ఆర్జీవీ స్టైల్లో శ్రీలీల ముఖ‌మైకం?
తాజాగా ది వైల్డ్ చైల్డ్ పేరుతో శ్రీలీల షేర్ చేసిన స్పెష‌ల్ ఫోటోషూట్ యువ‌త హృద‌యాల‌ను దోచుకుంటోంది.
ఒక్క ఐట‌మ్ పాట‌కే 5 కోట్లు అందుకుంటోందంటూ శ్రీలీల గురించి ప్ర‌చారం సాగుతోంది. ఇందులో నిజానిజాలు ఎలా ఉన్నా అందాల శ్రీలీల డ్యాన్సింగ్ ట్యాలెంట్ కి అది త‌క్కువేన‌నేది అభిమానుల అభిప్రాయం. పుష్ప 2లో 'కిస్సిక్..' పాట‌లో శ్రీలీల మైమ‌రిపించే స్టెప్పుల‌ను హావ‌భావాల‌ను వీక్షించాల‌ని ఫ్యాన్స్ ఆస‌క్తిగా వేచి చూస్తున్నారు.
ఇలాంటి స‌మ‌యంలో శ్రీలీల త‌గ్గేదేలే అంటూ సోష‌ల్ మీడియాల్లోను మ‌రింత చెల‌రేగిపోతోంది. తాజాగా ది వైల్డ్ చైల్డ్ పేరుతో శ్రీలీల షేర్ చేసిన స్పెష‌ల్ ఫోటోషూట్ యువ‌త హృద‌యాల‌ను దోచుకుంటోంది. ఇది పూర్తిగా శ్రీలీల ఫేసియ‌ల్ ఎక్స్ ప్రెష‌న్స్ కి సంబంధించ‌న ఫోటోషూట్. ఇందులో శ్రీలీల అంద‌మైన క‌ళ్లు.. ముక్కు.. చిక్ ఎలివేష‌న్ హైలైట్ అయింది.
అందంగా న‌వ్వాలి.. హ‌ద్దులు చెరిపేయాలి.. వాలుగా చూడాలి.. క‌వ్వింత‌గా క‌నుసైగ చేయాలి..ఇలా విభిన్న‌మైన ఎక్స్ ప్రెష‌న్స్ తో శ్రీలీల విరుచుకుప‌డిన తీరు సంథింగ్ స్పెష‌ల్ అని అభిమానులు ప్ర‌శంసిస్తున్నారు. ప్ర‌స్తుతం ఈ అంద‌మైన ఫోటోషూట్ అంత‌ర్జాలంలో వైర‌ల్ గా మారుతోంది. శ్రీలీల హావ‌భావాలు.. ఆర్జీవీ ముఖ‌మైకాన్ని త‌ల‌పిస్తోంద‌ని నెటిజ‌నులు కామెంట్ చేస్తున్నారు.
కిస్సిక్ అంటూ క‌వ్విస్తుంది:
'పుష్ప' చిత్రంలో 'ఊ అంటావా...' ఒక ఊపు ఊపేసింది. ఈ పాట‌తో స‌మంత పేరు పాన్ ఇండియాలో మార్మోగిపోయింది. స‌మంత కెరీర్ అంతా ఒకెత్తు అనుకుంటే 'ఊ అంటావా...' మ‌రొక ఎత్తు. అందుకే ఇప్పుడు శ్రీ‌లీల‌కు అలాంటి ఛాన్సొచ్చింది. పుష్ప 2 లో కిస్సిక్ సాంగ్ ఏ రేంజులో ఊపేస్తుందోన‌న్న ఊహ‌ల్లో అభిమానులు కొట్టుమిట్టాడుతున్నారు. స‌మంత‌ను మించి ఎన‌ర్జిటిక్ డ్యాన్సుల‌తో మెప్పించిన ట్రాక్ రికార్డ్ శ్రీలీల సొంతం. అందుకే ఇప్పుడు కిస్సిక్ సాంగ్ స్పెషాలిటిపై ఎవ‌రికి వారు ఊహాగాన‌ల్లో తేల్తున్నారు.