హాలీవుడ్‌లో ఆ ద‌శ‌ జీవితంలో చీక‌టి కాలం: పీసీ

బాలీవుడ్‌లో అగ్ర‌క‌థానాయిక‌గా స్థిరపడిన తర్వాత ప్రియాంక చోప్రా హాలీవుడ్‌కు వెళ్లి అక్కడ తనదైన ముద్ర వేయాలని నిర్ణయించుకుంది. అయితే విజయాల బాట పట్టడం అంత సులభం కాదు. తాజాగా ఓ ఇంటర్వ్యూలో పీసీ ఇదే విషయాన్ని వెల్లడించింది. `రీడ్ ది రూమ్` అనే ఇటీవలి పాడ్‌కాస్ట్‌లో ప్రియాంక చోప్రా మాట్లాడుతూ, హాలీవుడ్‌లో తిరస్కరణలు వినయపూర్వకమైన అనుభవంగా మారాయ‌ని.. ఇది మ‌న‌ల్ని మ‌రింత‌ నిరాడంబరులుగా మారుస్తుందని అన్నారు. నేను తిర‌స్క‌ర‌ణ‌ల‌కు కలత చెందను.. లేదా అది మూసి ఉన్న తలుపు అని నేను చెప్పబోవడం లేదు.. నేను మరేదైనా తెలుసుకోబోతున్నాను.. నేను తల దించుకుని నా పని చేసాను... అని తెలిపారు. ``నేను ప్రముఖ మహిళను.. బ్లా బ్లా... అనే గర్వాన్ని నేను నెత్తికెత్తుకోలేదు`` అని కూడా అన్నారు.

హాలీవుడ్‌లో ప్రారంభ దశను జీవితపు చీకటి కాలంగా పేర్కొంది. ``ఇది నాకు తెలియని పరిశ్రమ.. ఇక్క‌డివారు ఎవ‌రూ నాకు తెలియదు. నాకు 2 ఏఎం కాల్ చేసే స్నేహితులు లేరు. హాలీవుడ్ లో అది చాలా ముఖ్యం. నేను ఇక్క‌డ‌ ఒంటరిగా ఉన్నాను.. అది చాలా భయానకంగా ఉంది. నేను న్యూయార్క్ నగరంలో ఉన్నాను.. ఏది ఏమైనప్పటికీ, ఇది చాలా భయంకరమైన నగరం. ఇది నా జీవితంలో చీకటి కాలం`` అని అన్నారు.

నేను చాలా ప్రతిష్ట ఉన్న‌ మహిళను. నేను చాలా త్వరగా పరిగెత్తుతాను. ప్రతిదీ పరిష్కార‌మ‌వ్వాలని కోరుకుంటాను. నేను పరిష్కార-ఆధారితంగా ఉన్నాను. అయితే కొన్ని సందర్భాలు ఉన్నాయి. ఎటువంటి నివారణలు లేవు.. మీరు పరిస్థితిని అంగీకరించాలి... అది నాకు పోరాడటానికి బదులు ముందుకు సాగ‌డానికి వీలు కల్పించింది.. అని అన్నారు.

ప్రియాంక చోప్రా `బేవాచ్` షోతో హాలీవుడ్ అరంగేట్రం చేసింది. రస్సో బ్రదర్స్ సిరీస్ సిటాడెల్‌లో తన యాక్షన్-ప్యాక్డ్ అవతార్‌తో అందరినీ ఆకట్టుకుంది. చివరిగా హాలీవుడ్ రొమాంటిక్-కామెడీ `లవ్ ఎగైన్‌`లో కనిపించింది. తదుపరి జాన్ సెనా- ఇద్రిస్ ఎల్బా నటించిన హెడ్స్ ఆఫ్ స్టేట్‌లో కనిపించనుంది.