తన భ‌ర్త‌పై ముంబైక‌ర్స్ ప్రేమ‌కు పీసీ ఎమోషనల్
ఎమోషనల్ వీడియో అభిమానుల్లో వైర‌ల్ గా మారింది. ప్రియాంక తన పోస్ట్‌లో ''నా హృదయం.. ధన్యవాదములు ముంబై'' అని రాస్తూ గుండె కన్నీటి ఈమోజీలు షేర్ చేసింది.
జనవరి 27న నిక్ జోనాస్ అతడి సోదరులు భారతదేశంలో తమ తొలి సంగీత కచేరీని నిర్వహించారు. ముంబై సంగీత కచేరీకి సంబంధించిన వీడియోలు, ఫోటోలు అప్పటి నుండి సోషల్ మీడియాలో వైరల్‌గా మారాయి. నిక్ ప్రత్యక్ష ప్రదర్శన సమయంలో ప్రేక్షకులు 'జిజు' అని నినాదాలు చేస్తున్న వీడియోపై గ్లోబల్ స్టార్ ప్రియాంక చోప్రా ఇప్పుడు స్పందించారు. ప్రతిస్పందనగా, ఆమె 'ముంబయి'కి కృతజ్ఞతలు కృతజ్ఞతలు తెలియజేసింది. ఎమోషనల్ వీడియో అభిమానుల్లో వైర‌ల్ గా మారింది. ప్రియాంక తన పోస్ట్‌లో ''నా హృదయం.. ధన్యవాదములు ముంబై'' అని రాస్తూ గుండె కన్నీటి ఈమోజీలు షేర్ చేసింది.
నిక్ జోనాస్, అతడి సోదరులు జో- కెవిన్ ల‌తో కలిసి జనవరి 27న ముంబైలో జరిగిన లోల్లపలూజా కచేరీలో వారి హిట్ పాటల మెడ్లీని ప్రదర్శించారు. వారి ప్రదర్శన సమయంలో ప్రేక్షకులు వారిని ఉత్సాహపరిచారు . నిక్‌ని జిజు అంటూ ఆప్యాయంగా పిల‌వ‌డం అందరి కంటా పడింది. నిజానికి ఈ స్పంద‌న చూసిన ప్రియాంక చోప్రా ఉద్వేగం ఏమాత్రం దాగ‌లేదు. నిక్ దానిపై సరదాగా స్పందించిన తర్వాత, ప్రియాంక తన ఇన్‌స్టాగ్రామ్ లో వీడియోను రీపోస్ట్ చేసి తన కృతజ్ఞతలు తెలియజేసింది.
నిక్ తన తమ్ముడు జో జోనాస్ అన్నయ్య కెవిన్‌లను 'బడే పాపా' అంటూ పరిచయం చేశాడు. నిక్ మైక్రోఫోన్‌ను తీసుకున్నప్పుడు కెవిన్ ''జిజు, లేడీస్ అండ్ జెంటిల్‌మెన్'' అని చెప్పి అతనిని పరిచయం చేశాడు. నిక్ బదులిస్తూ, ''నేను మీ అందరినీ చాలా ప్రేమిస్తున్నాను, ధన్యవాదాలు'' అని అన్నారు.
ఓవైపు నిక్ జోనాస్ ముంబైలో తన అభిమానులను అలరించడంలో బిజీగా ఉండగా అతడి భార్య ప్రియాంక చోప్రా (పీసీ) కాలిఫోర్నియాలోని టోపాంగా కాన్యన్ లో విహారయాత్రను ఆస్వాధించింది. పీసీతో పాటు ఆమె పెంపుడు కుక్క, కూతురు మాల్తీ మేరీ కూడా ఉంది.
కెరీర్ మ్యాట‌ర్‌కి వ‌స్తే.. ప్రియాంక చోప్రా తన హాలీవుడ్ ప్రాజెక్ట్‌లతో బిజీగా ఉంది. ఇటీవల అమెరికన్ వెబ్ సిరీస్ 'సిటాడెల్‌'లో తన యాక్షన్ ప్యాక్డ్ పెర్ఫార్మెన్స్‌తో అభిమానుల్లో చ‌ర్చ‌నీయాంశంగా మారింది. తదుపరి అమెరికన్ చిత్రం 'లవ్ ఎగైన్‌'లో పీసీ కనిపించింది. పాపుల‌ర్ స్టార్ సామ్ హ్యూగన్‌తో పీసీ కెమిస్ట్రీ ఇప్ప‌టికే ప్రేక్షకులను ఆకర్షించింది. అలాగే తదుపరి చిత్రం 'హెడ్స్ ఆఫ్ స్టేట్' షూటింగ్‌లోను ప్రియాంక బిజీగా ఉంది. ఈ చిత్రంలో ఇద్రిస్ ఎల్బా , జాన్ సెనాతో కలిసి స్క్రీన్‌ను షేర్ చేస్కుంటోంది. ఇందులో ఒక దేశానికి అధినేత‌గా పీసీ కనిపించనుంది. బాలీవుడ్ చిత్రం జీ లీ జరాలో కూడా కనిపించనుంది. ఫర్హాన్ అక్తర్ దర్శకత్వం లో ఈ చిత్రం 2019 లో ప్రకటించారు. అయితే, ప్రియాంక చోప్రా డేట్ల సమస్య కారణంగా ఈ చిత్రం ఇంకా సెట్స్ పైకి వెళ్ల‌లేదు. ఈ చిత్రం ముగ్గురు అమ్మాయిల మధ్య స్నేహం నేప‌థ్యంలో ఆస‌క్తిక‌ర క‌థాంశంతో తెర‌కెక్క‌నుంది. అలియా భట్, కత్రినా కైఫ్, ప్రియాంక ప్రధాన పాత్రలలో నటించ‌నున్నారు.