ప్రతినిధి 2.. వచ్చేది ఎప్పుడంటే..

యంగ్ హీరో నారా రోహిత్ యాక్టర్ గా తనకంటూ ఒక ఇమేజ్ క్రియేట్ చేసుకున్నాడు. రెగ్యులర్ కమర్షియల్ కథలతో మూవీస్ చేయకుండా కంటెంట్ బేస్డ్ స్టోరీస్ ను సెలెక్ట్ చేసుకోవడంలో అతని రూటే సపరేటు. తన మొదటి చిత్రం బాణం నుంచి ప్రస్తుతం రిలీజ్ కి సిద్ధం అవుతోన్న ప్రతినిధి 2 వరకు ప్రతి కథలో సామాజిక అసమానత్వాన్ని టచ్ చేస్తూ సోషల్ ఎలిమెంట్స్ తో మూవీస్ చేస్తూ వస్తున్నాడు.

అందుకే అతని కెరియర్ లో సక్సెస్ రేట్ తక్కువగా ఉన్న కూడా సినిమాలని ఆదరించే ప్రేక్షకులు కూడా ఉన్నారు. తనకంటూ ఇండస్ట్రీలో మంచి గుర్తింపు అందుకున్నాడు. నారా రోహిత్ కెరియర్ లో వచ్చిన ప్రతినిధి మూవీ 2014లో రిలీజ్ అయ్యి హిట్ టాక్ సొంతం చేసుకుంది. అందులో చిల్లర డబ్బుల్లో కూడా దోపిడీ ఎలా జరుగుతుంది అనేది చూపించి ఎవ్వరికి తెలియని కొత్త పాయింట్ ని హైలైట్ చేశాడు.

నారా రోహిత్ కెరియర్ లో బెస్ట్ మూవీస్ లో ప్రతినిధి కూడా ఒకటని చెప్పొచ్చు. మళ్ళీ పదేళ్ల తర్వాత ప్రతినిధి 2 టైటిల్ తో నారా రోహిత్ మరో సినిమాతో ప్రేక్షకుల ముందుకి వస్తున్నాడు. అయితే కేవలం టైటిల్ మాత్రమే తీసుకుని కంప్లీట్ గా కొత్త కథతో ఈ మూవీని నారా రోహిత్ చేయడం విశేషం. సీనియర్ జర్నలిస్ట్, న్యూస్ యాంకర్ మూర్తి ఈ సినిమాతో దర్శకుడిగా పరిచయం అవుతున్నారు.

ఇప్పటికే ఈ సినిమా టీజర్ ప్రేక్షకుల ముందుకొచ్చి ఆకట్టుకుంది. ప్రస్తుతం రాజకీయాలలో, పాలనలో అవినీతిని ప్రశ్నించే ఒక జర్నలిస్ట్ పాత్రలో నారా రోహిత్ ఈ చిత్రంలో నటిస్తున్నాడు. తన నుంచి ప్రేక్షకులు కోరుకునే ఎలిమెంట్స్ ఈ చిత్రంలో కూడా ఉంటాయంట. ఇదిలా ఉంటే ఈ సినిమా రిలీజ్ డేట్ ని తాజాగా ఎనౌన్స్ చేశారు. ఏప్రిల్ 25న ప్రతినిధి 2 మూవీ గ్రాండ్ గా రిలీజ్ కాబోతుందని ప్రకటించారు.

ప్రతినిధి 2 సినిమా కాస్తా పొలిటికల్ టచ్ తో ఉన్న చిత్రంగానే రాబోతోంది. ఎన్నికల వేళ ఈ సినిమాని చిత్ర యూనిట్ రిలీజ్ చేయడానికి సిద్ధమైంది. ఈ మధ్యకాలంలో ఏపీ రాజకీయాల నేపథ్యంలో రియల్ లైఫ్ సంఘటనల స్ఫూర్తితో చాలా చిత్రాలు వచ్చాయి. ప్రతినిధి 2 చిత్రాన్ని రియల్ లైఫ్ సంఘటనల స్ఫూర్తితో చేసినప్పటికి ఫిక్షనల్ స్టోరీగానే ఉండబోతోందని టాక్ వినిపిస్తోంది. మరి ఏపీ రాజకీయాలలో ప్రతినిధి 2 ఎలాంటి ప్రభావం చూపిస్తుందనేది చూడాలి.