ప్రాజెక్ట్ K - 'రైడర్స్' కంట్రోల్లో కామిక్ కాన్ ఈవెంట్
సోషల్మీడియా అంతా ఎక్కడ చూసినా ప్రాజెక్ట్ కె
ఇప్పుడు సోషల్మీడియా అంతా ఎక్కడ చూసినా 'ప్రాజెక్ట్ కె' సందడి వాతావరణ కనిపిస్తోంది. అందరూ దీని గురించే మాట్లాడుకుంటున్నారు. సినిమాతో పాటు ప్రభాస్కు సంబంధించిన పోస్టర్లతో సోషల్మీడియాను షేక్ చేస్తున్నారు. అయితే తాజాగా ఈ చిత్ర టైటిల్ గ్లింప్స్ లాంఛ్ కోసం ప్రాజెక్ట్ కె టీమ్.. అమెరికాలోని ప్రఖ్యాత శాన్ డీగో కామిక్ కాన్ ఈవెంట్కు వెళ్లిన సంగతి తెలిసిందే. మరి కొన్ని గంటల్లో ఈ టైటిల్ గ్లింప్స్ను రిలీజ్ చేయనున్నారు. దీంతో అమెరికాలో కామిక్ కాన్ ఈవెంట్ సందడి మొదలైపోయింది. కామిక్ కాన్ ఈవెంట్లో ప్రాజెక్ట్ కె సినిమా ప్రమోషన్స్ జోరుగా కొనసాగుతున్నాయి.
అయితే ఇక్కడ విశేషమేమిటంటే.. గతంలో 'రైడర్స్' అంటూ ఓ స్పెషల్ వీడియోను రిలీజ్ చేసింది ప్రాజెక్ట్ కె టీమ్. ఈ చిత్రంలో ఈ రైడెర్సే విలన్స్ అప్పట్లో ప్రచరాం సాగింది. ఒళ్ళంతా బ్లాక్ సూట్స్తో.. ముఖాన్ని కూడా కవర్ చేసుకొని హాలీవుడ్ స్టైల్లో ఉన్నారు. అయితే తాజాగా నేడు జులై 20 ఉదయం అమెరికాలోని కామిక్ కాన్ ఈవెంట్లో రైడర్స్ కనిపించారు.
ఈ రైడర్స్ అంతా.. తమ మార్క్ గెటవ్.. బ్లాక్ సూట్ వేసుకుని... కామిక్ కాన్ ఈవెంట్లో సినిమాను ప్రమోట్ చేస్తున్నారు. Now Begins The End అంటూ బ్యానర్స్ పట్టుకొని ఈవెంట్ దగ్గర హడావిడి చేస్తున్నారు.
ఆ ఈవెంట్కు వచ్చే ఆడియెన్స్తో సరదాగా ఫొటోలు దిగుతున్నారు. అలాగే అక్కడి ఈవెంట్ను తమ కంట్రోల్లోకి తీసుకున్నట్లు సరదాగా డ్రామా కూడా క్రియేట్ చేస్తున్నట్లు అనిపిస్తోంది.
ఇకపోతే పాన్ ఇండియా స్టార్ ప్రభాస్ హీరోగా భారీ స్థాయిలో తెరకెక్కుతున్న సైన్స్ ఫిక్షన్ చిత్రమే 'ప్రాజెక్ట్ కె'. వైజయంతి మూవీస్ బ్యానర్ పై దాదాపు రూ.500 కోట్ల భారీ బడ్జెట్తో ఈ సినిమాను రూపొందిస్తున్నారు. మహా నాగ్ అశ్విన్ దర్శకత్వంలో ఇది రూపొందుతోంది. బాలీవుడ్ బిగ్ బీ అమితాబ్ బచ్చన్, హాట్ బ్యూటీలు దీపికా పదుకొణె, దిశా పఠాని, యూనివర్స్ స్టార్ కమల్ హాసన్.. ఇలా పలువురు స్టార్ క్యాస్ట్ నటించడంతో సినిమాపై మరింత అంచనాలు పెరిగిపోయాయి.
ఇప్పటికే వరుసగా రెండు రోజుల నుంచి సర్ప్రైజ్లు ఇస్తోంది మూవీటీమ్. మొన్న దీపికా పదుకొణె ఫస్ట్ లుక్ను హాలీవుడ్ స్టైల్లో విడుదల చేసింది. ఆ తర్వాత జులై 19న ప్రభాస్కు సంబంధించిన ఫస్ట్ లుక్ను విడుదల చేసింది. ఇందులో ప్రభాస్ మార్వెల్ హీరోలా కనిపించారు. దీంతో అభిమానులు తెగ సంబరపడిపోతున్నారు. మరి కాసేపట్లో విడుదల కానున్న టైటిల్ గ్లింప్స్ కోసం ఎంతో ఆసక్తిగా ఎదురుచూస్తున్నారు.