హైకోర్టుకు వెళ్లిన రాజ్ తరుణ్ కేసులో మరో మలుపు

టాలీవుడ్ యంగ్ హీరో రాజ్ తరుణ్ ప్రస్తుతం తన వ్యక్తిగత జీవితంలో ఏర్పడిన వివాదం వల్ల వార్తల్లో నిలుస్తున్నాడు. ఈ వివాదం కారణంగా, రాజ్ తరుణ్ తాజాగా తెలంగాణ హైకోర్టును ఆశ్రయించడం జరిగింది. తనకు ముందస్తు బెయిల్ మంజూరు చేయాలని కోరుతూ, హైకోర్టులో పిటిషన్ వేశాడు. ఈ పిటిషన్ నేపథ్యంలో, హైకోర్టు నార్సింగ్ పోలీసులను పూర్తి వివరాలు సమర్పించాలని ఆదేశించింది.

ఇక తదుపరి విచారణను రేపటికి వాయిదా వేసింది. వివాదానికి మూలంగా లావణ్య అనే యువతి రాజ్ తరుణ్ పై మోసం చేశాడని ఫిర్యాదు చేసింది. ఆమె పోలీసులకు ఇచ్చిన ఫిర్యాదు ప్రకారం, రాజ్ తరుణ్ తనను పెళ్లి చేసుకుంటానని వాగ్దానం చేసి, తర్వాత దూరంగా ఉన్నాడని తెలిపింది. ఈ ఫిర్యాదు ఆధారంగా రంగారెడ్డి జిల్లా నార్సింగ్ పోలీసులు కేసు నమోదు చేశారు.

ఈ కేసు తెలుగు రాష్ట్రాల్లో హాట్ టాపిక్‌గా మారిన విషయం తెలిసిందే. లావణ్య, రాజ్ తరుణ్ చాలా కాలం పాటు సహజీవనం చేశారని, 2017 నుంచి తాను లావణ్యతో సంబంధాలు తెంచుకున్నానని, ఆమె మాత్రం ఏడాది క్రితం వరకు తాము కలిసి ఉన్నామంటూ వాదిస్తూ ఉండటం ఈ వివాదంలో ప్రధాన అంశంగా మారింది. లావణ్య తనపై చేస్తున్న ఆరోపణలు, మీడియా సమావేశాల్లో ఆమె చేసిన వ్యాఖ్యలు రాజ్ తరుణ్ పరిస్థితిని మరింత సంక్లిష్టం చేశాయి.

అందులో భాగంగా, మాల్వీ మల్హోత్రా వంటి ఇతర హీరోయిన్లతో రాజ్ తరుణ్ సంబంధాలు పెట్టుకున్నాడని లావణ్య ఆరోపణలు చేసింది. మరోవైపు, లావణ్యను మస్తాన్ సాయితో సంబంధం పెట్టుకున్నారంటూ రాజ్ తరుణ్ ఆరోపించారు. ఈ వివాదం చాలా గందరగోళంగా మారింది. లావణ్య చేసిన ఆరోపణలు, ఆడియో రికార్డులు, సోషల్ మీడియాలో జరుగుతున్న చర్చల కారణంగా ఈ సంఘటన మరింత బలంగా కనిపిస్తోంది.

అయితే, ఈ వివాదానికి సంబంధించిన అన్ని వాస్తవాలు ఇంకా తెలియాల్సి ఉంది. రాజ్ తరుణ్ ఇప్పటి వరకు లావణ్య ఆరోపణలపై స్పందించకపోవడంతో, ఈ కేసు పై ప్రజల్లో అనేక అనుమానాలు పెరిగాయి. రాజ్ తరుణ్ - లావణ్య వివాదం ఇంకా ఎలాంటి మలుపులు తిరుగుతుందో వేచిచూడాల్సి ఉంది.