ఫన్ + ఎమోషన్‌.. ప్రేమ విమానం ట్రైలర్ చూశారా?
ఈ నేపథ్యంలో తాజాగా ట్రైలర్ను రిలీజ్ చేశారు మేకర్స్. ఈ ప్రచార చిత్రం చూస్తుంటే.. రీసెంట్గా రిలీజైన ఎమోషనల్ డ్రామా సముద్రఖని విమానం సినిమా కాస్త గుర్తుకొస్తోంది.
సంగీత్ శోభన్‌, శాన్వీ మేఘన జంటగా నటించిన చిత్రం ప్రేమ విమానం. అనసూయ, దేవాన్ష్‌ నామా, వెన్నెల కిశోర్‌, అనిరుధ్‌ నామా ఇతర కీలక పాత్రల్లో నటించారు. సంతోశ్‌ కటా దర్శకత్వం వహించిన ఈ చిత్రం అక్టోబరు 13 నుంచి ఓటీటీ వేదిక జీ 5లో స్ట్రీమింగ్ కానుంది.
ఈ నేపథ్యంలో తాజాగా ట్రైలర్ను రిలీజ్ చేశారు మేకర్స్. ఈ ప్రచార చిత్రం చూస్తుంటే.. రీసెంట్గా రిలీజైన ఎమోషనల్ డ్రామా సముద్రఖని విమానం సినిమా కాస్త గుర్తుకొస్తోంది. విమానం ఎక్కాలని కలలు కన్నా ఇద్దరు పిల్లలు ఏం చేశారు, అలాగే న్యూ ఏజ్‌ లవ్‌ స్టోరీ.. ఈ సినిమా కథగా తెలుస్తోంది.
ఈ ప్రచార చిత్రంలో అనసూయ, రవివర్మకు ఇద్దరు పిల్లలు ఉంటారు. కూలీ చేస్తే తప్ప వారికి కడుపు నిండే పరిస్థితి ఉండదు. మరోవైపు పెద్దింటి అమ్మాయైన సాన్వీని.. సంగీత్ ప్రేమిస్తాడు. అయితే సంగీత్ తండ్రి అతడిని దుబాయ్ పంపించాలని అనుకుంటాడు. ఇలా రెండు కథలను కనెక్ట్ చేస్తూ ఈ సినిమా సాగనుందని ట్రైలర్ చూస్తుంటే అర్థమవుతోంది.
ఇంకా ఈ ప్రచార చిత్రంలో విమానం ఎక్కడానికి ఆ ఇద్దరు పిల్లలు.. కొంత డబ్బు కూడబెట్టుకొని నగరానికి రావడం, అక్కడ వారికి ఎదురైన పరిస్థితిలు ఏంటి?.. సంగీత్.. సాన్వీ కోసం ఏం చేశాడు? అసలు మూడు రోజుల గడువు సస్పెన్స్ ఏంటి? ఫైనల్గా వీరందరు తాము అనుకున్నది ఆ మూడు రోజుల్లో చేయగలిగారా? అనేది తెలుసుకోవాలంటే సినిమా రిలీజ్ అయ్యే వరకు వేచి ఉండాల్సిందే.
మొత్తంగా ఈ ప్రచారం చిత్రం ఫన్ అండ్ ఎమోషనల్ డ్రామాగా రూపొందిందని అర్థమైంది. సముద్రఖని విమానం సినిమాలో తండ్రి ప్రేమను హైలైట్గా చేయగా.. ఇందులో రెండు కథలను జోడించి ఎమోషనల్గా చూపించారు. చూడాలి మరి ఈ ప్రేమ విమానం ప్రేక్షకులను ఎంత వరకు మెప్పిస్తుందో...
కాగా, ఈ సినిమాను అభిషేక్‌ పిక్చర్స్‌, జీ5 సంయుక్తంగా నిర్మించాయి. ఇప్ప‌టికే రిలీజైన ఈ సినిమా ఫ‌స్ట్ లుక్‌, ఇతర ప్రచార చిత్రాలు కూడా ఆకట్టుకున్నాయి. అనూప్‌రూబెన్స్‌ సంగీతం అందిస్తున్నారు. జగదీష్‌ చీకటి కెమెరామెన్‌.