హనుమాన్ డైరెక్టర్ కి అతని సెంటిమెంట్..?

టాలీవుడ్ టాలెంటెడ్ డైరెక్టర్స్ లో ఒకరిగా సత్తా చాటుతున్నాడు ప్రశాంత్ వర్మ. తన లేటెస్ట్ మూవీ హనుమాన్ తో ఇండస్ట్రీని సైతం సర్ ప్రైజ్ చేస్తున్నాడు. తేజా సజ్జా లీడ్ రోల్ లో హనుమాన్ అంటూ ప్రశాంత్ వర్మ చేసిన ఈ ప్రయత్నం భారీ రెస్పాన్స్ ను తెచ్చుకునేలా ఉంది. సినిమా ట్రైలర్ చూసే సంథింగ్ స్పెషల్ అనుకున్నారు. విజువల్ ఎఫెక్ట్స్ విషయంలో ప్రశాంత్ వర్మకి ఉన్న క్లారిటీ సర్ ప్రైజ్ చేస్తుంది. ఫస్ట్ ఇండియన్ సూపర్ హీరో మూవీగా హనుమాన్ ని నెక్స్ట్ లెవెల్ లో తెరకెక్కించాడు ప్రశాంత్ వర్మ.

సినిమా ఫలితం ఎలా ఉంటుంది అన్నది మరో నాలుగు రోజుల్లో తెలుస్తుంది. అయితే ప్రతి డైరెక్టర్ కి తను చేసే సినిమాల్లో కొన్ని సెంటిమెంట్లు ఫాలో అవుతుంటాడు. ప్రశాంత్ వర్మకి కూడా అలాంటి సెంటిమెంట్లు ఉన్నాయని తెలుస్తుంది. అతను చేసిన జాంబీ రెడ్డి సినిమాలో గెటప్ శ్రీను నటించాడు. ఆ సినిమాలో అతని పాత్రకు మంచి రెస్పాన్స్ వచ్చింది. ఆ సినిమా ద్వారా గెటప్ శ్రీనుకి మంచి అవకాశాలు వచ్చాయి.

అదే సెంటిమెంట్ తో హనుమాన్ సినిమాలో కూడా గెటప్ శ్రీను నటించాడు. సినిమాలో అతనికి కూడా మంచి పాత్ర పడిందని తెలుస్తుంది. హనుమాన్ సినిమా హిట్ పడితే ప్రశాంత్ వర్మ గెటప్ శ్రీను కాంబినేషన్ కూడా హిట్ సెంటిమెంట్ అని ఫిక్స్ అవ్వొచ్చు. కథ కథనాల్లో ప్రశాంత్ వర్మ ప్రతిభ అ! నుంచి జాంబీ రెడ్డి వరకు చూపించాడు. ఇప్పుడు హనుమాన్ సినిమాతో కూడా తన టాలెంట్ ని చూపించాలని చూస్తున్నాడు ప్రశాంత్ వర్మ.

హనుమాన్ సినిమా మొన్నటిదాకా ఒక లెక్క అయితే ప్రీ రిలీజ్ ఈవెంట్ కి హనుమాన్ ప్రియ భక్తుడు మెగాస్టార్ చిరంజీవి రావడం వల్ల సినిమాపై విపరీతమైన బజ్ పెరిగింది. సంక్రాంతి కానుకగా జనవరి 12న వస్తున్న మహేష్ గుంటూరు కారంతో పాటుగా హనుమాన్ కూడా వస్తుంది. స్టార్ సినిమా వర్సెస్ కంటెంట్ మూవీగా ఈ రెండు సినిమాల మధ్య ఆసక్తికరమైన ఫైట్ జరుగనుంది. ప్రచార చిత్రాలన్నీ హనుమాన్ సినిమా మీద అంచనాలు పెంచుతూ వెళ్తున్నాయి తప్ప తగ్గడం లేదు. ప్రశాంత్ వర్మ ఈ సినిమాతో సత్తా చాటితే మాత్రం అతని సినిమాటిక్ యూనివర్సిటీ గురించి ఇండస్ట్రీ మొత్తం చెప్పుకునేలా క్రేజ్ తెచ్చుకుంటాడని చెప్పొచ్చు.