పుష్ప-2పై కన్నేసిన నాని, చైతూ.. ఏం జరుగుతుందో?

టాలీవుడ్ మోస్ట్ అవైటెడ్ పాన్ ఇండియా సినిమాల్లో పుష్ప: ది రూల్ ఒకటి. క్రియేటివ్ డైరెక్టర్ సుకుమార్ రూపొందిస్తున్న ఈ మూవీపై భారీ అంచనాలు ఉన్నాయి. పుష్ప పార్ట్ 1 వచ్చి రెండున్నర ఏళ్లు అవుతుంది. ఇంకా సీక్వెల్ ను రిలీజ్ చేయకపోవడం పై ఫ్యాన్స్ కాస్త అసహనంతో ఉన్నారు. దానికి తోడు అప్డేట్స్ కూడా పెద్దగా రావడం లేదు. గతంలో ఎప్పుడో ఫస్ట్ గ్లింప్స్ రిలీజ్ చేసి దర్శకుడు సుకుమార్ ఫ్యాన్స్ ను ఫుల్ ఖుషీ చేశారు.

గ్లింప్స్ వీడియోతోనే ఈ సినిమాపై మూవీ లవర్స్ లో క్యూరియాసిటీ పెంచేశారు. ఆ హడావుడి చూసి 2023లోనే పుష్ప-2 థియేటర్లలోకి వస్తుందని అంతా అనుకున్నారు. తీరా చూస్తే 2024 ఆగస్టు 15వ తేదీన విడుదల చేస్తున్నట్లు మేకర్స్ ప్రకటించారు. దీంతో మూవీ లవర్స్ పుష్ప 2 కోసం ఎంతో ఆసక్తిగా ఎదురు చూస్తున్నారు. ఇటీవలే ఈ సినిమాకు మూడో పార్ట్ కూడా ఉంటుందని సినీ వర్గాల్లో పెద్ద ఎత్తున ప్రచారం సాగుతోంది. దీనిపై ఇప్పటి వరకు మేకర్స్ స్పందించకపోవడం గమనార్హం.

పుష్ప-3 : రోర్ పేరుతో మూడో పార్ట్ రానుందంటూ తెగ వైరలవుతున్నాయి వార్తలు. అయితే బన్నీ ఫ్యాన్స్ మాత్రం.. పుష్ప-3 కోసం తమకు ఎలాంటి అప్డేట్ వద్దని, చెప్పిన తేదీకి సెకండ్ పార్ట్ రిలీజ్ చేయాలని కోరుతున్నారు. ఈ మూవీ షూటింగ్ ఇంకా చాలా పెండింగ్ ఉందని, రిలీజ్ వాయిదా పడుతుందని గతంలో వార్తలు వచ్చాయి. వాటిని చిత్రయూనిట్ ఖండించినా.. నెట్టింట ఇంకా అదే రూమర్ స్ప్రెడ్ అవుతోంది. ఇక డైరెక్ట్ గా సినిమాను రిలీజ్ చేసే మేకర్స్.. వాటికి చెక్ పెట్టాలి మరి.

అయితే పుష్ప-2 ఒకవేళ వాయిదా పడితే.. ఆ రిలీజ్ డేట్ పై ఇప్పుడు ఇద్దరు టాలీవుడ్ స్టార్ల సినిమాల మేకర్స్ కన్నేశారు. పుష్ప పోస్ట్ పోన్ అయితే నేచురల్ స్టార్ నాని నటిస్తున్న సరిపోదా శనివారంతోపాటు యువ సామ్రాట్ అక్కినేని నాగచైతన్య తండేల్ మూవీలను ఆయా మేకర్స్ ఆగస్టు 15న రిలీజ్ చేయాలని యోచిస్తున్నట్లు టాక్ వినిపిస్తోంది. ప్రస్తుతం ఈ రెండు చిత్రాల షూటింగ్.. శరవేగంగా జరుగుతోంది. ఇటీవలే తండేల్ మేజర్ షెడ్యూల్ పూర్తైనట్లు ప్రకటించిన విషయం తెలిసిందే.

వివేక్ ఆత్రేయ దర్శకత్వంలో నాని సరిపోదా శనివారం మూవీ తెరకెక్కుతోంది. ఈ సినిమాలో ప్రియాంక ఆరుల్ మోహన్, ఎస్ జే సూర్య తదితరులు నటిస్తున్నారు. మరోవైపు, చందూ మొండేటి డైరెక్షన్ లో నాగ చైతన్య తండేల్ రూపుదిద్దుకుంటోంది. ఉత్తరాంధ్రకు చెందిన మత్స్యకారుల నిజజీవిత కథల ఆధారంగా ఈ సినిమా తెరకెక్కిస్తున్నట్లు సమాచారం. అయితే పుష్ప మేకర్స్ ఆగస్టు 15వ తేదీని అస్సలు మిస్ చేసుకోవాలని అనుకోవడం లేదట. మరేం జరుగుతుందో వెయిట్ అండ్ సీ.