ప్రభాస్ మారుతి మూవీ.. మొదలు పెడుతున్నారు..!

రెబల్ స్టార్ ప్రభాస్ వరుస భారీ సినిమాలతో పాటుగా మారుతి లాంటి డైరెక్టర్ తో ఒక మీడియం రేంజ్ బడ్జెట్ సినిమా ప్లాన్ చేశాడు. ఓ పక్క సలార్, మరోపక్క కల్కి ఈ రెండు సినిమాలు చేస్తూనే మధ్యలో మారుతి సినిమా షూటింగ్ లో కూడా పాల్గొంటున్నాడు. సలార్ ఆల్రెడీ పూర్తి కాగా ఈ నెల 28న గ్రాండ్ గా రిలీజ్ అవుతుంది. ఇక మరోపక్క కల్కి సినిమా నెక్స్ట్ సమ్మర్ కి రిలీజ్ ఫిక్స్ చేశారు. మారుతి సినిమా సగానికి పైగా పూర్తైనట్టు తెలుస్తుంది. ఈ సినిమాకు సంబంధించిన లేటెస్ట్ షెడ్యూల్ ఈరోజు మొదలవుతుంది.

ముందు యువి క్రియేషన్స్ నిర్మించాలని అనుకున్న ఈ ప్రాజెక్ట్ కాస్త పీపుల్ మీడియా ఫ్యాక్టరీ చేతుల్లోకి వెళ్లింది. ప్రభాస్ కోసం ఒక మంచి థ్రిల్లర్ కథ రెడీ చేశాడట మారుతి. రాజా డీలక్స్, రాయల్ టైటిల్స్ పరిశీలనలో ఉన్న ఈ సినిమా నేటి నుంచి మరో షెడ్యూల్ షూటింగ్ జరుపుకుంటుందని తెలుస్తుంది. ఈ షెడ్యూల్ లో సినిమా మెయిన్ కాస్ట్ మొత్తం పాల్గొంటారని తెలుస్తుంది. ప్రభాస్ సరసన మాళవిక మోహనన్ హీరోయిన్ గా నటిస్తున్న ఈ సినిమాకు థమన్ మ్యూజిక్ అందిస్తున్నారు.

ఈ నెల చివరన సలార్ 1 తో ప్రేక్షకుల ముందుకు రాబోతున్న ప్రభాస్ నెక్స్ట్ సమ్మర్ లో కల్కిని తెస్తున్నాడు. మారుతి సినిమా 2024 ఎండింగ్ లో రిలీజ్ చేయాలని చూస్తున్నారట. సినిమా ఇప్పటివరకు జరిగిన షూటింగ్ పార్ట్ అంతా కూడా చాలా బాగా వచ్చినట్టు తెలుస్తుంది. వెంకటేష్ మినహా యువ హీరోలతోనే సినిమాలు చేస్తూ వచ్చిన మారుతి ప్రభాస్ లాంటి స్టార్ హీరోతో సినిమా చేయడం క్రేజీ థింగ్ అని చెప్పొచ్చు. ఎంచుకున్న కథని తెరమీదకు తీసుకు రావడంలో మారుతి ఎప్పుడూ ఫెయిల్ అవలేదు. అందుకే ఈ మూవీ మీద కూడా అంచనాలు భారీగా ఉన్నాయి.

మారుతితో ప్రభాస్ సినిమా అని తెలియగానే మొదట్లో ఫ్యాన్స్ కాస్త అసంతృప్తి వ్యక్తం చేసినా సినిమా నుంచి లీకైన ఫోటోలతో ఫ్యాన్స్ శాటిస్ఫై అయ్యారు. మరి ప్రభాస్ ఇచ్చిన అవకాశాన్ని మారుతి ఎలా నిలబెట్టుకుంటాడు అన్నది చూడాలి. ఈ సినిమాతో టాలీవుడ్ కి గ్రాండ్ ఎంట్రీ ఇస్తుంది మలయాళ భామ మాళవిక మోహనన్. ప్రభాస్ సినిమా తర్వాత అమ్మడికి వరుస ఆఫర్లు రావడం ఖాయమని చెప్పొచ్చు. ప్రభాస్ సినిమాతో మారుతి కూడా నెక్స్ట్ లెవెల్ కి వెళ్లాలని అనుకుంటున్నాడు. మరి ఈ సినిమా రేంజ్ ఎంత అన్నది రిలీజ్ అయ్యాక తెలుస్తుంది.