ఈ అమ్మాయి అలాంటి రోల్ చేస్తుందా..?

కోలీవుడ్ డైరెక్టర్ అరుణ్ మత్తేశ్వరన్ డైరెక్షన్ లో స్టార్ హీరో ధనుష్ లీడ్ రోల్ లో తెరకెక్కుతున్న సినిమా కెప్టెన్ మిల్లర్. పీరియడికల్ డ్రామాగా రాబోతున్న ఈ సినిమా నుంచి వచ్చిన టీజర్ ప్రాజెక్ట్ మీద అంచనాలు పెంచేసింది. తన ప్రతి సినిమాతో ఫ్యాన్స్ అండ్ ఆడియన్స్ ని సర్ ప్రైజ్ చేస్తున్న ధనుష్ ఈ సినిమాతో కూడా భారీ టార్గెట్ పెట్టుకున్నాడని చెప్పొచ్చు. ముఖ్యంగా కెప్టెన్ మిల్లర్ టీజర్ తోనే సినిమా రేంజ్ ఏంటన్నది చూపించారు మేకర్స్. ఇక సినిమా నిర్మాణం విషయంలో కూడా ఏమాత్రం కాంప్రమైజ్ అవ్వట్లేదని తెలుస్తుంది.

ధనుష్ కెప్టెన్ మిల్లర్ సినిమాలో ప్రియాంక అరుల్ మోహన్ హీరోయిన్ గా నటిస్తుంది. సినిమాలో ఆమె డీ గ్లామర్ రోల్ లో కనిపిస్తుంది. లేటెస్ట్ గా సినిమాకు సంబందించిన తన పోర్షన్ ని పూర్తి చేసుకుంది ప్రియాంక. అందుకే సినిమా షూటింగ్ టైమ్ లో ఉన్న తన ఫోటోని సోషల్ మీడియాలో షేర్ చేసింది. అందులో ప్రియాంక చేతిలో తుపాకీతో పక్కన ఉన్న అతనికి గురి పెట్టింది. ఆ ఫోటో చూసి కెప్టెన్ మిల్లర్ లో ప్రియాంక ఇలా కనిపించునుందా అని షాక్ అవుతున్నారు.

తెలుగులో ఆల్రెడీ నాని గ్యాంగ్ లీడర్, శ్రీకారం సినిమాల్లో నటించిన ప్రియాంక మోహన్ పవర్ స్టార్ పవన్ కళ్యాణ్ నటిస్తున్న OG సినిమాలో ఫీమేల్ లీడ్ గా చేస్తుంది. పవన్ సినిమాలో ఛాన్స్ అమ్మడిని టాలీవుడ్ లో హాట్ టాపిక్ అయ్యేలా చేసింది. ఒక పక్క పవన్ OG లో నటిస్తున్న ప్రియాంక మరోపక్క ధనుష్ కెప్టెన్ మిల్లర్ లో ఇలాంటి లుక్ తో కనిపించడం సర్ ప్రైజ్ చేస్తుంది. ఇంత అందమైన హీరోయిన్ అలాంటి రోల్ చేస్తుందా అంటూ ప్రియాంక ఫోటోకి కామెంట్స్ చేస్తున్నారు.

ధనుష్ కెప్టెన్ మిల్లర్ డిసెంబర్ లో రిలీజ్ ఫిక్స్ చేశారు. OG కూడా 2024 సంక్రాంతి రేసులో ఉంటుందని టాక్. సో రాబోతున్న రెండు సినిమాలతో పాన్ ఇండియా రేంజ్ లో తన టాలెంట్ చూపించబోతుంది ప్రియాంక. తెలుగులో చేసిన రెండు సినిమాలకే ఇక్కడ ఫ్యాన్స్ ని ఏర్పరచుకున్న ప్రియాంక ఒకేసారి పవన్ ధనుష్ లాంటి స్టార్ సినిమాలతో స్టార్ క్రేజ్ దక్కించుకోవాలని చూస్తుంది. తప్పకుండా ప్రియాంక కెరీర్ ఈ రెండు సినిమాల తర్వాత దూకుడు మీద ఉంటుందని చెప్పొచ్చు.