పెద కాపు-1 కూడా సిద్ధమే..

శ్రీకాంత్ అడ్డాల చాలా కాలం తర్వాత మరొక డిఫరెంట్ సినిమాతో ప్రేక్షకుల ముందుకు రాబోతున్నాడు. బ్రహ్మోత్సవం డిజాస్టర్ తర్వాత మళ్లీ బౌన్స్ బ్యాక్ అయ్యే విధంగా ప్రయత్నాలు చేస్తున్న శ్రీకాంత్ అడ్డాల నారప్ప సినిమాతో పర్వాలేదు అనిపించాడు. అయితే ఇప్పుడు కొత్త నటీనటులతో ఆయన చేస్తున్న ప్రయోగం ఇండస్ట్రీలో హాట్ టాపిక్ గా మారే అవకాశం ఉన్నట్లుగా తెలుస్తోంది.

విరాట్ కర్ణని హీరోగా పరిచయం చేస్తూ శ్రీకాంత్ తెరపైకి తీసుకురాబోతున్న సినిమా పెద కాపు-1. ఈ సినిమా పై మొదటి నుంచి కూడా ఒక డిఫరెంట్ అంచనాలు అయితే ఉన్నాయి. తప్పకుండా ఈసారి శ్రీకాంత్ విభిన్నమైన కథాంశంతో రానున్నాడు అని టాక్ అయితే వైరల్ అవుతుంది. కానీ సినిమాకు అనుకున్నంత స్థాయిలో అయితే ఇంకా అంచనాలు పెరగలేదు.

కంటెంట్ కరెక్టుగా క్లిక్ అయితేనే బాక్సాఫీస్ వద్దనే అవకాశం అయితే ఉంటుంది. అయితే సరైన డేట్ కోసం చూస్తున్నా పెదకాపు సినిమాకు సలార్ వాయిదా పడడం బాగా కలిసి వచ్చింది. మిగతా చిన్న సినిమాల నుంచి మీడియం రేంజ్ సినిమాల నుంచి పోటీ ఉన్నప్పటికీ కూడా సలార్ వదిలిన టైమ్ ను ఏ మాత్రం వదిలిపెట్టకూడదు అని డిసైడ్ అయ్యింది.

ఇక పెదకాపు సినిమా సెప్టెంబర్ 29 రాబోతున్నట్లు చిత్ర యూనిట్ సభ్యులు అధికారికంగా ఒక పోస్టర్ విడుదల చేశారు. ఆ పోస్టర్లు విరాట్ పదునైన కొడవలితో కనిపించాడు. ఇక ఈ సినిమా పొలిటికల్ నేపథ్యంలో క్యాస్ట్ కు సంబంధించిన పాయింట్స్ ను కూడా టచ్ అయిపోతున్నట్లుగా తెలుస్తోంది. దర్శకుడు ఈ కథను చాలా సెన్సిటివ్ ఎలిమెంట్స్ తో తెరపైకి తీసుకురాబోతున్నట్లు సమాచారం.

ద్వారకా క్రియేషన్స్ పై మిరియాల రవీందర్ రెడ్డి నిర్మిస్తున్న ఈ చిత్రంలో ప్రగతి శ్రీ వాస్తవ హీరోయిన్ గా నటిస్తోంది. ఇక మొత్తానికి పెదకాపు సినిమాకు సెప్టెంబర్ 29 దొరకడంతో ఇక సినిమా ప్రమోషన్స్ హడావిడి కూడా మొదలైంది. మరి సినిమా బాక్స్ ఆఫీస్ వద్ద ఎంతవరకు క్లిక్ అవుతుందో చూడాలి.