఈ చిత్రాన్ని త్వరగా పూర్తి చేసి ముందుగా ప్రచారంలో ఊన్న ఈ ఏడాది డిసెంబర్​ నాటికే పూర్తి చేయాలని ఫిక్స్ అయ్యారట.

అలానే ఇదే సమయంలో ఉస్తాద్​ను కూడా పూర్తి చేసి సంక్రాంతికి విడుదల చేయాలని అనుకుంటున్నారు. అంటే రెండు నెల రోజుల గ్యాప్​లో పవన్ రెండు చిత్రాలు థియేటర్లలో సందడి చేసేందుకు రెడీ అవుతున్నాయని అర్థమవుతోంది. ఇక ఇది తెలుసుకుంటున్న అభిమానులు అసలీ ఇది సాధ్యమవుతుందా అంటూ తెగ మాట్లాడేసుకుంటున్నారు. ఇది సాధ్యమయ్యే పని కాదని చెబుతున్నారు.

ఏదిఏమైనప్పటికీ ప్రస్తుతం పవన్ ఉన్న రాజకీయ బిజీ పరిస్థితిలో ఏ సినిమా ముందు పూర్తి అవుతుందో చెప్పడం కాస్త కష్టమే. ఏ చిత్రానికి ఆయన ప్రిఫరెన్స్ ఇస్తారో, దేన్ని త్వరగా పూర్తి చేస్తారో అనేది ప్రస్తుతం గందరగోళంగా మారింది. చూడాలి మరి ఏం జరుగుతుందో..