సూపర్‌ స్టార్ సింప్లిసిటీ పిక్స్ వైరల్‌

కోలీవుడ్ సూపర్ స్టార్‌ రజినీకాంత్ సింప్లిసిటీ గురించి గతం లో పలు సార్లు మాట్లాడుకున్నాం. ఆయన ఏడాదికి వందల కోట్ల ఆదాయం కలిగి ఉన్నా కూడా చాలా సాధారణ జీవితాన్ని గడిపేందుకు ఆసక్తి చూపిస్తూ ఉంటారు అంటూ గతం లో పలు సందర్భాల్లో నిరూపితం అయ్యింది. ఆయన ఆడంబరాల కు దూరంగా ఉంటారు.

తాజాగా రజినీ సర్‌ మాల్దీవుల్లో హాలీడేస్ ను ఎంజాయ్ చేస్తున్నారు. సాధారణంగా సెలబ్రెటీలు... ముఖ్యంగా స్టార్స్ హాలీడేస్ కు వెళ్లినా కూడా తగ్గేదే లేదు అన్నట్లుగా ఔట్ ఫిట్ తో.. రిచ్ లుక్‌ తో కనిపిస్తూ ఉంటారు. కానీ రజనీ మాత్రం చాలా సింపుల్ గా.. పక్కింటి వ్యక్తి అన్నట్లుగా కనిపించడం మరోసారి అందరి దృష్టిని ఆకర్షిస్తోంది.

మాల్దీవుల్లో బీచ్ లో తిరుగుతూ ఎంజాయ్ చేస్తున్న రజినీకాంత్ సింపుల్ గా ఒక టీ షర్ట్.. షార్ట్ ధరించి ఉన్నారు. అంతకు మించి ఆయన ఎలాంటి హంగామాతో లేరు. పరిసరాల ను ఆస్వాదిస్తూ అలా ముందుకు సాగుతున్నట్లుగా ఉన్న ఫోటో సోషల్‌ మీడియా లో వైరల్ అయింది.

తన కూతురు దర్శకత్వంలో రూపొందుతున్న లాల్ సలామ్‌ సినిమా కోసం గత కొన్ని రోజులు గా విశ్రాంతి లేకుండా షూటింగ్ లో పాల్గొన్న రజినీకాంత్ ఎట్టకేల కు షూటింగ్ పూర్తి అవ్వడంతో బ్రేక్ తీసుకున్నారు. మాల్దీవ్స్ నుంచి తిరిగి వచ్చిన తర్వాత నెల్సన్‌ దిలీప్ దర్శకత్వంలో చేస్తున్న జైలర్‌ సినిమా ను ముగించే అవకాశాలు ఉన్నాయి.